السياسي و فتاة ذات العشرين عاما

البارت الخامس و الأربعون

السياسي و الفتاة ذي العشرين عاما

# أمير احمد

..............................

صوغلي
ضحكاتك ودزهن رسالة
الليل عاتبني عليهن مشتهيهن
وأني اغار عليك وعليهن  يخايب

..............................

محمد : مرت فترة على عركتنا الاخيره اني و زينب و ما بيناتنا تواصل بس رنين تكلي اجتي امتحنت و مره دزتلي صوره الها مرت هاي الايام و حياتي كلها بالشغل أريد اكمل كل العليه حتى من اخذ اجازة عرسي ميتعطل الشغل و فد يوم جنت راجع من الدوام دكت عليه عبالي اشتاقتلي بس جنت غلطان هي بعدها تحبه و متعلقه بي اني اعلمها اتصلت بنرجس الوو. نرجس باجر تبدون اجهزون زينب جهاز كامل

نرجس : اي حمود بس هي متطلع ويانا لان هسه جنت احجي وياها كالت اكو شغلات خليها على ذوق محمد

محمد : هاي هي انتي اتعرفين ذوقي اني أبدي اجهز ملابسي و الشغلات

نرجس : مبروك شايف كل الخير حبيبي

محمد : يله حبيبتي رايح مع السلامة سديت الخط و دكيت عليها ما جاوبت دكيت مره ثانيه جاوبت الوو. زينب

سارة : مرحبا عمو زينب نايمه

محمد : سارة فتحي سبيكر و خلي يمها اعرفها كاعد اشوكت لحكت تنام

سارة : ماشي عمو

محمد : تسمعيني شوفي يمين بالله اذا ما عدلتي اسلوبج و جريتي عدل هسه ازوجج و حتى لا عرس و لا هوسه

زينب : لويش اشبي اسلوبي لان كولتلك ما أريد ازوج غلطت ما غلطت بشي اني بعدني ما مستعده ازوج

محمد : اني زوجج و اقرر الزواج مو انتي ليش ما طلعين ويه نرجس باجر

زينب : ما أريد اروح ماما تروح من يشترولي ملابس بيت و طلعه و البدلات اني اروح وياهم

محمد : هااااا فهمت  الله يساعدني عليج
اوووف حاولي تتقربين مني ما بقى شي العرسنا

زينب : ما احبك لويش اتقرب منك و نعسانه

محمد : براحتج مع السلامه سديت الخط ههههههه والله بنيه تشلع الكلب دخلت سبحت و تغديت البيت هوسه

ماجد : ها يعني الخميس العرس

محمد : اي ان شاء الله

ماجد : و زوجتك موافقه

محمد : اي

ماجد : الله يسعدكم

رائد : خاين شوف فطومه ميته حر

محمد : يا جذاب البيت متروس سبالت و الكهرباء طول الوكت موجوده

رائد : يعني الخميس الجاي تدخل بالعسل 😉 ههههه