#زوجي_المزيف🔥🔥🔥
من تأليفي Macilia Ch
الحلقة 2:🔥🔥❤️❤️
دخلت للدار و الضحكة مالية وجهها ... نبضات قلبها تدق بقوة وسط صدرها...لقات يماها تحط فالعشا
ميسان: أهلا ماما
مريم: أهلا يا نور عيوني كيفاه كان يومك ؟؟
ميسان: عادي
مريم: و الضحكة لي على وجهك تاع واش؟؟
ميسان : ههه ماما عادي ...حبيتيني نجي بوجه مقلوب يعني ههه ...جبدت الكرسي و قعدت عليه بعدما غسلت يديها
مريم : ههه لا أما تبسيمتك فيها حاجة سبيسيال ليوم
حطتلها صحن الماكلة قدامها و هي نزلت راسها تاكل بلا ما تجاوبها
مريم: على راحتك بنتي ..ربي يدوم ضحكتك
ميسان: آمين ...
فجهة ثانية ..واقف قدام الشباك لي فغرفتو يشوف للتحت ...الحراس محاوطين كل مكان ... يراقب فيهم بعينيه الحادين لي طاغي عليه الغموض... لونهم لي يتغير مرة أخضر مرة أزرق مرة بني و مرة أسود
كيما شخصيتو بالضبط ...لي كل مرة بوجه على حساب الشخص لي يتعامل معاه
شاد قارو بين يديه يتكيف ...
قربت منو و مررت يدها على طول ظهروا بعدها دورت يديها على كرشو و حضناتو...حطت راسها على كتفو تحكي بإغراء
ريما: إيفان حبيبي ...العشا واجد
بعد يديها من عليه و دار لعندها و هو مزال شاددها .. شاف فيها من الفوق للتحت عاض على شفتو ..كانت لابسة نويزات كحلة مفصلتلها جسمها و روج غامق على شفايفها
إيفان: جاية لعندي بهاذ المنظر و تقوليلي عشا ...أكيد راح نتعشا أما بحاجة وحدوخرا فرمشة عين رفدها بين يديه و رماها على السرير ...فتح قفالي الشوميز و رماها على الأرض ...ناضت و وقفت من على السرير و جبداتو من رقبتو... طاحت على السرير و هو طاح فوقها مغطيها لجهامتو ....حطت شفايفها على شفايفو ...بعدت منو تتنفس بالسيف ...
إيفان : تعبتي من دوك ؟؟
ريما: لا هههه
رجع غطس فشفايفها ....تفنن فيهم كيما حب ... ...طبع بوساتو على كامل رقبتها بعدها ختمها بعضة و هي مستمتعة تحتو ....كمل نزل للتحت و حل خيوط النويزات بعقلو ...يلعبلها على أعصابها ...كمل نحاها و غطس فيها و وزع بوساتو و لمساتو لي حرقتها على كل شبر من بدنها و صرا لي صرا
بعد منها ينهج ...ناض من السرير رايح للدوش و هي جبدت لغطا عليها ترقد
خرج من الدوش يمسح شعرو بالمنشفة ....حطها على جنب ...لقى ريما رقدت ...خرج من الغرفة رايح لغرفة بنتو الصغيرة لي عمرها ثلاث شهور ...طل عليها لقاها راقدة كي الملائكة ترضع في صبعها ...ضحك و بانت تبسيمتو ...نزل لعندها و باسها على راسها بلعقل
...إيفان 33 سنة ... زعيم مافيا ...يتاجر بكلش و بالسلاح بدرجة أولى ما عدا المخدرات و المتاجرة بالنساء و الأطفال (زعيم مافيا حنين 😂😂😍😍)
و ككل لي يخدمو فهاذ الدومان عندهم مجموعة شركات يخفو بيها أعمالهم الغير قانونية
نازل فالدروج حتى لمح ختو الصغيرة حنين لي فعمرها 20 سنة تقرا تصميم أزياء ...طالعة على طراطش صوابعها و الطالون في يدها ..جازت عليه بلا ما تشوفو بسبب أنو هو واقف فبلاصة ظلمة...قفزت على صوتو لي فزعها
إيفان: خير يا لالة حتى لدوك كون زدتي طولتي شوية ماشي خير !!!
عضت على شفتها و حكات بصوت خفيف تذبل فعينيها و تستعطف فيه
حنين: ياك علابالك ليوم عيد ميلاد ملاك و زيد باعث كومة حراس معايا و ماما سمحتلي نحضر و علابالها راح نتأخر
إيفان : عقد حواجبو و قحرلها ... حتى و لو...آخر مرة تجي فهاذ الوقت فهمتي !!
ضحكت بتبهليل و عوجت رقبتها تحكي ...حنين: حاضر يا خويا الحنين ههه
إيفان: طيري دوك لبيتك و حبسي حركات لمعيز لي ديري فيها
كمل نازل لتحت ...خرج للجنينة قابلو خوه حاتم في عمرو 27سنة يدو اليمين في كلش ... متكسل فوق الكرسي مقابل البيسين
ضربو على كتفو و قعد جنبو فكرسي آخر
حاتم: كتفي يا جحش
إيفان : تستاهل يا ### ...يعني ما يكفيش المشاكل لي فوق راسي و التهديد لي نتلقاه كل يوم زيد نقعد نشغل روحي بقصصك نتا و حبيباتك كل مرة تخرجلي وحدة تجي تشكيلي منك ...يعني متعبتش و نتا تخرج كل مرة مع وحدة
حاتم: هههه لا مستحيل ...حاب نقعد مع وحدة طول عمري كي حالتك يعني ههه نونونو إذا نتا صفر فالرومنسية ..أنا نكون ملك الرومانسية هههه ...
إيفان: راح يجي نهار و تطيح على راسك و تطيح في وحدة تجرجرك و تخرجلك الخل من عينيك تم أرواح نستشفا فيك
حاتم: أنا يا سيدي ما نقدرش نحب وحدة طول العمر اعع ..دار جاست كي شغل حاب يرد ...ههه مستحيل إذا قعدت مع وحدة مدة طويلة يلحق أسبوع نكون كرهت منها ... معلاباليش نتا كيفاه ...
قبل ما يكمل كلامو ...سمعو صوت صراخ قوي جاي من فوق ..
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
