زوجي المزيف {من تأليف و كتابة Macilia Ch}

31

زوجي_المزيف🔥🔥🔥
#بقلمي_macilia_ch 🥀🥀
الحلقة 31: 🔥🔥🔥

تنفضت ميسان تحكي بتمسخير
ميسان : ههه ماما من نيتك ؟؟؟ واش راكي تخرفي
تصدم إيفان من كلامها ...حس الخيوط لي فمخو تحرقوا ...حكا بصوت هادي اما يخوف
إيفان: واش قصدك بصفتها أمها تقدري تفسريلنا بلا ما تحرقيلنا اعصابنا كثر
خزرت فميسان تحكي
مريم : جوري تكون بنتك
ميسان: ههه ماما هبلتي و لا واش ؟؟ هي بنت ختي ماشي بنتي ؟؟ متحبسيليش قلبي و قولي راكي تكذبي
مريم : مرانيش نكذب و مارانيش نخرف تاني ما زلت فوعيي و فعقلي
شد إيفان على قبضة يدو يحكي بعياط
إيفان: مالا واش تفسيرك ؟؟؟ احكيييي و متهبلينيش اكثر صحة بنتي فاللعب واش معنتها ميسان أمها فهميني ؟؟؟
بلعت ريقها شادة فحجابها تحكي
مريم : من ثلث سنين و نص ميسان كانت مريضة و كان لازملها عملية مستعجلة ...كان عندها نزيف فالمعدة ...وكان لازم دراهم للعملية ...دخلت للمشفى و كانو حيخرجوها لأنو معنديش دراهم العملية و حتى باش نشريلها دوا
غصت في كلامها تحكي و راسها فالأرض
معلاباليش ريما كيفاه سمعت لأنو قطعت اتصالها بينا ...كي كنت فاقدة الامل و كنت نظن أنو ميسان راح تموت ...جاتني ريما للمشفى و خبرتني انو راح تساعدني حتى تعمل ميسان العملية أما بشرط ...هزت راسها لايفان تخزر فوجهو الحمر من الزعاف ...
صر على سنانو يحكي
إيفان: كملي بعدها !!!
مريم: الشرط أنو تدي بويضة من بويضات ميسان حتى تلقحها فرحمها ..لأنو هي مستحيل تجيب ولاد
ميسان: لا مستحيل ..ماما قولي أنو مدرتيهاش ...لاااا لا
راح لعندها إيفان و حكمها من كتافها يحكي
إيفان: ميسان أهدي خليها تكمل ...خزر فيها خزرة تخوف تاع كملي
مريم: مع اللول ماقبلتش و قلتلها هاذي أختك كيفاه تخمي هك ...من واجبك تساعديها أما لا كانت مصرة و كي محبيتش دارت رايحة ...لتم عرفت انو مراحش ترجع على قرارها ...حياتك كانت فاللعب و انا مقدرتش نشوفك و نتي تموتي قدام عينيا ...مالا وقفتها و قلتلها أنا موافقة مع انو نعرف انو هاذ الشي حرام أما كانت يديا مربطة كنت عاجزة مكنتش راح نغامر اني نخسرك
طاحت دمعة تحرق من عين ميسان مهما كانت كارهة ختها من قبل خاطر خلاتهم دوك نقمت عليها كثر
كملت مريم تحكي بغصة
مريم : دارولك العملية و نجحت ...بعدها نحاولك البويضة بلا ما تحسي حتى السيكاتريس عالجوها بالليزر حتى  متفيقيش كي تشوفي زوج سيكاتريس ....ريما كانت محضرة كلش حتى نقلتنا للمشفى لي كنا فيه لمشفى احسن منو و من تم دارو كلش و راحت بعدها لقحت البويضة فرحمها و نجحت العملية ...كملت كلامها تخزر لوجوهم و ردات فعلهم
ضحكت ميسان بهستيرية تحكي
ميسان: هههههههههه لا  لا لا ...قعدت تهز راسها بهستيرية ...ماما مستحيل ديريها هههه لا ...قربت منها تخض فيها من كتافها تحكي
ميسان: كيفاه وافقتي على هاذ الشي كيفااااه اااااه كيفااااه ...كنتي خليتيني نموت ولا وافقتي على هاذ الشي علاه علاااه .  طاحت على ركايبها تبكي و تحكي
ميسان: علاه ريما علاه ؟؟؟؟ 😭😭😭😭
وقف إيفان في بلاصتو مصدوم من لي سمعوا يعني جوري تكون بنت ميسان ...هز راسو يخزر لميسان لي قاعدة فالأرض و تنوح
إيفان: لا مستحيل كيفاه ؟؟؟ ريما !!! لا كيفاه قدرت ديرها و تكذب عليا كيفاه!؟؟ شد راسو بين يديه و فاتح عينيه على وسعهم من الصدمة ما لقى يفرح أنو كاين احتمال جوري تشفى ولا يزعف و يكسر الدنيا و يحاسب لي استغفلوه ...اما صاحبة الفكرة ميتة ...جن جنونو للفكرة تمنى تكون عايشة حتى يفرغ زعافو و غلو فيها
نطقت مريم و هي تخزر فإيفان
مريم : ريما كانت تحبك و تعشقك أما نتا ماكنتش تحبها ...كنت تشوف فيها كزوجة و ام لأولادك لا غير علابيها دارت هك كي  عرفت بلي ما جيبش ولاد
خزر فيها إيفان بعينيه الحمر يحكي بعياط
إيفان : مع هك حتى واحد ما عطاها الحق تدير هك و تستغفلنييييي فهمتيييي و لا تستغل وحداخور لمصالحها الوسخة ...قحرلها قحرة موت يحكي
إيفان: راح نحاسبكم كلكم ...كل لي شارك فهاذ الجريمة راح نحاسبو
قرب جهة ميسان لي فاحمة بالبكا و تعاود فكلمة لا ...شعرها تخرب كلو طايح على كتافها بعدما كان ملموم
حط يديه على كتافها و وقفها و هو عاض على شفايفو و دمعة متحجرة فعينيه
لف يديه عليها يمشي فيها رايح جهة السانيتاغ
دخلها و دخل معاها ....فتح العين و حط يدو تحتو يتحسس فالماء شاد روحو على شعرة حتى ميطرطقش ...شد شوية ماء يبلل فيه وجهها
حكات بصوت مبحوح و هي تخزر فيه بعينيها الحمر  من المرايا تحكي
ميسان: جوري بنتي ...ضحكت على جنب بعدها طرطقت بالبكا
نفخ على جنب و جبدها لحضنو ...يمسح على شعرها بشوية يخزر في انعكاسو على المرايا بعينيه الحمر  لي يقدحو شر 👿👿