السياسي و فتاة ذات العشرين عاما

البارت الثالث عشر

السياسي و الفتاة ذي العشرين عاما

# أمير احمد

______________________________

مشيت بلا سبب مافكرت شيصير
ولا كلت اليحبك ممكن تجرحه
عفتني بياذنب سويته وياك
وشنو نوع السمعته وتعجز تشرحه
الحجو عني امامك صدكتهم ليش
وما كلفت نفسك توصل توضحه
جنت محتاج منك بس حرف وتروح
حتى اقنع بعد ماحاجة للفرحه
هسه تكلي سامح وانسه كل الصار
هيج بكل سهوله ونكلب الصفحه!!
تره العفته جرح ميطيب بالنسيان
ياكلمه اسامح تكدر تمسحه؟
اني كلي صلح ومسامحك على الصار
بس كلبي انكسر وياك شيصلحه..؟

..............................

محمد : مر الوقت صارت ب ٣ دخلت الحجيه و نرجس ها حجيه الله يساعدج  

ام محمد : هلا حبيبي و ها ابوك ما اجه

محمد : لا والله اكلج حجيه

ام محمد : كول حبيبي

محمد : حجيه الخدامه تريديها عربيه لو لا

ام محمد : حبيبي بكيفك بس الأفضل مو عربيه

محمد : تامرين خابرت موظف عندي يحصلي خدامه ألوو احمد

احمد : اهلا استاذ أأمر بالخدمه

محمد : خادم ربك أريدك ادبرلي خدامه مسلمه باكستانيه بنكلادش هنديه جنسيتها اي شي المهم تشتغل زين و امينه و مسلمه مثل ما وصيتك أريدها هل اسبوع

احمد : تدلل استاذ بالخدمه

محمد : اخذ راحتك الله وياك بعدها رحت كعدت ويه الوالده حبيبتي سهاد

ام محمد : مسويلك سالفه ما طول سهاد احجي

محمد : حجيه أريدج باجر لتزمين نفسج اشويه ما الج علاقه بيها خليها عليه عليج بس اتشوفين البنيه و تتفقين ويه امها انتي مو تريدني ازوج نفذي الكتلج عليه و هاي رايج ابوسه

ام محمد : يمه محمد شعندي غيرك الخاطرك راح اسكت بس محمد يمه دير بالك تمشي كلامها عليك انت رجال الف بنيه تتمنى ظفرك من هسه اكسر جناحها لا تخليها تتحكم بيك

محمد : حجيه صدك تحجين مع الأسف اخلي مره تحكمني سدج امين لا تخافين اني اضبطها مشه اليوم اعتيادي و صار الليل اجتي نرجس للغرفه

نرجس : ها حمندي راح اروح للبيت أجيت اسلم عليك

محمد : لا يابه لا كعدي و سكتي ما اكو روحه تباتين و غصبا ما عليج

نرجس : غير مره حمندي والله رائد ميقبل

محمد : على هاي هسه دقيقه اطيني اخابره

نرجس : حمندي اني اخابره هسه رحت اخابر رائد الوو هلو حبيبي

رائد : هلا بالحب اشتاقيتلك وينج