السياسي و فتاة ذات العشرين عاما

البارت التاسع

السياسي و الفتاة ذي العشرين عاما

# أمير احمد

..............................

سارة : شفتها نايمه بسته من راسها و نزلت جوه سمعت ماما تتكلم بالموبايل

الام : اي ام محمد تشرفونا باي وقت ان شاء الله  على الجمعه خوش فال  الله وياج مع السلامة

سارة : سمعت هيج و إني قلبي نقبض خطيه لويش هيج يصير بيها هو صدوك رجال ميتفوت بس مو امنيتها هي امنيتها حسين خطيه اذكر من اتشوفني صور البدلات اليدزهن حسين الها لو من يجينا للبيت و عينه بس عليها اوف من الحب يدمي القلب و يقتله رحت الماما كانت بالمطبخ ها ماما

الام : ها حبيبتي

سارة : ماما ويه منو كنتي تتكلمين

الام : ويه ام محمد خابرتني و اتفقت وياي على موعد الخطوبه و كالو عقد سيد بس و من نعقد محكمه نسويلهم حفله مال تلبيس حلقات

سارة : ماما بس زينب اشلون بيها ياريت تكولين الهم بس خطوبه عاديه بدون عقد خلي يتفقون يتناقشون يله

الام : والله يا ماما البيه كافي قلبي نمرد على اختج بعد معلينا همه بيناتهم بس فكرتج صح احتمال اختج عدها شروط قبل العقد

سارة : اي والله ماما رجعي خابريها كوليله البنيه تريد اتشوف الولد و هذا شرطها

الام : الله يسهل خلي اتصل عليها ألوو ها أم محمد حبيبتي الحمد لله انتي اشلونج اكولج ام محمد لا تجيبون سيد لان البنيه تريد العقد بالكاظميه اي هو احسن على بركة الامام مع السلامة تصبحين على خير كلبي

سارة : ها ماما شنو كالت

الام : ماما وافقت كالت الجمعه نجي علمود الخطوبه

سارة : اي تمام اكولج ماما اشلون بخالتي ام حسين شنو راح يصير بيها و ابنها شفت بدت دموع ماما تنزل راسا حضنتها

الام : والله ما. ادري شكول الها خطيه فرحانه. و فوك القهر ابنها يحب زينب و رايدها و حاجزها بس شكول على اخوج الله كريم ما راح ابلغها الا من تعقد

سارة : ماما الله يسهل

الام : يله تعالي ساعديني بالعشه و من تكملين كعدي اختج تاكل الها شي

..............................

محمد : كملنا عشه و اتصلت على سجاد ها سجاد اشلونك

سجاد : استاذ الحمد لله انت اشلونك

محمد : الحمد لله سجاد بدون زحمه رقم الوالده لان الحجيه تريد تأخذ الموعد علمود نحدد موعد الخطوبه و نتفق

سجاد : اي تامر استاذ محمد هسه ادزه

محمد : شكرا سجاد اخذ راحتك الله وياك