السياسي و فتاة ذات العشرين عاما

البارت الثامن و الأربعون

السياسي و الفتاة ذي العشرين عاما

# أمير احمد

..............................
      (شعر دزه حسين الزينب)

اريد اعلن حداد وللعشك ماعود
واريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاكيني
ماريدك بعد لو انت روحي اتصير
وماريدك لون من موت تحييني
ملح بعيوني احطن ونسة حتى النوم
اخافن بالمنام طيوفك تجييني
اذا شافتك عيني وفرحت بملكاك
والله اتبره منهه وهاي موعيني
واذا صافحك جفي بحجة الخملان
اكص اثنين اديه يساري ويميني
واذا كالولي حبك يسري بالشريان
ثق بالله اكطع كل شراييني
______________________________

زينب : كعدت الصبح اليوم العصر تجيني سهام نكمل ملابس الطلعه و البيت كعدت غسلت وجهي و نزلت تريكت بعدين فتحت موبايلي لكيت رسائل على الواتساب دخلت على البرنامج رقم مو من جهات الاتصال اسمه حسين ابو مؤمل قريت الاسم نزلت ادموعي دخلت على الرسائل دازلي قصيده المكتوبه فوك و كاتبلي

حسين : هذا اخر فيديو و قصيدة ادزهن الج و إني اعتذر على اهواي شغلات و منها بس مو بيدي احبج و ابشرج نسرين طلكتها لان اندليت كرايبها وين ساكنين و عاشت يمهم انتي مرتي و حبيبتي التعبت عليج ما اجذب صادقت و صاحبت بنات اهواي بس جنتي انتي الوحيده بكلبي و ما اتحمل موضوع تزوجين غيري و ما بقالج بس ٥ إيام اني شوهت صورتج كدامه كل ظني تتعاونين وياي حتى مياخذ ام مؤمل مني و تعاقبت كله علمود ما تروحين و هسه انتي الله مرتي و حبيبتي و بت كلبي اله اني قدمت على عمليات تحرير الموصل بس اريد امنج امانه امي زينب امي دير بالج عليها و اوكفي وياها من يجيبوني شهيد و حنتي اني وياج هي دمي احبج للموت حبيبج و ابو ابنج غلطت نسيت اني مو زوجج دير بالج على نفسج يا احلى عروس و شوفي الفيديو

زينب : ما عرفت شسوي رجفه على دموع ما عرفت شنو اسوي حمل الفيديو دخلت عليه

حسين : زنوب حبيبتي ام امولي اني رايح للدوام حبيبتي كلتلي على جرح ايدج هذا الموس شوفي مو راح بس اجرحها راح اكتب اسمج عليها احبج شوفي اخ اتاذه بس مو مثل وجع كلبي ما اتخيلج اصيرين الغيري انتي بنيتي إليه ربيتج على أيدي شوفي اسمج مع السلامة

زينب : انهاريت بقيت ابجي و ابجي

سارة : زنوبه حبي اشبيج شصاير

زينب : حسين دمرته ابجي بحسره حسين ماتت راح راح لتحرير الموصل

سارة : اسم الله حبيبتي خاف جذاب خاف يشاقه وياج ما معقوله يسويها

زينب : ساره شوفي الموبايل اخ حسين دمرتك اخ اخذني وياك

سارة : شفت الرسائل و الفيديو اعرف بيناتهم علاقة حب بس عبالي يقشمر عليها ما عبالي يحبها بقيت حاضنه زينب البس تبجي كافي حبيبتي