السياسي و فتاة ذات العشرين عاما

البارت الرابع و العشرون

السياسي و الفتاة ذي العشرين عاما

# أمير احمد

..............................

كلشي يوجع

أنته والدنيا وشتا الله
وخبصة
الوادم وحضي

والضياع الماد رجله بوجه عمري
والأماني
المدري ياهو الباگ بيهن
كلها تركتني وحيد اشماله دهري؟؟

______________________________

محمد : نمت تقريبا ١٢ و نص شفت ريم كاعده بحديقة و تكطع ورد و لا بسها فستان ابيض بس شطالعه احلى من الورد صحت عليها ريم ريم حبيبتي ريم اسمعيني اتقربت منها و حضنتها من وره ريومتي ليش ما اجوبين دفعتني و كلتلي محمد روح اني ازوجت روح كلت الها لا ما اروح بقت تركض و إني اركض وراها فجأة اختفت و حسيت نفسي وكعت من مكان عالي فزيت من النوم الساعه بال ٣ كعدت و رحت للكنتور طلعت صورتها و رحت كعدت على الجربايه و بجيت اي اني مو حديد اني بشر دم و لحم و إني انسان كتله من المشاعر كسرت شكو عطر يمي شكو كلاص ليش عفتيني بشنو غلطت وياج بشنو جاوبي بعدين ما حسيت على نفسي كعدت الصبح على صياح الحجيه

ام محمد : ولك يمه شبيك تخبلت انت ليش مكسر الغراض عزه العزاني شوف زنك كله دم

محمد : شكو يمه نايم اني شمدريني

ام محمد : شوف دم ايدك كوم بلله

محمد : شبيج حجيه كمت

ان محمد : عزه العزاج يا سهاد شوف الكزازه الداخله بايدك

محمد : يمه صدك جذب هي كزازه هسه اوخرها جريتها و امي عاطت

ام محمد : على كيفك صدك جذب والله انت تخبلت رسمي مخبل شوف الدم الطلع على كيفك

محمد : ما تأذي اني رجال هاي شغله بسيطه

ام محمد : محمد شنو هاي الصورة

محمد : مو صورة ورقه

ام محمد : اطيني اشوفها

محمد : يمه رحمه الوالديج عوفيني بحالي

ام محمد : هاك كلينس ألزم ايدك

محمد : اي اشبيج يمه ليش تباوعين هيج

ام محمد : محمد راح تزوج كافي ارحمني و ارحم نفسك انت تخبلت كله ريم كله ريم ريم لا ربتك و لا تعبت عليك و راحت كلنا ميتين ترى بالغت اهواي اهواي

محمد : اشويه وضعي متخربط لان باجر العقد اذكر ريم اني ما اكلج جنت ناسيها بس ناسي جروحي و هسه انفتحت كل ما تتقرب الخطوبة يتازم وضعي أكثر

ام محمد : إذا ما مقتنع لا عوفها و إني اشوفلك مره

محمد : يمه غير زينب ما ازوج لان اشوف بيها ريم و ما أكدر اعيش اني بدون ريم