زوجي_المزيف 🔥🔥🔥
الحلقة 23:
نزلت الدرجة هاذيك ...تمشى جيهتها و وقف مقابلها يخزر فيها ببرود
ميسان : واش جاي دير هنا إيفان وين ؟؟ الباقي وين راهم علاه مختفيين ؟؟
تبسم بخبث ...
أدهم : إيفان مات
تجمدت فبلاصتها و تجمعوا الدموع في عيونها
بلعقت ريقتها تحاول تستجمع روحها
ميسان : كيفاه مات مفهمتش ؟!
قرب منها و جبدها من ذراعها لعندو
أدهم : مات يعني مات و خواتو فالطريق
نحات ذراعها من يدو لي شادتها بقوة تحكي
ميسان : فهمني لأني ما فاهمة والو ...أنت شكون ؟؟
أدهم: فارس حبيبك لي كنتو راح تتزوجو
ميسان : لا انت ماشي هو
أدهم : ايه فهاذي عندك الحق عاود جبدها من ذراعها بقوة يحكي و يصر على سنانو
أدهم : أنا
حاولت تتملص من يدو لي شادتها أما مقدرتش
ميسان : لا مستحيل نتا قلت بلي تخدم مع الشرطة لا مستحيل ...قعدت تهز راسها يمين و يسار تحاول تكذب واش راهي تسمع ...
أدهم : هههه علابالك الحاجة لي خلاتني نحبك و شدتني ليك كثر سذاجتك ...قرب وجهو من وجهها يحكي قريب من شفافها ...علاه زعفانة قاع هك ...كنت مخطط من البداية أني نصفي هاذ العايلة من الأول انتي متعرفيش واش صرا فيا بسبتهم ...لازم تفرحي لاني خلصتك من إيفان ...
طلق ذراعها طالع للفوق ...جبد سلاحو من خصرو و شارجاه
أدهم: و راح نقضي على آخر فرد منو
واقفة جامدة فبلاصتها ...غير سمعت كلامو ...هزت راسها بسرعة ليه ...كأنو فهمت واش راح يدير ...زربت طلعت الدروج موراه ...دخل لبيت جوري لقى مريم حاضنتها بين يديها
أدهم : خالتي حطي الطفلة و اخرجي
دخلت ميسان تجري للغرفة راحت وقفت مقابلاتو
ميسان: واش راح دير؟
قلب عينو منها يحكي
أدهم: خالتي آخر مرة خلي الطفلة و اخرجي ادي بنتك معاك
قربت منو ميسان شادة يدو لي فيها السلاح
ميسان: لا مراحش نخليك تعملها...معندكش رحمة لهاذ الدرجة ...أنو نقتل طفلة صغيرة في عمرها شهور برك ...أنت كيفاه رجعت بهاذ القسوة كيفاه حتى رجعت هك ؟؟ وين راهو فارس لي نعرفوا أنت ماشي هو مستحيل تكون هو
أدهم : إذا كملتي محاضرتك البايخة بعدي من طريقي معنديش وقت لانضيعوا
ميسان: وقفت في وجهو
ميسان: لا مراحش نسمحلك تضرها على جثتي إذا حاب تقتلها اقتلني بالأول
نزل راسو يضحك ...
أدهم : لا والله ...جبدها من ذراعها و طبعها طاحت فالأرض ...راح جهة يماها و نحالها جوري بالسيف ...راح جهة البالكون تاع الغرفة ...
راح يرميها من فوق
ناضت تجري من الأرض ..
ميسان : لا مديرهاش الله يخليك ماديرهاش طفلة صغيرة معندهاش ذنب الله يخليك .. ندير واش تحب أما خليها مترميهاش
سحب جوري و دار لعندها
أدهم : أصلا كنت راح نديك معايا أما كي راجعت حساباتي هاذ البنت راح تفيدني ...هيا معايا ...مدلها جوري و شدلها يدها يكركر فيها معاه ...
شادة جوري بين يديها محضنتها عندها ...حست كي شافتها فخطر كأنو قلبها قاعد يتمزق و النفس راحلها و هي بعيدة عليها...و غير حضنتها رجعلها النفس من جديد ...ركبها فسيارتو و ركب هو معاها من ورا ....قلعوا و خلاو يماها داخل ...دارت لعندو تحكي و هي شادة جوري عندها ...
ميسان: و ماما؟؟
أدهم: الأفضل ليها أنو ترجع لدارها مزال منسيتش أنو خلاتك تتزوجي بسيف علاجال هاذي لي بين يديك ...دورت راسها تشوف فالطريق من زجاج السيارة ...غمضت عينيها و طاحت دمعة تحرق على خدها ...زيرت على جوري فحضنها كأنها تحاول تتطمن أنو هي معاها تدعي يجي إيفان يكون عايش و يجي يسلكهم .
أنت تقرأ
زوجي المزيف {من تأليف و كتابة Macilia Ch}
Romantizmزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
