السياسي و فتاة ذات العشرين عاما

البارت الثامن و الثلاثون

  السياسي و الفتاة ذي العشرين عاما

# أمير احمد

............................

عرفت ارويحتي المسكينه ملوها
من شفت الاشلونك گوه يحچوها
من شفت الوجوه الوجهي ماترتاح
عرفت اتعاجزو والفرگه رادوها
من شفت الرسايل صايرات اثگال
وتبات الرساله وعود يقروها
گلت يا گلبي أيس خايب انمليت
ما دام الرسايل ما يفتحوها
_______________________

محمد : وصلت زينب للبيت و طلع سجاد سلم عليه و رجعت للبيت دخلت للبيت لكيت الحجي و الحجيه كاعد يتناقشون ها حجي بشنو تحجون

ابو محمد : والله ابني مستحي من السوته امك

ام محمد : اليسمعك يكول ذابحتها شسويت فوك ما اعودها على بيت رجلها

محمد : يمه ميخالف بس مو هيج لبنيه اول مره تجي و تتدخل بيتنا و بعدين فاطمة شنو وظيفتها غير اساعدج وينها

ام محمد : خطيه البنيه تعبانه راحت تنام

محمد : يمه انتي يوميه ما تخلين فاطمة تنام من وكت ليش اليوم

ام محمد : و ما بقى الا انت اتحاسبني على شغلي اروح انام كلامكم يجيب الجلطة

محمد : تصبحون على خير اني صاعد انام

ابو محمد : أجمعين ابني

محمد : صعدت فوك و إني من صدك ضايج مو وضعيه البنيه اول دخلتها و هيج استغفر الله نزعت تراكي و نمت  ما حسيت الا باب الغرفة انفتح صحت منو ما اكو جواب منو ما اكو جواب حسيت بواحد اتقرب مني و لزم ايدي الدنيا ظلمه ما اشوف منووو سمعت صوت

ريم :  اني ريم لا تخاف حبيبي الله الحلقة حلوه على ايدك مبروك

محمد : ريم هاي انتي صدك شفتها منزله شعرها و لبسه ثوب ابيض و مخليه ورد على ريم لا تعوفيني اخذيني وياج

ريم : محمد ما أكدر عندي جهال صارو اني اودعك راح اسافر

محمد : باستني و راحت كمت براها ما لكيتها فزيت شفت روحي بالفراش كمت من الفراش لكيت باب الغرفة على سدته يعني ريم ليش عفتيني تعرفين بيه احبج اخذيني وياج و خلصيني ليش تكرهيني رحت غسلت وجهي و فتحت الضوه و الشباك ريم اذيتني اهواي كافي اني احبج سديت الشباك و بقيت الضوه مفتوح و نمت كعدت الصبح راسي يوجعني اشويه و ينفجر سبحت و لبست ملابس الدوام نزلت جوه فاطمة بنتي سويلي عصير و جيبيلي حبوب وجع راس

فاطمة : تدلل استاذ كلبي يدك من اسمع صوته فدوه شاف بهاي الجكمة و راح يزوجها يله اني اعلمها بس تجي رحت سويتله عصير و أخذت الها حبايه وجع راس تفضل استاذ اجهز الريوك

محمد : تسلمين بنتي لا ما أريد الحجيه و الحجي وين

فاطمة : الحجيه كعدتني و نامت علمود اجهز الك الريوك