السياسي و فتاة ذات العشرين عاما

البارت الثالث و الأربعون

   السياسي و الفتاة ذي العشرين عاما

# أمير احمد

..............................

صوغلي
ضحكاتك ودزهن رسالة
الليل عاتبني عليهن مشتهيهن
وأني اغار عليك وعليهن  يخايب
صوغ ضحكاتك چذب واني اشتريهن

______________________________

زينب : سديت الموبايل بوجهه لان عصبي حيل ما أكدر اكلمه رجع دك و ما اجاوبته خاف يعيط عليه شعليه اني يا ربي شنو هل ورطه غلقت الموبايل و رحت للحمام علمود اذا يسأل اكوله بالحمام

.............................

محمد : كاعد احجي وياها سدته دكيت عليها مرتين سدته دكيت مره ثالثه لكيته مغلق اني اعلمج ادب سزز إذا ما ربيتج اطلع مو محمد أخذت سويجي جانت الساعة ب ٩ شافني رائد

رائد : ها دايح وين رايح

محمد : رائد هسه اجي شغله مهمه و إني عيوني براسي الا اعلمج وحده صلفه اني اربيج عفت رائد أخذت سيارتي و رحت و إني روحي طالعه دكيت على سجاد ألوو سجاد اشلونك

سجاد : اهلا محمد اني زين انت اشلونك

محمد : الحمد لله سجاد كول الزينب اتحضر نفسها أخذها حتى تختار لون الفرشات مال جربايه و البردات

سجاد : ماشي هسه تحضر روحها

محمد : سديت الخط و أحاول اصير طبيعي

.............................

زينب : بالحمام اجتني سارة

سارة : محمد جاي علمود ياخذج تختارين الألوان البردات و الفرشات

زينب : عفيه سارة لا محمد عصبي ما اروح

سارة : زنوب طلعي و نتفاهم

زينب : لبست ملابسي و طلعت و سارة و ماما استلموني

ام سجاد : عيب يمه صارلج كومه ما شيفته و الولد زين منه ياخذ رائيج يله حبيبتي

زينب : سجاد كان عصبي من يتكلم وياك

سجاد : لا بالعكس طبيعي صاير شي بينكم

زينب : ها لا لبست عبايه اسلاميه صدكت بيهم و قنعوني و شال و رتبت وجهي

.............................

محمد : وصلت البيتهم سجاد فتح الباب لا والله سجاد ما ادخل مستعجل لان ابو محل خاف يعزل

سجاد : دخلت صحت زينب

زينب : متأكد طبيعي

سجاد : زينب صاير شي بينكم متعاركين الولد كلشي ما بي

محمد : طلعت الخاتون يله حبيبتي صعدي لان المحلات راح اتعزل و ما انلحك حاولت اسوي نفسي طبيعي كوه لازم اعصابي