السياسي و فتاة ذات العشرين عاما

البارت الواحد و العشرون

السياسي و الفتاة ذي العشرين عاما

# أمير احمد

..............................

برموش العيون لجلك كاتب اني ✍️
وصرت راوي بمحبتك كاتب اني😘
لون تدري على كلبي اشكاتب اني💘
عهد مانساك صدك للمنيه✍️💞✍️
______________________________

محمد : مو شغلج اكلج اشلون تعورتي

زينب : كنت اغسل اماعين و دخلت سجينه يم وريدي و سارة و ماما كانوا بالاستقبال يباوعون على البلازمه و صوت عالي و بقيت انزف

محمد : ممتاز انتي و سجاد مكانكم بالمسرح على كد التمثيل

زينب : لويش تجاوز انت مو انسان محترم

محمد : شوفي اني وياج نزوج نزوج احجي لا تهتمين كولي علمود حسين

زينب : طبعا اني صريحه وياك راح اكولك و ما اخاف منك على اي حال انت ربحت و إني خسرت اني اتصلت بحسين و عرفت هو مزوج بعد ما عرفت بزواجه و إني داتكلم كان يشرب شربت وكع الكلاص

محمد : كملي

زينب : قررت اخلصكم مني اني جزء زائد ما إليه مكان بالدنيا بعد و التريده سوي استاذ اني خسرت كولشي لعبالك اني عايشه هسه اني ميته و متت من انتحرت الحد هسه

محمد : حسيت بارود ذبت عليه من كالت اتصلت بحسين و شفت دموعها تنزل بس ما تمسحها ليش تبجين.

زينب : انت دمرتني و راح انجبر اعيش وياك طول حياتي

محمد : هذا موضوع خلصانين منه

زينب : سؤال ممكن

محمد : كولي

زينب : استاذ محمد لويش تريد تزوجني هاا

محمد : اني الاريده يصير و كلتلج قبل

زينب : استاذ بس اشلون تزوج وحده ما تريدك

محمد : سمعي لا عبالج تكولين هيج علمود اعوفج كلمتي ما اصير ثنين

زينب : بس هيج حرام عليك لا تكولي انت ما حبيت مره بحياتك لويش تكسرني

محمد : اسكتي لا أكوم اكسر سنونج و اكص لسانج ما اكو شي اسمه حب مو انتي تعلميني الحرام استغفرالله ربي مسحي دموعج كافي اني مو احجي وياج

زينب : اي ايدي اليسره كانونه مخليه اكدر احركها شويه اخ

محمد : اشبيج

زينب : توجعني الكانونه

محمد : ايام و يروح الوجع اني اخذج لدكتور مالتنا

زينب : شكرا اترخص

محمد : ابقي كاعده اني رايح قبل العقد بيوم ادز نرجس اجهزج

زينب : ما اكو داعي بس احب اكولك قلبي مات و لو تجيبلي الدنيا كولها ما احبك انت دماري