زوجي المزيف {من تأليف و كتابة Macilia Ch}

28

زوجي_المزيف🔥🔥🔥
#بقلمي_macilia_ch 🥀🥀
الحلقة 28: 🔥🔥🔥

جاز اسبوع و الأوضاع هادية ...كل شي كان فمسارو الطبيعي ...علاقة هالة بحاتم بدات تتطور ...و علاقة ميسان و إيفان مزالها على حالها ...مزالهم لزوج ماشي فاهمين مشاعرهم جهة بعض ..مزالهم يماطلوا و ماشي معترفين باحساسهم جهة بعض ...أما أيمن و حنين قطعوا اتصالهم ببعض...

جبدت الريدو تاع الغرفة على جهة ....دخلت أشعة الشمس و الضو تاع النهار ملا الغرفة
حطت يدها على عينيها و دارت للجهة الأخرى من السرير تتأفأف فادة
حنين : افففف فاطمة ولا شكون لي فتح الريدو يرجعوا حابة نرقد ...
قربت من سريرها حاطة يدها على خصرها تحكي
بشرى: نوضي يا لالة هيا عندك سمانة راقدة و مخرجتيش من شمبرتك هيا اعطي الريح لرجليك و نوضي
حنين: اوف ماما حابة نرقد راني نعسانة
نحاتلها الغطا من عليها و رماتو فالأرض تحكي بزعاف
بشرى: هيا نوضي و بركاك من الدلال الزايد هياا
..نحب نلقاك واجدة على نص ساعة اجري .. متخلينيش نطلع لعندك ممبعد و نجبدك من شعرك هيا ...كملت كلامها و خرجت غالقة الباب موراها
فتحت عينيها بسيف فادة و معينهاش تنوض
تقاوات على روحها و ناضت بسيف حاطة يدها على راسها لي يسطر  ...دخلت للدوش .... هزت يدها راح تنحي حوايجها ... حبست كي طاحت عينها فانعكاسها لي فالمرايا
شعرها طالع للسماء وجهها صفر ..سواد تحت عيونها ...عينيها مذبالين ....هزت يدها تمس في وجهها ..ماشي مصدقة وين وصلت ...كلش تخربط كأنو الحياة توقفت ...نحات حوايها و دخلت تحت المرش ...غلقت عينيها تستحلى فكل قطرة ماء هابطة عليها
خرجت من الدوش بعدما نشفت روحها ....نشفت شعرها بالسيشوار ...و لبست حوايجها  ...حطت شوية مكياج و فتحت الباب نازلة للتحت ...ناداتها يماها أما طنشتها ...خرجت من باب تاع القصر متوجهة للجهة الخلفية للفيلا وين مالفين يتدربوا على السلاح
لقات قرع الزجاج محطوطين كي عادتهم تم ..دورت وجهها عند واحد من الحراس لي لتم و قربت منو تحكي
حنين : مدلي مسدسك
عفوا!!
قلبت عينيها منرفزة
حنين: قلتلك مدلي مسدسك طرش ما سمعتش
شاف في صاحبو لي مقابلو عملوا إشارة حتى يمدلها ...هز يدو حطها في خصرو و جبد مسدسو ...مدت يدها و حكماتو عليه ...رايحة جهة القرع هاذوك ...شارجات السلاح و صوبت جهة القرع تاع الزجاج ...حطت كل الغل و الحقد ...كل لي تحس فيه ...تخيلت هاذوك القرع أيمن و بدات تقوص عليهم وحدة وحدة ...صابتهم كلهم و طاحوا على الأرض مكسرين شقف صغار ...رمات المسدس على الأرض و دارت رايحة وين البيسين ...وقفت قدامها تخزر لانعكاسها على الماء ...هزت يدها حطتها على فمها تكتم فشهقتها لي خارجة منها ...الاذى لي تسببهولها ادهم ماشي قد الجرح لي تسببهولها أيمن ...