زوجي المزيف {من تأليف و كتابة Macilia Ch}

26

زوجي_المزيف🔥🔥🔥
#بقلمي_macilia_ch 🥀🥀
الحلقة 26:

إيفان: هي مزالها ماخذة موقف مني من لي صار قبل؟؟
نيروز: هي ماشي مبنتلي شي أما نظن ايه
إيفان: كنت عارف من تصرفاتها العدوانية جيهتي.... حتى أنو كل ما تشوفني تبدل طريق
نيروز: نعرف أما مزال ما تجاوزتش واش صرا من سنين و مزالها تاني حاقدة عليك حتى هاذ اليوم
نفخ على جنب يحكي
ايفان: يعني صداقتنا تاع سنين نساتها بسبة موقف واحد
نيروز: بصح الموقف لي تحكي عليه هو أنك قتلتلها حبيبها
إيفان: وانا وين نعرف بلي حبيبها كيفاه راح نعرف انو مجرد حارس يكون حبيبها ..حتى أنو ميستاهلش تنسى صداقتنا و عشرتنا و ترميها وراها ..هي محبتش تعلن علاقتهم حتى هي مذنبة و تاني فهداك الوقت كنت نجوز بوقت عصيب و مضغوط من شحال من جهة و نتعصب بلخف ..كي شفتو قلل احترام لريما و رفع يدو عليها حتى يضربها جنيت و قوصتو بين عينيه ...صح غلطت أما حتى تولين غلطت كي ما قالتش على علاقتها بيه على الأقل كانت تقوللنا لينا أما بسبب غرورها و مكانتها حتى ما تصغرش بعينينا ما قالتش حتى هي مذنبة منعرفش علاه حتى لدوك ماخذة موقف حتى أني اعتذرتلها شحال من خطرة اما شي

كانت ورا الحيط تتسمع عليهم و سمعت كل كلمة قالها إيفان ...مسحت دمعتها لي طاحت من خدها و قدمت لعندهم وين قاعدين تحكي
تولين : حتى ريما كانت تخدم عندك و مجرد موظفة تخدم تحت امرتك ...بعدها تزوجت بيها كأنو حتى حاجة ما كانت و لا بسبتها تخسرت صداقتنا و زيد نزيدلك هاذيك كانت حياتي الخاصة ولا ظنيتوني بلا قلب لاني من برا قوية و منبينش ضعفي و لا مشاعري خلاص ..باعتذار يخلاص كلشي ...قلبي لي مزالو يحرق حتى لدوك و لا دموعي لي رغم كلش خانوني و محبوش ينزلو
ناض من بلاصتو و قدم منها يحكي
إيفان: رغم هاذ الشي تعرفي اني مقصدتش نقتلو بلعاني
كمشت حواجبها بزعاف تحكي و تصر على سنيها
تولين : إيه نعرف أما تزوجت بالسبة لي خلاتو يموت ..تزوجت بريما

إيفان : الكلام معاك مراحش يفيد نتي ميبسة راسك ...حبيتك تعرفي حاجة مكاش حاجة غاضتني قد ما غاضني انك نسيتي صداقتنا و عشرتنا و شطبتي عليها حتى بعد هاذ السنين مزالك حاقدة عليا .....
تولين : ايه و راح نقعد حاقدة عليك طول عمري حتى تعرف غلطتك و تصححها ماشي باعتذار بارد تظن أنو خلاص صلحت لي تكسر
تنهد يحكي
إيفان: تولين خلينا نرجعوا صحاب كي بكري ...أنا صح متأسف و نعتذر من قلبي على واش صرا حتى السبة لي راكي تحكي عليها ماتت
قرب نيروز لعندهم يحكي بعدما خلاهم يفرغوا واش في قلوبهم
نيروز: تولين عندو الحق خلوا القلوب تتصافى و خلينا نرجعوا صحاب كي قبل كيما يامات بكري وين كنا يد وحدة و منتفارقوش
خزرت فيهم ببرود تحكي
تولين : لا مستحيل بعد اليوم مبقاتش حاجة وسمها صداقة حتى لو ماتت ريما أما لي تكسر مراحش يتصلح ..شافت فإيفان تحكي
تولين : و انا لي غاضني كثر أنو تزوجت بيها و عطيتها قيمة اكثر من ما تستاهل و تجاوزت صديقة عمرك علاجال راحتها ...انت دست على قلبي و مشاعري و واش نحس ببرود و بكل قلب بارد ...خليني نقولك واش قلت هاذي تولين ميفرقش عندها شي اذا تضرت بعد يومين راح تنسى و ترجع توقف من جديد كيشغل ما صارت حتى حاجة اما كنت غالط اليوم مقدرتش نتجاوزو مقدرتش ننساه ...هو الوحيد لي حبيتو و انتا فثانية جيت و فرقتني عليه و بلا ما تراعي مشاعري زدت جرحتني جرح ثاني ...و دوك مجيش و تتفلسف عليا
شافت فيه شوفة أخيرة و خرجت من الصالون طالعة للفوق
رمى روحو على الفوتاي شاد راسو بيديه كاره
طبطبلو نيروز على كتفو يحكي
تولين : ما ديرش عليها أما حتى هي مشتاقتلك راهي تكابر برك صدقني راح تحن و ترجع كيما كانت حتى راح تجي و تطلب منك ترجعوا كيما كنتو
هز راسو ليه يحكي
إيفان : يا ريت

