السياسي و فتاة ذات العشرين عاما

البارت الرابع

قصة السياسي و الفتاة ذي العشرين

# أمير احمد

..............................

زينب : دك المنبه كوه كعودت رحت للحمام غسلت وجهي و صليت و رحت كعدت سجااد

سجاااااااد...... سجاااااااد اكعود يله راح اتأخر

سجاد : اييي ايييي كعدنا هو واحد ينام بهذا البيت

زينب : يله كوم شطلعلك ملابس

سجاد : قميص ابيض و جينز اسود و الستره الماروني

زينب : شنو عريس

سجاد : بدت رحمة الله من الصبح كومي حضري و انتي ساكت زنوبتي اطيني شسوارج

زينب : اممم افكر بس اشكد الاجره

سجاد : خوب انتي ما تطين شي لوجه الله الا مقابل عمي اطيج بس جيبلي الشسوار و السيروم راح نتأخر

زينب : رايحه وديت الشسوار الغرفته لكيته يسبح رحت بدلت ملابسي لبست جينز نيلي و بلوز صوف وردي فاتح و شال نيلي و حذاء رياضي وردي و جنطه نيلي خليت مكياج خفيف لان سجاد و بابا ميقبلون على المكياج أخذت ملازمي و لاب كوت. ( الصدريه البيضه) انتظرته يكمل كالعاده يكشخ عبالك عريس و هو طول بعضلات الله يحرسه من العين

سجاد : الووو وين صفنتي

زينب : هيج حسبه بالي ههههه شعندك كول يوم كشخه مو عندك رنين لو اكو غيرها

سجاد : انجبي يعني هسه انتي مو كاشخه امشي امشي كاشخ والله يالله

زينب : صعدنا بالسيارة و لزمنا ازدحام جسر الجادريه إلى أن وصلت للكلية دكيت على رنين الووو

رنين : الوو زنو تعالي اني موجوده بالسنتر

زينب : يله اوكي باي حب خلصت المكالمه رحت الرنين سلمت عليها و دخلنا القاعه مال نظري عدنا محاضره اتأخر الدكتور بدينا أتراجع ملازم العملي لان عدنا كوز الساعه ب١٢

..............................

محمد : كعدت الساعه ب ٧ على صوت الموبايل رحت سبحت و حضرت قاط بيجي و قميص سمائي و رباط احمر م بي نقشه بسيطه سمائي لبستهن و لبست الساعه و المحب جففت شعري و مشطه زين و خليت عطر و طلعت لكيت ام ورود جايه كاعد اسوي ريوك صبااح الخيرر

ام ورود : صباح الورد يا هلا استاذ اشلونك

محمد : الحمد لله ام ورود ما اوصيج على الحجيه ديري بالج حتى لو عصبيه بمقام امج تحمليها

ام ورود : على بختك استاذ بعيوني

محمد : تسلم عيونج رحت شفت الحجي و الحجيه كاعدين بالحديقة صباح الخير على احلى عجايز بالدنيا ههههههه

ام محمد : مصيبه صابتك اني عجوز  اصلا بعدني في ريعا الشباب اني و ابوك

ابو محمد : بيش طالبه الولد اكعد بويه صباح النور