#زوجي_المزيف 🔥🔥🔥
من تأليفي Macilia Ch
الحلقة 1:🔥🔥🔥❤️
فتحت عينيها على أشعة الشمس ...
ناضت للدوش غسلت وجهها و جهزت روحها ...خرجت من بيتها لقات يماها حاطة الفطور تاع الصباح ...باستها من خدها و قعدت
ميسان: صباح النور ماما
مريم: صباح الخير يا أحلى ميسو
ميسان: ماما 😐😐
شربت آخر رشفة من القهوة ...
و ناضت من الكرسي
ميسان: هيا ماما نخليك راح نتأخر ...
باست يماها من راسها .. رفدت صاكها و خرجت
ميسان فعمرها 21 سنة بنت سمرة و عينيها باللون البني ..شعرها طويل و مخلط بين البني و الأسود ..مسرارة و تخدم فريستو (مطعم)
وصلت للمطعم لي تخدم فيه ...بدلت حوايجها ..ربطت شعرها و حكماتو للفوق و بدات خدمتها ... تغسل فالماعن بعدها كي تكمل و يفرغ الريستو من الناس تمسح الأرض و تنقي الحالة
وصلت السبعة تاع العشية و كملت خدمتها .. الريستو مافيهش بزاف زبائن اليوم ...حكمت الكيس تاع الزبل(حشاكم) تخرجها لبرا ...
فهاديك الدقيقة كان واقف قدام حيط الريستو متكي على ظهروا يستنى فيها يشوف من و من ..و يلعب بالمفاتح بين يديه ..مبقاش و تخرج و يروحو كيفكيف....
فارس في عمرو 29 سنة.. طويل و بوقوص عيونو باللون البني ...عيونو فيهم لمعة خاصة و يجذبو ....بطل قرايتو فالثانوي لحتى يعيل عايلتو لي متكونة من خوه الصغير و ختو لي هاذ العام عندها باك أما والديه متوفيين ...يخدم ميكانيسيان عند واحد
بعدما رمات الكيس و دارت راجعة ...لمحاتو ...ترسمت ضحكة على شفايفها
زربت دخلت بدلت حوايجها و غسلت يديها ...حكمت صاكها و خرجت غالقة الباب بالمفتاح ...غير دارت تخبطت فيه ...و شهقت ...حطت يدها على قلبها
ميسان: خوفتني
فارس : شكون خوف حبيبتي ههه ...غمزها و شد يدها لي حاطتها على قلبها و باسها بوسة حنينة على يدها
حمارت من الحشمة ..زربت نزلت يدها
ميسان: كل يوم راح تستناني متتعبش أنت ؟؟
فارس: شكون ؟؟؟أنا ..لا مستحيل ..مستعد نستناك حياتي كامل المهم تكوني جنبي و قدام عيوني باه يتطمن هذا و أشار على قلبو
تبسمت معاه و ردلها التبسيمة
فارس: هيا دوك راح نقعدوا واقفين هك ؟؟ أمشي قدامي تشوف نوصلك للدار ههه
ميسان : ههه دمك ثقيل هيا
مشات قبلو و هو جنبها ...مرة على مرة يتلامسوا يديهم ...يدوروا يشوفوا فبعضاهم ...و تعاود ميسان تزرب تهبط راسها و تشوف قدامها
ضحك فارس عليها
وصلو لحومتهم بعد نص ساعة
فارس: مراحش تبطلي حركات الصغار
ميسان : آه؟
نفخ و جبدها من يدها .. تخبطت فيه ...مزال ما جاوبتينيش ...ميسان تقبلي تتزوجي بيا ؟؟؟
عم سكوت رهيب فالمكان ...غير دقات قلوبهم لي تتسمع ..و أنفاسهم الهادية فوسط عتمة الليل
فارس: أنا مرانيش نضغط عليك و مستعد نستناك طول العمر أما محتاج إجابة ...من الصغر و أنا نحبك و اعترفتلك و حتى نتي حاسك معجبة بيا و مصديتينيش رغم أني قتلك بلي نحبك ...عندي ست سنين ملي إعترفتلك و قلتيلي وقتها أنو نتي مزالك صغيرة خلينا نكونوا أصدقاء قبل و نتعرفو على بعضانا ...في رايك التعارف طول أكثر من اللازم لا؟؟؟
بقات ساكتة و منطقتش غير تشوف فيه من تحت شفارتيها
زفر بضيق و كمل ..شوفي حاب تقوليلي دوك إذا حابتني وإذا لا خليني نروح فطريقي و نحاول ننساك مع أنو صعب ...متخلينيش نتعلق بيك كثر ...محتاج إجابة فهاد اللحظة
بلعت ريقها لي حساتو شاح ألف مرة ... خذات نفس عميق و جاوباتو
ميسان : موافقة ...ضحك فارس من قلبو و شد روحو لحتى ميحضنهاش و يعصرها ما بين يديه
ميسان: منقدرش نقول أني نحبك كيما تحبني أما ...عدات عينيها على وجهو و نطقت و هي تشوف فعينيه ...حتى أنا نحبك ...قربت منو و طبعت بوسة على خدو و هربت
مصدقش واش سمع من شوية و لي زاد عليه بوستها و ملمس شفايفها لأول مرة يحس بيهم على بشرتو ...قعد متبعها بعينيه حتى دخلت لباب دارهم ...تبسم و عينيه نطقت من الفرحة بعدها دار رايح لدارهم لي جاية بعد ثلث بيوت من بيت ميسان .
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
