الحلقة 17:
حاتم كان يسوق سيارتو رايح يتلاقا مع صحابو أما فجأة سيارتو صدرت صوت ...حبسها على جنب و نزل منها يشوف واش صرالها ....غير نزل صدمت فيه وحدة و طاحو لزوج على الأرض
شدت ذراعها تتوجع و هو ناض ينفض في حوايجو لي توسخو ..كان حا ينطق و يقوللها إذا راهي بخير أما سبقاتو و شعلت فيه بالهدرة و هي مزالت قاعدة على الأرض
هالة : يا جحش يا حمار مراكش تشوف قدامك أعمى ولا واش خص غير تقتلني
عقد حواجبو حاير في خلق ربي
حاتم : يا مهبولة واش راكي تحكي ؟؟؟
هزت روحها و ناضت من الأرض تقحرلو متمنية تاكلو بين سنيها
هزت صبعها و أشارت لروحها
هالة : أنا مهبولة أنا ؟؟؟ نتا المريض لي حابس فوسط الطريق تقول عليا مهبولة قريب عفستني تحتك و قتلتني ...هزت يديها الزوج تضرب فيه على صدرو و تحكي
هالة : يا متخلف يا جاهل ...تقول عليا مهبولة
حاول حاتم يبعدها من عليه و يسكتها أما مقدرش ما لقى غير يجبدها من خصرها لعندو و حط شفايفو على شفايفها و باسها
جمدت هالة فبلاصتها و فتحت عينيها على وسعهم ...زربت طبعاتو و بعدت عليه ترد فالنفس
تبسم على جنب يخزر فيها كيفاه رجع وجهها حمر و الأهم أنو سكتت
هالة بلا ما تخمم زوج خطرات هزت يدها و صفعاتو على وجهو صفعة قوية دار وجهو معاها
ترسمت ضحكة على وجهها أما بلخف تمحات كي لمحت عينيه لي رجعو حمورا من الزعاف ...حكمها من كتافها الزوج و قربها منو يحكي و يلز على سنيه
بلعت ريقها و هي تحس فأنفاسو السخونة على وجهها ....
حاتم : غلطتي غلطة حياتك كي تجرأتي و هزيتي يدك عليا يا ### أما راح نربيك على طولة لسانك و على الكف لي مديتيهولي فوق ما أنتي الغالطة و جاية تعاركي فيا وحدك و بلا سبة ...راح تشوفي واش راح ندير فيك
حاولت تتملص من يديه لي مزيرين عليها أما مقدرتش ...هزها راح يركبها فسيارتو ...تخلعت ما عرفتش واش راح دير قعدت تفرفط بين يديه و هو طلعلو الغاز للراس ...جبدها من كتفها و مدلها كف دوخها ...حملها و رماها من ورا ...و ركب هو من القدام و قلع بأقصى سرعتو معصب
بعد ساعة وصل لمستودع بعيد شوية على المدينة ...هزها بين يديه كي الشوليقة و هي مزالت غايبة عن الوعي ...رماها على الأرض و راح جاب بيدون ماء رماه عليها ...تنفضت من بلاصتها و ناضت تشهق و تبعد فخصلات شعرها لي لصقوا على وجهها ..هزت راسها ليه تحكي و ترجف
هالة : واش واش راني ندير هنا !!!
حاتم أشار لزوج رجال لي لتم جاو لعندو يجرو كل واحد أضخم من الثاني شوفتهم خوفتها ...معمرين وشام ...كل بلاصة من وجههم مضروبة بإختصار منظرهم يعيف
حاتم : حابكم تفرحولي بيها ...
بلعت ريقها تكذب في وذنيها كأنها فهمت و ما فهمتش !!!
هالة : واش معنتها ؟؟ واش حاب دير فيا ؟؟؟
قربو منها هاذوك الزوج ...تخلعت و رجعت وراها و هي مزالت على الأرض حست كل أطرافها تشلو ...زرب واحد منهم جبدها من رجليها و طاح فوقها يقطع في قشها....بدات تعيط و تبكي و تخبش فيه ..كان حاتم مزالو تم دار خارج أما حبس على كلامها اللخر
هالة : الله يخليك بعدهم عليا ...سامحني نعترف غلطت الله يخليك سامحني قوللهم يبعدو ..تبكي و تشهق ...خليهم يبعدوا عليا عرسي بعد يومين راح تتدمر حياتي الله يخليك 😭😭😭😭 خليهم يبعدوا عليا 😭😭😭
تبسم على جنب بخبث و دار لعندها يشوف فيها كيفاه تقاوم فيهم و تبكي ...
جبد سلاحو ورا خصرو و طلق رصاصتين فالهواء
حاتم : خلاص بعدو عليها و اخرجوا
بعدو الرجال منها و خرجوا من المستودع ...قرب منها و طبس لعندها ...تقعدت فبلاصتها تمسح الدموع من عينيها و تحاول تغطي روحها بثيابها المقطعين لي قطعوهم من شوية ..هز يدو و رفع وجهها لعندو ...تقابلو عينيهم بعينين بعض ..عيونها الزروقة لي بلون البحر مع عيونو الكحولة و نظرتهم الحادة
حاتم : قلتي عرسك بعد يومين
دارتلو إيه براسها و هي ترجف من الخوف و البرد
حاتم : اممم مليح ...اوكي عرسك راح يتقام بعد يومين أما العريس راح يتبدل ...
هالة : واش معناتو ؟؟
قرب منها كثر يحكي
حاتم : يعني راح تتزوجي بيا و إذا رفضتي راح نخلي قاع رجالي يتعداو عليك ماشي غير زوج
عضت على شفتها و نزلو دموعها على خدها
حاتم : خمي راني نستنى ردك
هالة : مستحيل نتزوج بيك
حاتم : كيما تحبي نتي خيرتي ...ناض من الأرض رايح ...أما هالة زربت ناضت حتى هي و شداتو من يدو قبل ما يخرج ...تحكي بغصة
هالة : موافقة
حاتم : مليح ...راح نعيشك فجحيمي الخاص منا و جاي ...شدها من يدها يجر فيها لبرا ...ركبها فالسيارة و دار من الجهة الثانية و ركب حتى هو
حاتم : بدلت رايي رااح نروحو نتزوجو قبل بعدها عند أهلك نخبروهم الخبر السعيد ...غمزها على جنب و قلع رايح ...
حطت يدها على فمها و دارت للزجاج تاع السيارة تبكي بحرقة على حياتها لي انقلبت في لحظة وحدة ...دارت لعندو بعد ما مسحت دموعها تحكي
هالة : أهلي ماتو عندي غير خالتي عايشة عندها
شاف فيها بنص عين و نطق
حاتم : ما يهمنيش
زمت شفافها و سكتت تتفرج على الطريق و تخمم فحياتها الجاية كيفاه راح تكون 💔 وعلى ردة فعل خالتها و خطيبها و أهلو كي يسمعوا .
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
