السياسي و فتاة ذات العشرين عاما

البارت التاسع و الثلاثون

السياسي و الفتاة ذي العشرين عاما

# أمير احمد

..............................

لا وچمالةة زَعلانين
خيزعلون ،
قابل تنگلب بينةة 
صغّار صغّار رَبينةة
كبروا مَ رضوا بينةة
هاي الناس مال وداع
مَحد تنكسر عينةة
_____________________
زينب : كعدت ب ١٠ تريكت و جان الجو مخبوص و كملت لبس عبايه اسلاميه و شالها وياها و أخذت فستاني و حذاء عندي ماروني عالي تلوك ويه الفستان نزلت انتظر نرجس شافتني مرة خالي ام احمد

ام احمد : ها خاله شو محضره روحج وين رايحه

زينب : خاله هسه نرجس تجي عليه حماتي نروح للصالون

ام احمد : لعد جان رحتي ويه امج لو صارو مو من مستواج

زينب : العفو خاله محمد ما قبل الا ويه نرجس اروح

ام احمد : والله عمي زين حظ الصفر كأعد

زينب : شحجي وياها إذا الناس متخلفه اشلون تفهمها و تعلمها و الله ما اعرف شنو لغة المتخلفين بقيت انتظر و عماتي ايهلهلن لان نزل سجاد و يسون مثل الهوسات سلم سجاد عليهن و اجه عليه سلمت عليه و كولتله مبروك

سجاد : الله يبارك بيج ليش ما رحتي للصالون ليش

زينب : محمد ما يقبل كولي روحي ويه نرجس

سجاد : ها بكيفج بعد اني راح اكل لعمتي يمامه أدير بالها على ألبيت
زينب : دكت عليه نرجس و بقه سجاد يحجي ويه عمه يمامه و يوصيها و طلعت بره لكيت حسين خفت

حسين : ها وين رايحه

زينب : حماتي منتظرتني

حسين : حماتج من شوكت صارت حماتج

زينب : حسين وخر اتاخرت أريد اطلع

سجاد : ها حسين اشلونك اشلون صحتك

حسين : هلا سجاد اشلونك

زينب : نقذني سجاد طلعت لكيت نرجس نازله سلمت عليه و صعدت بالسيارة

نرجس : اشبيج وجهج مخطوف  ليش تأخرتي

زينب : النسوان يذبن كلام إليه لان ما رحت ويه رنين للصالون

نرجس : هي الناس اشوكت سكتت اكولج منو هذا الولد الحجه وياج بالطرمه

زينب : هذا ابن خالتي خطيبي السابق

نرجس : ها اي كلي عليه محمد بس لا ضوجج

زينب : لا سجاد اجه بالوقت المناسب

نرجس : ها الحمد لله

زينب : وصلنا للصالون و جانت بي رباب و ماجده طبعا ادري بيهن ما يحبني نفس امهن سلمن عليه من وره خشمهن

نرجس : اشويه تعبانات جهال و بيت

زينب : لا عادي الزواج مسؤولية بدت بيه ام الصالون سوتلي وجهي و حواجبي و إني مسويه اديه و رجليه  بالشيره لبست الفستان و شسورت شعري و سوتلي تسريحه بسيطه و مكياج يناسب ويه الفستان كملتنا الساعه ب ٢ دك عليه محمد الووو ها محمد