الحلقة 18:
رجع أدهم طلع للفوق وين كانت ميسان قاعدة تستنى فيه حتى تخبرو بقرارها
تفتح الباب و دخل لعندها لقاها قاعدة على السرير تستنى فيه ...ناضت من بلاصتها تفرك فيديها و تخزر فيه
أدهم : قررتي ؟؟
ميسان : ايه قررت ...خذات نفس عميق تحكي
ميسان : منقدرش نعاونك صح تزوجت بسيف عليا و خارج على إرادتي ..بلعت ريقها ....أما رجعت متزوجة و منقدرش نخون ثقة راجلي خصوصا أنو ريما قبل ما تموت حطت جوري فأمانتي
أدهم : يعني !!؟
ميسان: يعني طلبك مرفوض أما بحق عشرتنا كيفكيف مراحش نجيب سيرتك أبدا
أدهم : كيما تحبي انتي الخاسرة مع اللخر لأنو إيفان نهايتو قريبة و على يدي ديري هاذ الحاجة مليح في بالك ....دوك لازم تنزلي معايا تحت إيفان فالطريق هيا ...جبدها من يدها مهبطها لتحت
أدهم : اقعدي فهاذ الكرسي راح نربطك و نروح راح يبقاو هنا شوية رجال راح يتحملو المسؤولية و انا راح نكون قريب و نراقب فالحالة
ميسان : اوكي ...شافت فالكرسي و قعدت ....ربطلها يديها و رجليها فالكرسي ...زاد جاب كمامة و غلقلها فمها
أدهم : باي ميسان ...دار رايح و هي تشوف فيه كيفاه يبعد من عليها ...جا واحد من الرجال رمى عليها بيدون ماء ...تنفضت فبلاصتها و شهقت من برودة الماء ...دارت تخزر فيه و هو هزلها كتافو يحكي
أوامر معندي ما ندير لازم يبان كأنو انخطفتي صح ...قبل ما تنطق كان هز يدو و مدلها كف قوي دار راسها معاه للجهة الثانية زادلها الثاني و هاذ المرة داخت من كثر ما قوي و شافت النجوم تدور قدامها ... سال شوي دم من نيفها و تجرحت شفتها ..ثواني حتى فقدت وعيها
وصل إيفان هو اللول و نزل من سيارتو بعد دقايق جا حاتم و رجالو توزعوا على الفيلا ....هجم إيفان من الباب الأمامي و موراه الرجال و حاتم من الباب الخلفي و رجالو معاه
شارجا إيفان سلاحو و بدا يقوص بلا ما يخمم مرتين ثواني حتى دخل من باب الفيلا قابلاتو ميسان فوق الكرسي فاقدة لوعيها زاد قرب أكثر حتى لمح واحد حاط مسدس على راس ميسان
وجهلو إيفان سلاحو يحكي
إيفان : ارمي السلاح و استسلم اذا خممت مجرد تخمام تضغط على الزناد راح نعذبك عذاب في حياتك ما ذقتو تبسم هذاك الراجل على كلامو و بسرعة وجه سلاحو جيهة إيفان و قوصوا لزوج فنفس الوقت ...إيفان جات الرصاصة في كتفو أما الآخر بين عينيه ...دخل حاتم يجري من باب الجنينة لقى راجل مرمي على الأرض ميت ...و إيفان حاكم كتفو يتوجع عاض على شفتو
حاتم : أنت مليح ؟؟
إيفان : مليح ...مكانش ناوي يقتلني كان قادر يقتلني و يجيب الرصاصة فبلاصة ثانية ... شاف جهة ميسان و جرا لعندها ...هز يدو و حكم راسها بين يديه يضرب فيها ضربات خفاف على خدها متناسي وجع كتفو يحكي
إيفان: ميسان فيقي ميسان !!! لمح الدم فطرف شفتها يحاول يمسح فيه بيدو
إيفان : حاتم فكها اجري
حاتم فكلها يديها و رجليها ...حكمها إيفان و حملها بين يديه
حاتم : خليني نرفدها جرحك ينزف
مسمعلوش و كمل يمشي جهة برا خارج ...زربو الحراس فتحولو باب السيارة من ورا و ركب فيها حاط ميسان في حضنو ..
إيفان : للقصر بسرعة ....
...ركب معاهم حاتم من قدام يحكي
حاتم : راسك يابس
قلب إيفان عينيه منو فاد ...نزل راسو لعند ميسان و هز يدو حطها على خدها يمرر صبعو على شفتها المجروحة ...تنهد و غمض عينيه مرجع راسو للور ...
أنت تقرأ
زوجي المزيف {من تأليف و كتابة Macilia Ch}
Romansزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