كانت جايزة قدام غرفة جوري رايحة لغرفتها...أما حبست فبلاصتها ...تخزر فميسان حاملة جوري بين يديها تلعب معاها
ضيقت عينيها فيها تكيل فيها من الفوق لتحت
عوجت فمها و قربت منها تحكي
تولين : نشوف فيك خذيتي دور الأم بسرعة
تلفتت ليها مفزوعة ..كانت مندمجة مع جوري تلعب معاها ما حست غير بصوتها الحاد الخالي من أي مشاعر لي رعبها
بلعت ريقها تحكي
ميسان : عفوا مفهمتش قصدك ؟؟

ضحكت على جنب تحكي باستهزاء
تولين : حتى فهمك للأمور بطيئ واو نشفق على إيفان لأنو نتي تكوني مرتو ..وحدة ضعيفة و مسكينة حتى تدافعي على روحك متقدريش..تعرفي انو نتي لي راح تجيبي اخرتو لايفان ..نتي راح تكوني نقطة ضعفو لي تخلي اي واحد يجي يعفس عليك
ميسان: ماعلاباليش لوين حابة توصلي أما خليني نقلك رايك بليه فالماء و أشربيه ...يعني باختصار ميهمنيش
تولين : اممم صدقت تعرفي انو أنا و إيفان من بكري مع بعض نعرف عليه كلش و يعرف عليا كلش يعني مقربين بزاف ..و بصفتي نعرف إيفان حتى اكثر من روحو خليني نقلك نصائح
لفتت ميسان وجهها عليها مطنشتها
تبسمت على جنب تحكي
تولين : اولا إيفان ميحبش وحدة ضعيفة متقدرش حتى تدافع على روحها كيفاه راح تدافع و تحمي بنتو ...يحب وحدة قوية و قادرة على شقاها وحدة كي يطيح هو تسندو هي ...ماشي نقطة ضعف تجي تكمل عليه. فالدومان هذا لازم تكوني شرسة و لبؤة و ذكية حتى تقدري تعيشي ..أختك لي كانت افضل منك و ماتت في رايي نتي مراحش تقعدي بزاف و نودعوك
حطت جوري فبلاصتها و دارت لعندها تحكي و عينيها شاعلة من الزعاف
ميسان : إذا كنتي تظني أنو أنا ضعيفة تكوني غالطة و بلبزاف غرورك هاذ لي معمي عينيك و يخليك تظني روحك نتي المثالية و لي مكاش كيفك نقولك راكي غالطة ..انتي اضعف وحدة هنا ...ورا قناع القوة لي مدايرتيه وحدة ضعيفة و مكسورة و قلبها مجروح تصطنع فالقوة حتى تقدر تعيش ..و ثانيا متقارنينيش بريما و لا اي حد اخر أنا ميسان و اشجع و اقوى منك بألف مرة و ثقتي في روحي عالية مراحش تجي وحدة كيما نتي ماتعرفنيش حتى تمدلي نصائح ..الأفضل تطبقي نصائحك لروحك راح يفيدوك كثر مني بلاصة ما تروحي توري روحك و تتفلسفي على الثانيين روحي شوفي روحك و طبقي نصايحك لعمرك ..دوك مدابيك تخرجي خليني نرقد جوري ..و المناسبة أنا نعتبرها بنتي ماشي بنت اختي و نتي ما دخلك فالموضوع. . و بما انو أنا مرت إيفان فهو محظوظ كونو راجلي ...حتى واحد ما راهو مثالي كل فرد يكمل الآخر و انا و إيفان نكملوا بعضانا
شدت على قبضت يديها مغزلة منها ...راسمة بسمة مزيفة على شفافها
دارت خارجة من تم ...دخلت لغرفتها و غلقت الباب بزعاف ...قربت تخزر لروحها فالمراية
كل لي قالتو صحيح هي ضعيفة تتصنع فالقوة ...غمضت عينيها بقهر ...عاودت فتحتهم و رمات كل لي كان فوق الكوافوز ...