زوجي المزيف {من تأليف و كتابة Macilia Ch}

39

زوجي_المزيف🔥🔥🔥
#بقلمي_macilia_ch 🥀🥀
الحلقة 39:🔥🔥🔥

تبسمت بقهر تحكي
ميسان: برافو ... جمعت كل قوتها لي بقات و دزاتو من عليها
ميسان: عن جد برافو ..هزت يدها تصفق  بيديها ..انبهرت بكلامك ناضت من الأرض و ناض حتى هو واقف مقابلها عاقد حواجبو ...يخزرلها كيفاه تقلبت من لي كانت تبكي و دموعها على خدها
ميسان: قلتلي مالا دير أي شي حتى تضمن سلامة عايلتك و مقتنع يعني بخيانتك و لقيتلها مبرر حتى !!....قربت منو تخزر فيه من فوق لتحت باشمئزاز ...بعدما كانت ضعيفة و مهزوزة رجعت قوية و نظرتها حادة
ميسان: انت اكثر شخص اناني شفتو فحياتي ...بعدما كنت نحس  بطن تاع مشاعر حلوة جيهتك  رجعت نحس بالشفقة و الاسمئزاز ..ابهرتني صراحة برافو ابهرتني
إيفان: ميسان ماشي كيما لي في مخك أنا نحبك و هاذي كانت مجرد خطة حتى ...قاطعاتو تحكي
ميسان: خلي حججك التافهة لروحك مسيو إيفان ...دارت و عطاتو بظهرها تمشي جهة الغرفة ...فتحتها و دارت تخزر فيه مدة بعدها غلقت الباب في وجهو بقوة
إيفان: يلعن #### حط راسو بين يديه يلعن في روحو و فتولين ...مصدقش روحو للحالة لي وصللها ...بسبة غرورو و تكبرو خسر ميسان ...كيفاه قدر يكون اناني لهاذ الدرجة ...كيفاه كان معمي ...مخو وين كان ؟؟
عدى يدو على وجهو بعصبية و خرج نازل للتحت ...لمح و هو نازل بشرى تحت واقفة جنب الدروج  ...
نفخ على جنب
جاز عليها بلا ما يحكي كلمة أما هي زربت و حكماتو من يدو تحكي
بشرى: إيفان خير واش صرا؟؟ واشبيها صواتكم طالعة نتا و مرتك من مقبيل
تنهد يحكي بقلة صبر
إيفان: حاجة بيني و بين مرتي تخصني يعني ...نطر يدو منها و خرج برات القصر ...عوجت فمها و دوحت براسها تحكي
بشرى: يا خسارة تربيتي فيك هامل ...
دارت على جنبها راح تعيط لفاطمة حتى لقاتها قدامها قدقد تحكي
فاطمة : قهوتك مدام
بشرى: بسم الله الرحمان الرحيم ...خلعتيني قريب حبستيلي قلبي من الخلعة .. يكفيني ولادي الهاملين لي ما يصلحوا لوالو راكبينلي القنطة   منين خرجتيلي ؟؟؟
قطبت حواجبها بعدم فهم تحكي
فاطمة : اللطف عليك ...خرجت من المطبخ
قلبت عيونها تحكي
بشرى: اه يا ربي ناويين يجلطوني قاع كيما راهم...حطت يدها على راسها تخرنن و دارت تمشي جهة الصالة
ما حوستش تفهم ..هزت كتافها بعدم مبالاة و تبعتها

واقفة قدام التاقة ...حابسة الدموع في عينيها
حالفة لا تزيد تهبط دمعة عليه ...ميستاهلش دموعها ...
ميسان: خاين كلب ...طحان
...عدات يدها على وجهها ...اففف
خذات نفس تخمم
ميسان: لازمني نروح منا ....مراحش نزيد دقيقة ...
أما لازم واحد يساعدني و لا مكاش كيفاه نهرب ...الحراس فكل بلاصة و مستحيل نحط رجلي برا بلا ما واحد ما راح ينتبهلي ...عاودت طلت من الطاقة
لمحت أيمن تحت واقف يحكي مع واحد من الحراس ...خذات نفس تحكي
ميسان: أيمن حلي الوحيد ..ايه هو الوحيد لي يقدر يعاوني ....
عدات شعرها ورا وذنها ...و نزلت للتحت
كمل كلامو مع الحارس و تلفت داخل ...أما خبط فميسان بقوة ..طاحت على الأرض تتوجع
طبس لعندها حتى يعاونها تنوض
أيمن: ديزولي مشفتكش ..راكي مليحة؟؟ ..شدت في يدو و ناضت
ميسان: مليحة أما ظهري يوجع شوية من الطيحة ..ميهمش دوك ...جيت حتى نهدر معاك فموضوع مهم
عقد حواجبو مستغرب
أيمن: ايه اتفضلي
بلعت ريقها و هزت راسها تخزر فيه و تحكي
ميسان: ماما حكاتلي كلش ...حكاتلي أنو نتا خويا
تصدم أيمن و تبكم معرفش واش يهدر ...جاتو فجأة ...تنحنح و كبس روحو يحكي
أيمن: أرواحي نحكو قدام البيسين ...
هزتلو راسها و تبعاتو