الحلقة 9
تم تم رد عليها فارس
فارس: ألو ميسان وين راكي ؟؟ مزال باه تلحقي دورنا مبقالوش بزاف ...
ميسان: فارس أنا ..غمضت عيونها تتوجع من داخل ...حاسة سكاكن تقطع فيها
إيفان يخزر فيها و وجهو جامد خالي من أي تعبير صعب أنو تخمن فواش راه يخمم
فتحت عينيها لي رجعو حمورا من كثر الدموع و نطقت ضربة وحدة
ميسان : سامحني فارس أما بطلت أني نتزوجك
الأفضل أنو تنساني راح نتزوج بشخص آخر
جمد فارس فبلاصتو ماشي مستوعب جن جنونو و بدا يعيط
فارس: واش راكي تخرطي نتي لي حبيتي نتزوجو ليوم كيفاه هاذي بطلتي تتمسخري بيا ؟؟؟..رجعتيني تحريشة آه ..خفض من نبرة صوتو يحكي ...ميسان كاش ما صرا متأكد بيك حاجة حاس بيك من نبرة صوتك زفر بضيق و حك لحيتو بعصبية يستنا جوابها
ميسان : قلت لي عندي أنساني ..غلقت الخط ..مقدرتش تحكي أكثر من هك حست روحها مهدودة ..شافت فإيفان بزعاف
ميسان: إن شاء الله تكون فرحان دوك
إيفان: أكيد أما كمية الدراما لي درتيها دوختلي راسي
عضت على شفتها متمنية تهجم عليه
ميسان: علاه مصر أنو تتزوجني ؟؟
إيفان : كانت رغبة ريما الأخيرة
صرت على سنانها بغش
ميسان: ههه مكنتش نعرف أنو النسا يمشو فيك كي اللعبة عوجت شفافها تتمسخر و تقلد فيه ...رغبة ريما الأخيرة ههه
جن جنونو و طلعلو العصب لراسو
قرب منها بلخف و حكمها من شعرها
حاولت تقعد هادية و متبينلوش بلي راهي تتوجع
إيفان : متختبريش صبري ...متخلينيش نمد يدي و نصرفقك بكف ..فحياتي ما مديت يدي على النسا متخلينيش دوك نمد يدي عليك
طلق شعرها ..وهي مدت يدها تمسد فيه
ميسان : يا حنين متوحش و همجي رمقاتو بنظرة نارية و قلبت عينيها منو و دارت جهة الشباك تخزر للطريق
بعد نص ساعة بالضبط وصلو للقصر
نزل إيفان و نزلت بعدو ميسان ...تمشي و راسها فالسماء حالفة تندمو على عملتو ماشي هي لي راح ترضخ ليه و لأوامرو
دخلت للداخل قابلتها يماها قاعدة على الفوتاي و جوري بنت أختها في حضنها
ماشافتش بشرى ولا حنين لي واقفين فمدخل القصر توجهت ديراكت لعندها
ميسان: ماما واش راكي ديري هنا ؟؟
مريم : جابني حارس إيفان ..قررتو أنو تتزوجو اليوم نضمنلك أنو هذا أفضل قرار خذيتيه
ميسان : واش من قرار قاطعها كي حط يدو على خصرها و جبدها لعندو
إيفان : صار الوقت هيا ..شبك يدو في يدها و مشاها معاه حاولت تملص يدو من يدها أما زير عليها خلاها تتوقف
دخلو للصالة و قعدو فبلايصهم و حنين و حاتم و صحبة حنين معاهم حتى يشهدو ..جا الشيخ لي راح يزوجهم
ميسان *** بنت محمد*** و مريم*** تقبلي تتزوجي بإيفان *** على سنة الله و رسوله
شبكت يديها مع بعض تحس أنو حابة تصيح و تكسر حتى تخرج الغصة لي حاكمتها داخل حلقها حابة تقوللهم لا ماشي قابلة و تهرب بعيد من هنا
عاودلها الشيخ السؤال و هي مزال مجاوبتش حمحم إيفان و شد على يدها لي تحت الطابلة
فاقت من شرودها و نحات يدو منها
ميسان: أقبل
إيفان*** إبن ابراهيم*** و بشرى*** تقبل تتزوج بميسان *** على سنة الله و رسوله
إيفان : أقبل
الشيخ : و نتوما تشهدوا
حنين : نشهد
حاتم : نشهد
مروى: نشهد
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
