زوجي المزيف {من تأليف و كتابة Macilia Ch}

40

زوجي_المزيف🔥🔥🔥
#بقلمي_macilia_ch 🥀🥀
الحلقة 40:

شدت على قبضة يدها و ناضت من بلاصتها تقحرلو و تحكي بعياط
هالة: ايه صح كان مليح صباح أما هذا ميمنعش أنو وضعو يسوء ...تعرف مليح أنو مريض بقلبو ...عندو ثقب في قلبو و لازملو عملية مستعجلة اما نتا لا ...ناوي تاخذ بلاصة خوك قبل ...خوك لي مركبلك عقدة من الصغر ...خوك لي تكرهو ..بعدها إذا نفحتلك تعالج وليدك ...أما هاوليك ميت دوك ...هزت يدها تضرب على صدرها بقهر
هالة: وليدي مات ...بسبتك انت ...تحملت كلش علاجالو و نفذت كل مخططاتك و مطالبك حتى يتعالج وليدي اما نتا مكانش يهمك حتى واحد غير روحك و انو تدمر خوك ...ميكفيش أنو قتلت عايلتي و اغتصبتني و زيد دوك وليدي مات بسبتك انت ...ناض من بلاصتو حتى يهديها أما بالعكس زادت هاجت كثر و بدات تضرب فيه على صدرو بكل قوة و دموعها تتقاطر
هالة: وليدي مات مات بسبتك ...طاحت على الأرض شادة فركايبها و تضرب بيدها عليهم
هالة: بسبتك مات وليدي اه اااااااااااه ...كان بقالو شهرين و يقفل خمس سنين ...ناضت من بلاصتها و راحت قعدت جنب وليدها تمسح على شعرو و تبكي
قرن حواجبو بغش و شد على قبضة يدو ...خرج من الغرفة نازل للتحت ...
راح جيهة الحراس و وقف قدامهم ...صدرو طالع هابط ...قعد يخزر فيهم واحد واحد ...بعدها ركز عينو على واحد ...دور رقبتو و هجم عليه يضرب فيه بكل قوتو ..طيحو على الأرض و طلع فوقو يضرب فيه بلا رحمة   ...مع كل ضربة يتخيل فيه إيفان ...ناض من فوقو يتنفس بالسيف ...خذا نفس طويل يحاول يستجمع فيه أنفاسو لي ضاعت ...غمض عينيه و عاود فتحهم  ...جبد سلاحو ورا خصرو و قوصو ... فرغ كل سلاحو فيه و عاود رجعو لبلاصتو ... حمحم حتى يعدل صوتو يحكي
حاتم: جهزو روحكم  بعد يومين راح نهجموا
جاوبوه كلهم و ريوسهم فالأرض
حاضر

طلعت ميسان تتفقد فجوري ...لقاتها راقدة ...تبسمت معاها و حطت يدها على وجهها تعدي فيه على خدها بحنية ...سمعت صوت الباب ..دارت تشوف فأيمن دخل و غلق الباب موراه
قرب من سرير جوري و طبس باسها على خدها يحكي
أيمن: مكانش عندي فرصة حتى نشوفها من لي مرضت
تبسمت معاه تحكي
ميسان: صار عندك اخت و بنت اخت ههه
شاف فيها يضحك
أيمن: هههه صح ...حك شعرو و ضيق عيونو يحكي
أيمن: أنا قابل اني نساعدك ميسان ...حتى اني راح نجي معاكم
لمعت عيون ميسان بفرحة تحكي
ميسان: صح!!!
شدلها يديها يحكي
أيمن: ايه صح ...راح نروحو منا بين ربعة انا و نتي و جوري و يماك ...راح نروحو بعيد و راح نبداو من جديد بعيد منا
قربت منو و حضناتو بقوة
ميسان: مرسي متعرفش قداه فرحتني
قرصها من خدودها يحكي
أيمن: و حتى انا فرحان اني راح نكون معاكم ...راح نستخدموا جوازات سفر مزيفة  حتى نقدرو نهربو منا
هزتلو براسها ايه
أيمن: و بعثت خبر لي نعرفو غدوة مع العشية راح يكونو جاهزين و معاهم هوياتنا المزيفة تاني
ميسان: بهاذ السرعة
أيمن: ايه ... ماشي نتي لي حابة تتحرري منا بأسرع وقت !!
ميسان: ايه صح أما مكنتش عارفة انو الأمور راح تجوز بهاذ السرعة
غمزها يحكي
أيمن: الدراهم يقدرو يديرو العجايب ههه
ميسان: ههه صح ..أما كيفاه راح نقدرو نخرجو من القصر بلا ما يفيقولنا ؟؟
حكم وجهها بين يديه يحكي
أيمن: أنا عندي الحل متخميش بزاف و تعبي مخك على الفاضي ... يكفي أنو تجهزي روحك بعد يومين رايحين
تبسمتلو بفرحة حتى بانت غمازتها تحكي
ميسان: ربي يخليك ليا
تبسم و باسها من راسها
أيمن: تصبحي بخير اتهلاي فروحك ...هزتلو راسها بايه و هو خرج من الغرفة و هي تنهدت ...قربت من جوري و باستها من راسها تحكي
ميسان: راح نروحو منا يا روحي و نتحرروا و أخيرا