السياسي و فتاة ذات العشرين عاما

البارت الثامن و العشرون

   السياسي و الفتاة ذي العشرين عاما

# أمير احمد

..............................

أضْرَمت نارَ الحُبِّ في قلبي
ثمَّ تَبرَّأت مِن الذنبِ

حتى إذا لَججْتُ بحرَ الهوَى
وطمَّتِ الأمواجُ في قلبي

أفشَيْت سِرِّي وتَناسَيْتني
ما هكذا الإنصَافُ يا حبِّي

هَبْنيَ لا أسطِيعُ دفعَ الهوَى عنِّي
أما تَخشَى مِن الرَّبِّ ؟

______________________________

محمد : وصلت زينب لبيتها و إني نفسيتي مرتاحه و غيرت جو و صراحه عجبتني تصرفاتها خجلها صوته طفولتها اهواي رجعت للبيت و دخلت استقبلني أبويه

ابو محمد : ها ابني اتاخرت وين صرت ليث انتظرك و انت ما اكو

محمد : والله يابه جنت ويه خطيبتي اشتريت الها  و إليه ملابس الباجر و اتعشينا لان اني جنت ميت جوع

ابو محمد : بالعافيه ابني ان شاء الله كل يوم اشوفك هيج فرحان

محمد : ان شاء الله يابه ادعيلي و صعدت الغرفتي خليت الغراض بالكنتور و غسلت و تأكدت من الجربايه ما بيها كزيز و نمت بملابس خفيفه لان تعبان

..............................

زينب : فتحت ايبادي و انصدمت لكيت رسائل من حسين يكولي موتيني و لا تتزوجين احنا مو متفقين هسه اطلكها بس لا تزوجين انتي مو تحبيني ليش الخيانه ليش اطعنيني بظهري ادري من ورايه اتاذيتي و جرحتي ايدج بس هذا مو سبب حتى تزوجين  زنوب اشلون يهون عليج تنامين بحضن غيري و تصيرين ام لجهاله زينب اني كلبي بيج بشنو غلطت كولي وينج جاوبي يله نمت كعدت الصبح ب ٧ ونص لان القلق ما خلاني انام سارة جوه سديت  الباب و دكيت ما رد رجعت دكيت جاوب

حسين : ها كولي باسج لزم ايدج كلج حبيبتي لا تستحين كولي

زينب : حسين اشبيك اني ما عندي غيرك بعدني احبك طبعا من اسمع صوت حسين حيل أضعف لان احبه حسين جاوب

حسين : ما اجاوب  وحده خاينه جذابه

زينب : لويش ازوجت إذا انت تحبني تعال ازوجني هي بشنو احسن مني راسا عقدت عليها

حسين : يابه البنيه يتيمه و حلوه ياكلوها الوحوش و مستعد باجر اطلكها و اجي اخطبج

زينب : شنو اكول لهذا

حسين : تحججي اجلي الموضوع لو تهربين وياي فتره لحد ما تخلصون منه و اخطبج هاا

زينب : ما أكدر اهرب اهلي اشلون

حسين : طبج مرض انتي وحده ساقطه اضحكين على الولد اني اعلمج مو اني الينضحك عليه

زينب : حسين اشبيك لويش هيج تتكلم صدك اني مجبوره ازوجه الله يخليك افهمني