طول حياتها تجري وراه ...إذا قالها ارمي روحك للنار ترمي ...ما عندوش يامات من لي اعترفلها بحبو ..نزلت دمعة على خدها تحرق كيما الحرق لي موجود في قلبها ...من سمانة كي طردت أيمن من غرفتها ..مع أنو كانت حالتها كانت ماشي مليحة و نفسيتها فالأرض أما تقلقت عليه و قلبها مهناهاش تهدر معاه هك و لا تكسر بخاطرو  ...اتصلت بيه شحال من خطرة أما مردش ...تقلقت عليه كثر مالا هزت روحها و راحت لعندو ...كي نزلت من سيارتها راح تدقدق فالباب ..سمعت صوت ضحك جاي من ورا الفيلا
راحت تمشي جهة الصوت ..كي لحقت يبست في بلاصتها من المنظر لي شافتو أيمن و تولين مع بعض ...قاعدين وسط البيسين يبوسو فبعض و مرات يضحكو فيما بيناتهم ...هزت يدها لي ترعش حطتها على الحيط لحتى تحكم بيه توازنها ...ماشي مصدقة واش راهي تشوف ...حاولت تكذب عينيها اما شي الحقيقة قدامها و واضحة وضوح الشمس ..مهما دارت و مهما سعات لتنجح علاقتهم و لا حتى تخليه يحس مجرد شعور جيهتها تفشل ..أما لي حطمها و خلا قلبها يتكسر و يرجع فتات ...أنو صدقاتو كي قاللها نحبك ..كل شي كان كذب ....واش يجيها من واحد كيفو بعد كل محاولاتها و لابعد كل هاذ الوجع لي عاشتو بسبتو ...تراجعت خطوات للور ...حاكمة دموعها ..حالفة أنو مراحش تبكي عليه بعد اليوم ..ركبت فسيارتها و رجعت للقصر ..مكسورة و محطمة الخاطر و القلب ..دخلت لغرفتها و رمات روحها على السرير ...من نهارها حتى اليوم فوق سريرها راقدة حتى الماكلة تاكل شوي بسيف و تخلي الباقي هكاك ..كلو بسبتو ...قعدت هكاك فنفس وضعيتها تخزر لانعكاسها فالماء
جاها صوتو يحكي
نيروز : على الأقل رتحتي شوية و فرغتي غضبك فالقرع
تلفتت لعندو تحكي
حنين : نظن راك فارغ شغل حتى تراقب فيا ؟؟
ضحك على جنب
نيروز: لا ههه شكون قالك نراقب فيك كأنو صرتي متوحشة شوية
حنين : ماعجبتكش ؟؟
شاف فيها من الفوق للتحت يحكي عاض على شفتو
نيروز: لا تهبلي صراحة مكاش حاجة متعجبش فيك
تنرفزت منو تحكي
حنين : و انت مقالولكش صرت وقح زيادة !!
قعدوا يتبادلو فالخزرات لمدة بلا ما يحكو كلمة ...كسر حاجز الصمت نيروز كي قرب منها حتى صارو يتنفسوا نفس واحد ...هز خصلة من شعرها مدورها على صوابعوا يحكي و عينيه تاكل فيها ماكلة
نيروز: تحبي أيمن و هو ميحبكش ..صراحة هو روحو و ميحبهاش اذا حابة نعاونك تخليه يغير و يندم أنو خسر وحدة كيفك معنديش مانع .. غمزها بطرف عينو
نيروز: متنسايش مراحش نقعد وقت كثر هنا يعني إقامتي محدودة هنا خمي مليح ..هاذي فرصة متتعوضش
نحاتلو يدو من شعرها و تبسمتلو تبسيمة صفرة تحكي
حنين: روح ### يا ###
خبطت في كتفو جايزة عليه ..دخلت للقصر تغلي من داخل
حنين : ما كان يخصني غير بسيكوبات كيفو
حط يدو ورا رقبتو يحك فيها و يتبسم و هو يخزر فيها تغلي وحدها