السياسي و فتاة ذات العشرين عاما

البارت الثامن

السياسي و الفتاة ذي العشرين عاما

# أمير احمد

..............................

محمد : فزيت المغرب على موبايلي يدك فتحت عيوني بالكوه شفت ابو رنين يتصل عفته يدك رجعت تمددت بعدين كعدت غسلت وجهي و لبست التراك و اتصلت عليه ها ابو رنين اشلونك

ابو رنين : الحمد لله استاذ محمد انت اشلونك

محمد : على الله تفضل ابو رنين

ابو رنين : والله يا استاذ محمد التريده صار الجماعه ردولنا خبر موافقين على الشرط بقت بس الخطوبه و تتفقون تبلغ الحجيه و تجون على البنيه تتقدمولها

محمد : ممممتاز والله فرحتني على هذا الخبر الحلو الله يفرحك

ابو رنين : تدلل استاذ محمد و الف مبروك أن شاء الله الذريه الصالحه

محمد : الله يبارك بيك تسلم

ابو رنين : تدلل استاذ محمد اخذ راحتك

محمد : مع السلامة خلصت مكالمه و إني الابتسامه شاكه وجهي صدك جذب محمد شنو رجعت مراهق اثكل عيب هههههه شثكل و راح اخذج يا زينب اخ مو كلتلج غصبا ما عليج اخذج اخذج و هذا اخذتج و رحت سبحت و لبست اتراكي و مشطت شعري و نزلت جوه
مساء الخير
ام محمد : مساء النور هلا يا بعد امك اشلونك اليوم ما تغديت

محمد : والله يا حجيه الحمد لله أكلت ببيت ليث عزمني على الغده

ام محمد : ها حبيبي بالعافيه اكلك حبيبي شو الوجه مورد و الابتسامه و فرحان فرحنا شصاير فرحني وياك

محمد : الله يعافيج حجيه ههههههه قررت ازوج و بنيه عاجبتني

ام محمد : ساعه المباركه الاشوفك بيها عريس و عروستك وياك

محمد : الله يسلمج حجيه و يحفظج النا اكلج حجيه

ام محمد : كول حبيبي

محمد : حجيه اني خطبت صديقة رنين بنيه مرتبه و حبابه و دخلت كلبي اريد بس تتفقين وياهم على موعد الخطوبه و على الشغلات

ام محمد : حبيبي هاي سهله بس محمد ماما ليش ما رنين بنيه مرتبه و حلوه و كرايبنا يعني هي أولى

محمد : حجيه رنين مثل اختي ما اتقبلها زوجه إليه و انتي مو تريديني ازوج خليني براحتي

أم محمد : لا حبيبي ازوج اني اريد اشوف جهالك هاي امنيتي بس جيبلي رقم امها و اتصل بيها

محمد : الله يحفظج يا احلى ام بالدنيا تدللين ثواني و الرقم يمج

ام محمد : يا محمد يمه اثكل براك زواج

محمد : حجيه فرحان حيل لو ما العيب جان ركصت

ام محمد : يا محمد بس لا ساحرتك اعرف دروب النسوان مو نسوان شياطين اخ منج يا سهاد ابنج انسحر و انتي نايمه و رجليج بالشمس