السياسي و فتاة ذات العشرين عاما

البارت الثالث و الثلاثون

   السياسي و الفتاة ذي العشرين عاما

# أمير احمد

..............................

اشو شحيت يهوايه

الشجر من ينشتل عالگاع موش بكيفه وبرايه

انه اخلافك بشر متعوب ذلت وجهه المرايه

حالف لو تمرني بيوم

اجديلك ضحك بطران ادگلك بوب الولايه

والم سنين طيش الفات اراوس عمري بحچايه

يحسرة موكب متانيك لكن ماكو مشايه

______________________________

محمد : كعدت الفجر الساعه بال ٥ اخ يا يابه تعبان حيل لازم اكوم شيماء كومي سدي الباب برأيه اني راح اطلع لبست ملابسي و هي بقت نايمه شيماء يمعوده كومي طالع اني

شيماء : سده من يمك اني نعسانه

محمد : هو انتي طول عمرج نعسانه كشره على نسوان طلعت و قفلت الباب و إني كلش ضايج من تصرفي هذا مو حل كل ما اضوج اجي شيماء اسغفر الله نزلت للسيارة صعدت و شغلت تدفئه بارده فتحت الجكمجه اخذ الحلقة لبستها و توجهت للبيت نزلت تقريبا ب ٥ ونص للبيت دخلت لكيت الحجيه اصلي

ام محمد : ها يمه الله يساعدك

محمد : هلا يمه اشلونج و رحت بسته

ام محمد : محمد يمه وين جنت

محمد : يم صديقي

ام محمد : يمه انت تكدر اجذب على الدنيا كلها الا على امك وين جنت

محمد : حجيه اني تعبان أريد اكمل نومتي

ام محمد : مو خطبت و زواجك قريب ليش تروح للوصاخه مو خبصتني سنين و إني الح عليك تزوج و طلعت مخلصها ويه الوصخات شوف ركبتك  صايره زركه شوف ملابسك كلها عطر نسائي أخجل من نفسك وخر مني

محمد : حجيه بس سمعيني.

ام محمد : روح مني خطيه مرتك نايمه و رجليها بشمس ما تدري ليش متزوجها لان بيها شبه من ريم و انت تخونها والله اني ما احبها بس انقهرت عليها كافي استحي على نفسك

محمد : حجيه انتي مراح تفهميني و إني تعبان اروح انام احسن إليه عافتني و راحت شسوي اني تعبت دخلت للغرفة طلعتلي ملابس و ذبيت ملابسي بالغسالة و سبحت و كل ما اذكر زينب و تصرفاتها اذكرني بريم ادري راح تنظلم بس ما أكدر اعيش بدون ريم اذكرت الجرح المالتي لبست ملابسي شورت و فالينه و دخلت للغرفه خليت لزكة جروح على الجرح مالتي و نمت وقته ب٩

..............................

زينب : كعدت الساعة ب ٩ غسلت وجهي و بدلت جينز ثلجي و بلوز نيلي و حذاء رياضي و جنطه و شال ماروني و شويه مكياج و لبست كلادة بابا و محبسه طبعا ذهب محمد من نزعته من الحلفه ضميته بالكنتور و ما لبسته ابدا بس الحلقه و كعدت انتظره ماما و سارة بالدوام و بابا همات بالواجب مالته بابا ضابط موجود موبايل البيت دك سجاد ب ١٠ ونص كلي