السياسي و فتاة ذات العشرين عاما

البارت الثاني عشر

السياسي و الفتاة ذي العشرين عاما

# أمير احمد

أكتبلك شعر بس بحلات الليل
ورسم صورتك بحروفك الحلوة
تفزعلك قوافي بريحة الهيل
وفزعلك عمر ويروحلك فدوة
أحبك لا اريد بعشگك الويل
أحب حبك عواصف وبيه أتلوة
شنو يعني حب وما يهد الحيل
حب تالي وكت وكلشي مايسوة
أريد بعنفوان أحساسك أشيل
وتتحمل عذاب وبرده تتجوة
هذا الحب يستاهل ركوب الخيل
وبصحراء عمري نعشك البلوة
______________________________

سارة : وصلنا للبيت هلكانين من السوك و جبنا عشه ويانا خطيه بابا هو تكفل بالمصاريف كل لا تخلون شي بنفسها كولشي جيبولها و ماما همات تعبت من السوك دخلنا من البيت ويه الصلاة رحت بدلت و توظيت و دخلت لغرفتنا لكيته كاعده تكلب بالصور مال حسين زينب صارت الصلاه كومي صلي

زينب :  ما سمعته هسه اكوم اصلي

سارة : اساعدج

زينب : لا بس بعد اشويه جيبيلي اكل لان كولش جعت

سارة : من عيوني راحت توضت و صلت و بعدها نزلت عزلتلها معلاك و كباب علمودها جبنا صعدته فوك الها هاي حبيبتي تعالي جبته الج

زينب : شكرا سارة خلي هسه اجي اكل

سارة : كملت صلاة و متكدر تلزم الخبزه كانونه بايدها حبي اوكلج

زينب : اي لأن ايدي توجعني

سارة : كعدت اوكلها شويه شويه بعدين سألتها زنوب لويش غيرتي فكرتج و تاكلين

زينب : الكانونه موتتني و الطبيب كولي. إذا ما اكل يخلون إليه مغذي

سارة : اي لعد اكلي احسن وكلتها و بعدين اكلت برتقال لان زين الها و تمددت

زينب : سارة وين جنتو

سارة : بالسوك علمود يوم الجمعه

زينب : ها اي منو يجي و منو

سارة : هو و امه و ابو و كرايبهم

زينب : و حسين لويش مسال عليه همات اتصل لو لا

سارة : محد اتصل و حتى امه متسال يمكن عدهم ظرف

زينب : هو مصدك يخلص مني كولهم خونه

سارة : حياتي ارتاحي خلي اجيب الدوه مالتج جبت الها دوه اطيته الها بعدها نص ساعه و نامت لان الدوه مفعوله قوي ينوم نزلت الماما عزلت الغراض و الملابس ضميتهن بالكنتور و حضرت العشه ويه ماما

الام : ها ماما اختج اكلت

سارة : اي ماما و شربت دواها

الام : الله يهديها

سارة : تعشينا كولنا و سجاد ما اعرفه ساعه احسه حنون و يخاف علينا و ساعه القاسي الظالم بس الاعرفه هو يموت على رنين صديقة زينب و هي همات تحبه و بعدها غسلت المواعين و دخلت سبحت و مشطت شعري صارت ب ١٢ نمت لان تعبانه حيل

..............................

محمد : كعدت على صوت نرجس

نرجس : يله عريسنا كوم نايم لو تدري بيك العروس تنهزم هههههههه

محمد : ههههههههههه صباح الخير من شوكت انتي اهنا

نرجس : صباح الورد هسه أجيت و كلت اسلم عليك يا احلى عريس

محمد : احلى صبح جان صرت اسعد انسان لو يوميه أصبح عليج كمت وياها رائد اشلونه بدوامه ان شاء الله مرتاح

نرجس : والله زين يسلم عليك مرتاح الحمد لله

محمد : الله يسلمه نزلنا صباح الخير ام ورود حضريلي الريوك

ام ورود : صباح النور تدلل استاذ محمد

محمد : نرجس الحجي و الحجيه وين

نرجس : الحجيه بالغرفه اتحضر نفسها و الحجي طلع ويه عمو عنده شغله

محمد : ها بيها الخير شعدها الحجيه شو تأخرت ههههههههه

نرجس : مو لازم تكشخ على ١٠٠ حبايه

ام محمد : ها ولك تحجي عليه و انتي الثانيه كاعده اصنفين صيري بجمالي

محمد  و نرجس : ههههههههههه

ام محمد : بس تعرفون تضحكون صدك ابني محمد محتاجين خدامه ام ورود متكدر البيت جبير حيل فمتكدر كل الغرف تنظفها تجي وحدها اتساعدها احسن

محمد : حجيه  ادللي

ام محمد : يله نرجس امشي لان تأخرنا محتاج شي انجيب الك

محمد : لا حجيه كلشي اتسوكت البارحه بس مشتهي سمج شوي وصي ام ورود لا سوي غده راح اوصي السايق يجيب

ام محمد : هاي  ابني براحتك راح اكل لام ورود ام ورود

ام ورود : بلي خاله كولي

ام محمد : حبيبتي ما اكو داعي تطبخين غده كملي ريوك محمد و طلعي

ام ورود : تسلمين خاله

محمد : ام ورود حضرت الريوك و راحت بقيت وحدي بالبيت كلت ترجع الحجيه من سوك و اشوفها تريد خدامه الا عربيه
بعدها كعدت بالحديقه اجتي بالي زينب كلت اخابر رنين اعرف أخبارها  الووو  ها رنين اشلونج

رنين : اهلا استاذ محمد اني الحمد لله انت شخبارك

محمد : الحمد لله رنين اكو اخبار جديده لو سكته

رنين : اي اكو زينب تخربطة و صفر الضغط و السكر ودوها للمستشفى و وضعها استقر

محمد : ها الله يشفيها

رنين : اشوكت خطوبتكم

محمد : والله على باجر قرات الفاتحه و العقد بالمحكمه و نتفق على حفله و الحنه و العرس

رنين : استاذ محمد أريد اكولك شي

محمد : كولي رنين اسمعج

رنين : استاذ محمد زينب تعبانه و احتمال متغيره يعني ضعفانه دير بالك من خالتي خاف تحجي لو تضوج البنيه هي مجبوره و خالتي متلزم اللسان دير بالك

محمد : ان شاء الله احجي وياها خلصت المكالمه.......