#زوجي_المزيف 🔥🔥🔥
الحلقة 7🔥🔥🔥
خرجت ميسان تتلاقا بفارس فهاديك اللحظة كانت سيارة متبعتها
وصلت لعند فارس و قبل ما ينطق بكلمة حضناتو
فارس: ميسان كاش ما صرا ؟؟ أنتي مليحة
بعدت من حضنو
خزرت فيه و حركت راسها بلا ...مع أنو كان عندها كومة كلام حابة تقولهولو أما سكتت
عقد فارس حواجبو باستغراب
فارس: حبيبتي كاش ما بيك متأكد
تبسمت معاه ..لا أما حابة نطلب منك حاجة
فارس: أكيد نمدلك عيوني
ميسان: خلينا نتزوجو غدوة
فارس: كيفاه ؟؟ غدوة متأكدة
ميسان : ايه نروحو للبلدية و نعقدو بلا ما يعرف حتى واحد بعدها نروحو نعلنو زواجنا و نديرو حفلة صغيرة على قدنا واش رايك؟؟
فارس: علاه هاذ السرعة و بلا ما يعرف حتى واحد فهميني قبل ؟؟
قلبت عينيها و زفرت بضيق
ميسان: ماما ماشي موافقة على زواجنا و حابة تزوجني بآخر
فارس: ميسان هاذو حركات دراري صغار انتي كبيرة و واعية و عندك حق تتخذي قرار بشكون راح تتزوجي و الخالة مريم ماشي مصدق أنو تسيف عليك تتزوجي بالسيف
ميسان: أما دارتها ...و نتا إذا ماراكش ناوي تتزوجتي قول ديراكت بلا ما تلف و الدور بالهدرة
فارس: واش هاذ الكلام أكيد حاب نتزوجك أما
ميسان : خلاص عرفت جوابك يعطيك الصحة و ديزولي ضيعتلك وقتك
دارت رايحة و هو نفخ ...زرب جرى موراها و شدها من كتافها مدورها لعندو
فارس: قابل ميسان المهم تكوني راضية أنا نحبك و مستحيل نخليك تضيعي ما بين يديا و لا نقدر نتخيلك مع راجل آخر ...باسها من جبهتها و لف يديه عليها و حضنها ...دمعتها نزلت على خدها ...يماها لزتها تتصرف هك و لا فحياتها ما كانت حتتزوج بهاذي الطريقة ...تمتمت بين شفافها
ميسان: كلو بسبتك ريما نكرهك
ألو مسيو إيفان عندي خبر مهم لحضرتك
كان واقف قدام الشباك يتكيف كي عادتو .. كي رن تلفونو و رفد عليه يسمع فواش يحكي
لحظات حتى تبسم بخبث : مالا عندنا عرس غدوة 😈😈😈..
قاعد قدام الشوميني يتأمل فالنار تاكل الحطب ... شعرو مفرفش و عيونو ناعسين ... ثواني حتى لحقاتو تتمايل فمشيتها ..راحت قعدت فوق حجرو تلعب بشعر صدرو ....شعل قارو يتكيف و مع كل جبدة ينسف على وجهها الدخان و هي عاجبها الحال
وشبيك ليوم زعفان مليت مني ؟؟
ضحك على جهة و حط يدو على خدها يتبسم بمكر ...تعرفي الحاجة لي تعجبني فيك واش هي ؟
جاوباتو ببلاهة ...لا ؟؟
ظهرت ضحكتو الشيطانية على فمو .... قرب وجهو من وجهها و شاف فعينيها بنظرة تذوب.... غمضت عينيها تستنا يبوسها ...أما هو حط يدو على خصرو و جبد خنجرو لي دايمن مرافقو و طعنها بلا مايرفلو جفن ...حلت عينيها على وسعهم و شهقت من الوجع جات تصرخ أما هو سبقها و حكم فكها بعنف و حط شفافو على شفافها يبوس فيها بقوة حتى قطع عليها النفس
بعد عليها و طبعها طاحت فلرض تتوجع
نزل لعندها و جبدها من شعرها
يعجبوني شفافك أكثر شي ...عاود طعنها فنص قلبها و دورو حتى معسو ...اوبس كانو يعجبوني
....طلق ضحكة عالية و ناض من فوقها بعدما مسح خنجرو فروبتها
دخل للدوش يغسل يدو من الدم ...قابلو إنعكاس صورتو فالمرايا
أنتم رجعتوني هك جهنم لي يقربلي يتحرق بناري 🔥🔥🔥🔥و صار الوقت نحرقكم حتى أنا 😈😈
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
