السياسي و فتاة ذات العشرين عاما

البارت السادس و التسعون

السياسي و الفتاة ذي العشرين عاما

# أمير احمد

......................................................................

اختنگنه
وچان مضموم النفس بين الغراض
وماگدرنا گبال اهلنا نطلع ألبوم الصور 💔

......................................................................

زينب : دنمشي كان اشوف خالو محمود حسيت جسمي كوله يرجف مبقه شي بيه ما رجف كان كبران شعره ابيض

ام محمد : يمه اشبيج امشي

زينب : خاله ما أريد أزور خلي نرجع للبيت تعبانه

ام محمد. : يمه صدك جذب مو مختنكه امشي اشبيج ترجفين

زينب : جرتني خالتي كوه محمد وينك لويش عفتني كنت ما تفاركني لحظه كمت ابجي

ام محمد. : يمه الرحمن عليج بيج شي

زينب : خاله واحد ضوجني و كمت ابجي حسيت داخون محمد

ام محمد : يمه ذوله ما عدهم عرض حبيبتي انتي بعد ما نروح على ذاك الطريق ننتظر عمج اهنا

زينب : مسحت ادموعي و اتوضيت دخلت زرت و طلبت من الامام طفل إليه و لمحمد يعوضني عن وجوده و يفرح بي و خالتي همات نذرتلي طبعا اني ميته فرح بس اسوي نفسي استحي

ام محمد. : يمه ان شاء الله اجي و انتي حبله و افرح والله فرحه صدك هديه من الامام

زينب : ان شاء الله خاله و مدنكه صلينا و دعيت الله يحفظ محمد و كل الناس و طلعنا انتظرنا عمو و اني مغطيه وجهي خاف اشوفه

ابو محمد : ها تقبل الله

ام محمد : زيارة مقبولة حجي مو تقبل الله

ابو محمد : اااااخ منج شكول ما ترضين زيارة مقبوله بنيتي

زينب : منا و منك عمو لايكه عليك الدشداشة البيضه

ابو محمد : يا بعد ابوج ما تخطبيلي وحده من طالبات كليتكم

ام محمد. : ابووووووو محمدددددد🧐

ابو محمد : بنيتي سدي الموضوع الداخليه راح تكلبها لجنة تحقيق

زينب : هههههههه

ام محمد. : وينه حلوه عليك الدشداشة البيضه اصلا امطلعتك هلكدوتك

زينب :ههههههههههههههه ها خاله تتكولين ما اغار

ابو محمد : هههههههه عمتج ما تحجي البكلبها يله امشو نتعشه

زينب : ودانا عمو مطعم زين بس مسافه عن الإمام يعني بالسيارة و بعدين رجعت للبيت و رجعت فلوس محمد ميخالف هو يتعب بيها اني متعبانه و لا محتاجه شي فتحت موبايلي و دكيت عليه اهلا حبيبي

محمد : يا هلا بهل صوت قبل ساعة كملت من الاجتماع و تعشي و دكيت عليج ما اكو

زينب : هسه يله رجعنا