السياسي و فتاة ذات العشرين عاما

البارت العشرون

السياسي و الفتاة ذي العشرين عاما

# أمير احمد

______________________________

دنيه تعب بنادم.
وتكثر همه لو نادم.
تطيحه بير
يضل يحير.
محد يسمع بنوحه.
تتركه حباب.
ويكض لباب.
واكف الهم يباوع.
يريد يشوف شرهم
لمن يطالع.
وتالي تبين جروحه.
يضل يشتاك
يبجي فراك.
وين يروح.
وهما يفوح.
صاير لزمن مرجوحه
..............................

زينب : كعدت على صوت ماما تكعدني

ام سجاد : يله ماما حبيبتي كومي علمود نطلع من المستشفى

زينب : فتحت عيوني و أول كعدت على سرير بابا بقى يصيح

ابو سجاد : ها صلوات كعدتي لج بنت القندرة بنت كلب ما فكرتي بينا ما فكرتي بسمعتنا اشلون تسوين هيج اني اطيتج عين سمعي لج يجي رجلج و تعقدون و تولين من بيتي بنيه كلج مشاكل متعبتني متعبه امج ام سجاد عوفيني اربيها

ام سجاد : على كيفك ابو سجاد عيوني البنيه تعبانه البينا كافينا عدت سلامات عوفها الخاطري

ابو سجاد : لج هاي عاررر و اليوم اطيح حظها ادب سزز بعد أيام تنهزم ويه واحد و هم كولي مجبوره سوي هيج هاي محد بعينها التسوي هيج وحده ما متربيه

ام سجاد : عوفها عيني الخاطري سجاد يمه سجاد تعال اخذ ابوك

ابو سجاد : مو اني جاهل ياخذني

سجاد : شكو يابه صوتكم واصل لباب المستشفى

ابو سجاد : هو بقى صوت ما بقت ذرة عقل بيه من وره هاي اختك لك شنو من بنيه انتي

سجاد : يابه اهدئ امشي كملت إجراءات الخروج يله سارة ساعديها تكعد على العربانه و نروح للسيارة

زينب : كاعد بس اسمع ما اجادل و راح اجادل شنو حصلت من حبيت حسين وين متصير تصير كافي الألم الكاعد احس بي
كومتني سارة

سارة : اجه الصاك شوفي

زينب : هههه كافي

الدكتور : الحمد لله على السلامة ٣ إيام و تعالي نبدلج الشاش

زينب : ان شاء الله

سارة : اخ يا حبيبي شوفي يمشي على كلبي عبالك

زينب : هههههههه بكد ما بيه من تعب و ضوجه بس يم سارة كوه اضحكني غصبا ما عليه اشلون تباوع على دكتور

ام سجاد : شبيج فاتحه حلكج ثكلي شويه

سارة : زينب اي عيب سدي حلكج

ام سجاد : يا ثول يا خبله انتي زينب شعليها

زينب : و بقن يتناقشن هههههه اباوع على ناس عايشه حياتها ناس فرحانه ناس تبجي ناس عاشت ناس ماتت وصلنا للسيارة اجه سجاد ساعدني سجاد كولش علاقتي بي قويه شقانه أسرارنا سوه بس اعرف بي كولشي و لا رنين ساعدني و كعدني ليكدام و بابا صاح