السياسي و فتاة ذات العشرين عاما

البارت السادس و الثلاثون

   السياسي و الفتاة ذي العشرين عاما

# أمير احمد

.............................
اتسوي روحك جاي تنسه
‏وما تجيهم
‏ومن بعيد اهواي تنشد
‏يمته ناموا ؟
‏يمته فزوا ؟
‏و القميص اللايگ اعليهم تبدل؟
‏بعده نفسه ؟

‏اتسوي روحك تچذب وگلك صدگ
‏غطي گلبك ذاك هوه امبين بگلبك عشگ
♥️

______________________________

محمد : صعدت الصبح بدلت و نزلت تريكت و رحت للدوام اجتني رسالة من زينب هاي البنيه راح تخبلني ما ادري شبيها لا تخابر لا تسأل عديمة. مشاعر دكيت عليها ما شالته مره ثانيه يله شالته و نفس كل مره تحجي و عبالك واحد مخلي سيف على ركبتها سديت الخط و طلعت من دوامي ١٢ ونص لان أريد اتغده و انام برأيه اطلعها دخلت للبيت اشلونج حجيه

ام محمد : هلا يمه

محمد : حجيه حضرولي الغده اسبح و انزل بدت الحرارة و لعبان النفس شغلت السبلت بالغرفة مالتي و نزلت جوه ليش ما مشغلين سبلت الجو حار

ام محمد : لا يمه زين و إني لا تتمرض

محمد : اجتي فاطمة كالت الاكل جاهز رحت اكلت و غسلت و صعدت نزعت التراك و نمت

..............................

سجاد : يمعوده وكعتي كلبي عبالي بيج شي صدك جذب اشبيج ليش تبجين

زينب : سجاد ما أريد ازوج لويش زوجتوني

سجاد : رجعنا للاسطوانه ليش زوجتوني و ليش زوجتوني زينب رحمة الدينج كافي انتي على ذمة رجال ثاني و زين وياج بعد شتريدين حمدي الله و شكري

زينب : نزلت لبست عباية إسلامية و شال هو وياها سوه و أخذنا سجاد اطانه فلوس هو مجمعها

سجاد : كلشي يعجبها اشترو الها لا تخلون شي بنفسها  ماشي

ام سجاد : اي يمه حبيبي

زينب : نزلنا اني و ماما أخذنا رنين و امها  ويانا و ودانا سجاد للسوك  فكعدت ماما و امها يسولفن و احنا نمشي براهن

رنين : زنو ليش وجهج أصفر اشبيج

زينب : رنين حسين راسلني و كولي والله احبج لا تزوجين و بقى يتوسل رنين اني بعدني.

رنين : زنوب انتي صرتي على ذمة رجال خلص لازم تنسين حسين و هو مو خرب سمعتج كدام محمد

زينب : اي بس سوه هيج علمود محمد يعوفني

رنين : بس لا بعدج تحجين وياه

زينب : لا ما اجاوبه بس هو يدزلي رسائل و افتحهن و ابقى ابجي عليه رنين صار النا ٣ سنوات اشلون أكدر انسى

رنين : زنوب حبيبتي ما بقى شي لزواجج محمد صدك مرات عصبي بس والله حيل حباب و كلبه طيب حيل