الحلقة 19:
حاتم و إيفان طلعوا يرقدو ...دخل إيفان للجناح لقى ميسان راقدة فالغرفة الثانية ...نفخ على جنب راح بدل حوايجو و تسطح على السرير يرقد أما حاتم لقى هالة راقدة و تشخر ...خذات جزء كبير من السرير ...قلب عينيه و رمى روحو على السرير ...ناضت مفزوعة قريب تطيح شدت فحرف تاع السرير على شعرة كانت حتطيح على وجهها تبسم على جنب و جبد لغطا عليه
دارت هالة على جنب حاطة يدها تحت خدها تمتمت بين شفافها مغزلة منو
هالة : كلب بغل جايح طيرلي نومي قلبت شفايفها ماشي عاجبها الحال تحاول ترقد
مع الصباح ...تلموا على طابلة الفطور يفطرو ...كي العادة كل واحد ساكت فواش يخمم ...نطقت حنين و قطعت السكوت لي عم عليهم
حنين : احم حابة نقول حاجة
هزو ريسانهم ليها يستناو فيها تنطق
حنين : أنا و أيمن فسخنا خطبتنا
طلع إيفان حاجبو بإستغراب
إيفان : نقدر نعرف علاه ؟؟
حنين : ما تفاهمناش و منليقوش لبعض
إيفان: أما نتي تحبيه لالا؟؟؟
بلعت ريقها وهي تخزر فيه تحكي
حنين : لا ...ناضت من بلاصتها طالعة لفوق
تنهد إيفان ..دور وجهو يخزر فحاتم قعدو مدة يتبادلو النظرات ما بيناتهم
ناض إيفان طالع لفوق عند حنين
حاتم : ماما عندك فكرة على الموضوع ؟؟
هزت فنجان قهوتها بين يديها الزوج تحكي
بشرى: لا أما من الأول ما حبيتش علاقتهم مع بعض هذا أفضل قرار خذاتو
حاتم : كلنا نعرفوا أنو يحبو بعض
بشرى : ههه ضحكتني على شكون راك تضحك يا وليدي ...حنين لي كانت تحبو أما هو لا حتى لدوك مزال يبكي على أطلال مرتو و منساهاش و نتمنى تدعمو ختكم ماشي توقفوا ضدها
حاتم : حتى واحد ما راح يوقف ضدها و ضد قرارها هي حرة أما نتمنى متندمش
بشرى: راح نشوفو
ميسان و هالة قعدوا ماشي فاهمين يتبعوا برك ...كمل حاتم فطورو مسح فمو و جا نايض
دقدق الباب و دخل بعدما غلقو موراه لقى حنين قاعدة على السرير غير دخل زربت ناضت تستنى فيه يحكي
إيفان : نقدرو نحكو
حنين : ايه اكيد
وقف قدامها ...هز يدو حكمها من كتافها يحكي
إيفان : متأكدة من قرارك ؟؟؟
حنين : ايه متأكدة
إيفان : اوكي أما نتمنى متندميش
حنين : علاه لأنو صاحبكم و وليد عمكم قبل كلش
إيفان : حنين مقصدتش هك أما نعرف انو نتي تحبيه من الصغر و حتى لدوك عينيك فاضحينك كي قلتي أنو فسختو الخطبة حكيتي بألم و حزن كان واضح فعينيك الزوج
بعدت عليه تحكي
حنين : خليني نعدل أنا لي فسخت الخطبة منسحقش واحد ماشي مقيمني و لا دايرلي اعتبار ميستاهلنيش و لا يستاهل نكمل معاه حياتي و نوجع قلبي علاجالو
إيفان: لازم تساعفيه شوية معندوش بزاف من لي فقد مرتو و مزال جرحو جديد
حنين : ههه كيفاه راك منيتك علابالك واش راك تقول ...مرتو عندها سنتين من لي ماتت وهو لي خطبني من عام واش من جرح واش من ### لي راك تهدر عليه آه
إيفان : حنين اعرفي واش راكي تخرجي من فمك أنا خوك لكبير
حنين: ايه خويا لكبير أما بالاسم أيمن تاعك شربلي لمرار قلبي الطحان لي حبو جرجرو حتى خلاص برد من جيهتو نتا جامي ما حبيت و لاتعرف واش معنتها حب علابيها راك تحكي هك لو قلبك دق شي نهار كنت فهمتني أما نتا معندكش قلب مراحش تعرف ولا تفهم واش راني نحس ولا الحرقة لي في قلبي ...قربت منو كثر تحكي و عينيها مليانين حزن
حنين : في حياتك نتا و حاتم ما حوستو عليا ولا واش نحب ولا تعرفوا الحاجة لي تخليني حزنانة ولا فرحانة فحياتكم ما قلتولي كلمة تفرح دايمن أوامر أوامر كرهت من أوامركم أنا و ما رانيش نستنى فيكم تحسو بيا ولا تتفهموني خاطر نتوما بلا قلوب كي نتوما كي أيمن ...كملت كلامها و خرجت من البيت لقات حاتم قدام الباب ...تلاقاو عينيها بعينيه ...زربت دورت وجهها و نزلت للتحت ...
قرب إيفان من عند حاتم يحكي
إيفان : عندها الحق اهملناها بزاف و ما عرفناش كيفاه نعبرولها على حبنا ليها و خوفنا عليها ترجماتو شي آخر
حاتم : صح نظن صار الوقت نبدلو طريقة تعاملنا القاسية معاها هي تقعد اختنا لازم نخصصولها وقت
تبسم إيفان معاه ...
إيفان : صح كلامك صحيح
هز يدو و ضربو على كتفو يحكي
حاتم : أكيد دايمن على حق هههه
إيفان : مغرور
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
