زوجي المزيف {من تأليف و كتابة Macilia Ch}

29

زوجي_المزيف🔥🔥🔥
#بقلمي_macilia_ch 🥀🥀
الحلقة 29: 🔥🔥🔥

بعدت منو تمسح في دموعها و تحكي
حنين : أنا لازم نروح ...دارت تركب فسيارتها بلا ما تخزر فيه ...نفخ و فرفش شعرو يراقب فيها بعينيه و هي تبعد
وصل للفيلا تاعو ...معصب و عينيه حمر من الزعاف ..فتح الباب و دخل ...رمى  المفاتح على الطابلة بعنف ..ودخل للصالون ... لمح تولين قاعدة تترشف فكاس القهوة  بهدوء
قرب منها و طلق روحو على الفوتاي حاط يدو على عينيه
عقدت حواجبها و حطت الفنجان تحكي
تولين: خير واش بيك ؟؟ جبتني لهنا بلخف ..واش هو الشي المستعجل ؟؟..قعدت تخزر فيه تستنى فجوابو
تنهد و سقم قعدتو مشبك يديه يخزر فيها
أيمن: حنين تعرف بعلاقتنا
تولين : كيفاه هاذي تعرف؟؟؟ نتا خبرتها ؟؟
قحرلها بعينيه الحمر يحكي بصوت عالي و هو راص على سنيه
أيمن: كيفاااه هاذي حكيتلها مهبولة نتي ؟؟؟ صرا لمخك حاجة ؟؟؟ ولا خرفتي على بكري ...شحال من مرة نبهتك قلتلك منسحق حتى واحد أنو يعرف بعلاقتنا و لا نتكشفوا ...المصيبة دوك اذا حكات حنين ..الدنيا راح تتخلط أكيد راح يحاولو يبحثوا ورا الموضوع أنا مخصنيش وجع راس فهمتيييي !!!
حطت يدها على وذنها مضيقة عينيها تحكي
تولين : ايه فهمت علاه تعيط ؟؟ ديجا الحل ساهل معلاباليش علاه حارق أعصابك قاع هك ...نقتلوها و نتهناو
تنفض من بلاصتو كي الملسوع ...قرب منها و شدها من رقبتها يخنق فيها
أيمن: بلاكي تعاوديها فهمتي !!! إذا مسيتي شعرة منها ما تلومي غير روحك متنسايش انا لي نمد الأوامر هنا واذا معجبكش تخبطي راسك و تنفذي بفم ساكت فهمتيييي ...تنفضت من قوة عياطو ...طيحها على الفوتاي يحكي
أيمن: أنا نعرف واش راح ندير ..أنا نقدر بسهولة نخلص روحي شوفي نتي متنسايش اذا عرفوا أنو راكي تخططي من وراهم راح يصفوك و أولهم خوك نيروز مراحش يخليك عايشة بلا ما نهدرو على إيفان إذا جا نهار وين الوحش لي داخلو ينوض راح تندمي ندامة حياتك .. مالا اعرفي كيفاه تتصرفي ....دوك نوضي و ### منا هيا ماشي حاب نشوف خليقتك و شوفيلي هذاك الحمار لي خدمتيه معاك مزال نسحقو خداماتو
زمت شفافها تحكي
تولين : حاضر ...خرجت من الصالون خارجة لبرا ...وصلت لسيارتها و فتحتها ..ركبت و غلقتها بعنف ...شادة على قبضة يديها
تولين: عايلة مهابل تاع ### معليه ماشي حاب نقيسها هههه كل العايلة طايحين لوف يعني ... خرااااا اوفففف ....شغلت سيارتها و ديمارات بيها حارقة الطريق

عند ميسان من الصباح رافدة جوري تحاول تسكت فيها من البكا حتى حرارتها طالعة محبتش تهبط ...حاولت تعيط لايفان أما ميردش ...
ميسان: شتتت يا عمري شتتت
دخلت يماها لعندها تمسح على شعر جوري و تحكي
مريم: خلينا ندوها لسبيطار بكاها كلما يزيد
ميسان: كيفاه نديها لازم إيفان يجي حتى الطبيب لي جا مدلها إبرة حتى تهبطلها الحرارة أما كيفكيف مهبطتلهاش ...
ضمتها لعندها تحاول تسكت فيها
فنفس الوقت ...حنين كانت طالعة من الدروج شادة راسها طالعة لغرفتها ...سمعت صوت جوري و هي تبكي نفخت و كملت طالعة لمحت يماها قدام الغرفة تحاول تتنصت
قربت منها مطلعة حاجبها تحكي
حنين : ماما واش كاين ؟؟ واش بيها جوري ؟؟ و علاه قاعدة هنا علاه مدخلتيش لداخل عندها؟؟
بشرى: اففف اسكتي صرعتيني داخلة عليا بالأسئلة ...ارواحي ..جبدتها من ذراعها تجر فيها جيهة غرفتها ...دخلتها لداخل و غلقت الباب ..دارت لعندها حاطة يدها على خصرها تحكي
بشرى: وين كنتي يا لالة هااا؟؟
دارت جهة السرير تنحي فلفاست تاعها
حنين: خرجت شميت شوية هواء ...قعدت على السرير شادة راسها
حنين : ماما حابة نرقد راسي راهو يسطر من الصباح
بشرى: ايه و علاه ما راحش يوجعك ..ما نتي عندك سمانة راقدة و ماشي جايبة للدنيا خبر ؟؟
حنين: ماما خلاص فهمت ..خلي منبعد أرواحي و صرعيلي راسي ...ناضت من بلاصتها داخلة للدوش أما فلحظة حست الدنيا ضلامت بين عينيها ...شدت فحرف الباب تاع الدوش ...خزرت فيها يماها و راحت حكمتها من كتافها
بشرى: بنتي وشبيك حالتك متعجبش ؟؟ واش صرا ؟؟
قعدتها على السرير بلعقل و راحت جابت كاس ماء ...شربتها منو شوية
حطت الكاس على جنب و هزت يدها تمسح على شعرها و تحكي بخوف
بشرى: تعرفي اني نحبك و نحب مصلحتك ...أنا يماك و حاسة بيك ...عندك شحال ماشي قد بعضك ..ستنيتك تحكيلي أما قعدتي ساكتة ...و فضلتي تغلقي على روحك من لي جيتي ؟؟ قوليلي واش كاين علاه حالتك هك ؟؟ كاش ما صرالك كي حتجزوكم ؟؟ قوليلي يا بنتي شكون راح يفهمك قدي ؟؟؟ هااا؟؟
هزت راسها تخزر فيها ...حتى لو يماها تبان ماشي مليحة و وحدة ناوية الشر فالعباد أما تقعد يماها و تحبها ...فتحت فمها راح تنطق و تفرغ واش في قلبها ...أما فلحظة حست روحها راح تتتقيا ...زربت ناضت تجري للدوش ..فرغت قاع  واش في كرشها ..غسلت فمها و وجهها تخزر روحها فالمرايا. ..شكت بحاجة أما مستحيل ...خرجت من الدوش قابلتها يماها تخزر فيها مضيقة عيونها فيها
قبلت عينيها تحكي
حنين : ماما ممكن تخليني نرقد شوية .. مانيش حاسة روحي مليحة
هزتلها راسها بلا ما تحكي و خرجت
تنهدت و جبدت الغطا من على السرير ..تسطحت و حطت راسها على المخدة تحاول ترقد