السياسي و فتاة ذات العشرين عاما

البارت الثاني و الخمسون

السياسي و الفتاة ذي العشرين عاما

# أمير احمد

📢📢ملاحظه

شباب اني طالب كلية طبية لذالك اتصير دراستي صعبة فراح انزل الكم كل يوم بارت اني باجر يبدي دوامي ادعولي بالتوفيق

_____________________________

عطشانيـن
أجيـنه من الشمس حفـاي

ماندري
الجرف مكتـول
والمحبـس بـجيب الري ،،

ولاندري
الصحاري گبـور
متروسـه جثـث للـفي ،،

لگينه الدنيـه سوك حضوض

والميت دفن گلـبه
ورجع خطار ويـه الـحي !

_____________________________

محمد : كعدت الصبح ب ٨ و الهوسه مكلوب البيت عماتي و خالاتي و نسوان عمي و كرايبنا كلها موجوده النسوان ما صدكت دخلت سبحت و لبست تراك و دكيت على زينب تقريبا ب ٩ الا ربع ها صباح الورد عروستي جاوبت بتلكأ

زينب : صباح النور

محمد : حبيبتي راح يجيكم رائد ب ١٠ كومي اتركي يله

زينب : اوكي

محمد : اخذي البدلة المارونيه وياج

زينب : ماشي

محمد : حبيبتي حبيبتي.. زينب

زينب : ها

محمد : احبج حيل

زينب : لازم اودعك لان اتأخر راح باي

محمد : هههههه ملعونه تنهزمين وين تروحين باجر بالليل يمي بسيطه نزلت جوه و اشتغلت الهلال و طلعت روحي كلساع عمتي لو خالتي بايستني و تعال مبروك و الولد و العروس و ميت سؤال يسألن رحت  لرائد رائد يمعود ب ١٠ روح الزينب انت و نرجس وديها للصالون

رائد : اشبيك فحطان ههههههه حاضر ثواني امشي اوديك للحلاق و حمام براك حفله

ابو محمد : ها بويه يله حضر روحك تروح للحلاق

رائد : اي يله محمد

محمد : اروح هيج خلي اتريك ارتاح ب ١٢ اروح الحفلة ب ٣

رائد : هاي براحتك

محمد : راح رائد و تريكت و امي مكابلتني اشويه و اغص

ام محمد : يمه اكل حبيبي براك عرس

محمد : سكت

ام محمد : اي يمه حبيبي اشرب عصيرك زين الك

محمد : هاي الحمد لله

ام محمد : يمه وين اكلت حبيبي اكل الخاطري

محمد : حجيه والله شبعت صعدت نمت شويه كعدت ب ١٢ أخذت ليث وياي جان جوه و رحنا ماجد ملتهي بالغده و الخطار مليان ذاك البيت للزلم و هذا للمقربين
و الغده و العشه و الريوك كله مستلمه ماجد و ابويه الله يحفظه و ولد اخوي و اختي
رحت للحمام هههههه و هذا ليث يذب حجي