السياسي و فتاة ذات العشرين عاما

البارت الواحد و الثلاثون

   السياسي و الفتاة ذي العشرين عاما

# أمير احمد

..............................

العشك مو عيب صيته ولا حرام
بس كون التحبه باحب محدد
وذا حبيت عوف القال ولقيل
وضل امشي ابقناعه ومشي بجد
اذا تسمع ابحرمه اعلى اليحبون
بس جمله وحيده عليهم اترد
تكللهم العاشك هو ابو الدين
لان الله ابعظمته يحب محمد😎

______________________________

محمد : كعدت الصبح تقريبا ب ١١ صفطت ملابسي و دخلت سبحت و لبست تراك و نزلت جوه الجو وسط ربيع لا حار و لا بارد لكيت امي تخابر ها حجيه تخابرين منو

ام محمد : اخوك ماجد كاعد اسولف اله على خطوبتك

محمد : كملي و اطيني اسلم عليه بقت تحجي وياه

ام محمد : هاك يمه يحجي وياه

محمد : ها لك ماجد اشلونك

ماجد : والله بس اريد اشوفك حبيبي لك الف مبروك والله فد فرحت الك اعذرني ما اجيت بس الإجراءات صعبه

محمد : عاذرك والله الله يبارك بيك جهالك اشلونهم

ماجد : والله الحمد لله على الله أن شاء الله اشوف جهالك فد فرحت الك من سمعت خطبت عود دزلنا صور

محمد : اي اشوكت تجون

ماجد : بنص الرابع لان الجهال ميتحملون و فطومه تتعب

محمد : حبيبة عمها فديتها لا تتأخرون وعلي مشتاقلكم

ماجد : ان شاء الله مع السلامه

محمد : اخذ راحتك مع السلامة سديت الخط وصيت ام ورود اسويلي ريوك طلعت بره يم الحجي و الحجيه

ابو محمد : ها عريسنا اليوم متأخر

محمد : غير عريس

ام محمد : يمه حبيبي على راحتك

محمد : حبيبتي حجيه أريد اتريك و أبدي اجهز بالغرفه الفوك

ام محمد : اي يمه بس شسويت على سالفة الخدمه

محمد : لكيت وحده هنديه تحجي عربي مكسر فما ردتها بس هي امينه و اصلي مسلمه

ام محمد : يمه لعد ليش ما جبتها احنا شنريد هو تنظيف تنظفه

محمد : لازم تعيش ويانا

ام محمد : اي اكو مخزن يم المطبخ نفرغه الها و نسوي غرفه 

محمد : اشوف وحده احسن منها أريد وحده تحجي عربي

ام ورود : استاذ محمد ولو تدخل مني اكو وحده بنيه يتيمه الأبوين راحو أهلها بحادث و هسه يريدون يودوها للملجأ خلي تجي اهنا تشتغل

محمد : البنيه امينه

ام ورود : ابوها خوش رجال و امها هم بس ما عدها مكان تروح اله و على مسؤوليتي