السياسي و فتاة ذات العشرين عاما

البارت الواحد و الخمسون

السياسي و الفتاة ذي العشرين عاما

# أمير احمد

______________________________

يجي يوم،
السچچ تتلاگه ونغنّي
يجي يوم،
الگُمر خدران
چَي ظلك شبگ ظلي
يجي يوم،
ونفزّ عشاگ وچفوفك تلمّ چفي
يجي يوم،
وغصب ؏ الفات اناديلك هلا بخلّي .

______________________________

محمد : كعدت الساعه ب ١٠ يا يابه تعبان دكيت على نرجس الووو اشلونج نونه

نرجس : هلو حمود حبيبي زينه

محمد : بيش ساعه متفقين تروحون للصالون

نرجس : ب ١

محمد : خوش لعد اني اوصلكم ما عندي شي و جيبي البدلات من الصالون خليهن يم زينب

نرجس : ماشي حمود كم الساعة تمر عليه

محمد : وحده الا ربع راح اكوم اسبح مع السلامة

نرجس : ماشي مع الف سلامه حمود

محمد : سديت الخط و كمت للحمام لكيت بس واحد منوو

رائد : يبوووووو حتى احنا مشاركني

محمد : اشوكت تخلص

رائد : بعد سنه

محمد : شو صوت يمك

رائد : فطومه لازكه بيه الا تدخل وياي دخلتها

محمد : لا بشرفك طلعها العبها بين ما تخلص

رائد : اي هاك خلصتني

محمد : أخذت فطومه لعبتها امها ما متعوده على جونا تستحي ٢٤ بالغرفة و إذا تطلع يمكن لو للحمام لو للمطبخ لج فطوم صايره حلوه ههههههه ايدج طويله ام للسان هههههههههه جنج ابوج طلع رائد هاي تشبهك

رائد : ما تسكت الخاطر الله مرمرتني بالحمام تغنيلي اباه و اباه و انكلها اي كلشي ما افتهم

محمد : لك حتى اني تكلي هيج بستها ورده هاي لك لا تحجي عليها

رائد : اخذتها منه اني نازل اتريك

محمد : اكلك ام فاطمة لا تنزل لا تطلع ليش شعجب

رائد : متعوده على أهلها و امي كل ما اشوفها اذب الها بسمار لو تعاملها خشن

محمد : انت مو تكول ما تفتهم عربي

رائد : تعرف بس اللغة صعبه عدها

محمد : هاا راح اسبح وصي فاطمة اصعدلي الريوك فوك دخلت سبحت و غسلت باوعت على وجهي اي يا زينب بعد يومين و تصيرين يمي اوووف لبست ملابسي و طلعت لكيت الريوك جاهز تريكت و كملت دكيت على زينب الووو صباح الخير صح النوم الساعه ب ١٢ الا ربع

زينب : اهلا صباح الخير مو البارحه سهرانه ويه سجاد و سارة

محمد : ها زين ما بقى شي و نسهر سوه