زوجي المزيف {من تأليف و كتابة Macilia Ch}

3

#زوجي_المزيف 🔥🔥

من تأليفي Macilia Ch

الحلقة 3🔥🔥⁦❤️⁩⁦❤️⁦❤️⁩

حاتم قبل ما يكمل كلامو ...سمعو صوت صراخ قوي  من فوق ..راحو يتجاراو لداخل ..لمح إيفان خيال واحد ملثم نازل من شرفة بيتو راح يجري وراه أما هو فطرفة عين إختفا ..طلع لفوق يجري جهة غرفة نومو  لقا  الكل برا غرفهم خرجوا يستفسروا على الصوت ...
دخل إيفان لداخل و دخلو موراه ...صدمهم المشهد لي شافوه ...ريما مرمية على الأرض و رصاصات مخترقين جسمها ... تلفظ فآخر أنفاسها  و الدم مالي  الغرفة ....نزل لعندها إيفان يجري ..
ريما: إيفان اوعدني تحكي بسيف و بكلام متقطع
إيفان: اشتت يا عمري راح تكوني بخير أما نتي هدي روحك تمام  ...كان راح يرفدها لتحت وين كاين سبيطار صغير للحالات الطارئة أما مخلاتوش
ريما: إيفان مبقاش وقت أوعدني ...عندي ختي تعرفها ميسان أتزوج بيها و خليها تربي بنتي و تكون أم ليها أوعدني
حكم دموعو على شعرة باه ميطيحوش و حكا بصوت مبحوح
إيفان: ماشي وقت هاد الهدرة دوك هيا خليني نرفدك راح تكوني بخير
ريما : ل اا لا ..أ و ع د ني الله يخليك ها دي آخر أمنية أوعدني
حكم يدها الباردة و باسها ...وعد أما رغم هك راح تكوني بخير ..
ريما: احضني لآخر مرة
حضنها لعندو و رفدها بين يديه نازل للتحت ...حكموها الطبة عليه و دخلوها لغرفة العمليات
خرج الطبيب بعد نص ساعة و العرق مالي وجهوا ...
نزل راسو يحكي بأسف ..سامحوني أما فقدنا المريضة ....تعالات أصوات البكا بين الكل
طبع ايفان الطبيب و دخل ...لقاهم غطاوها بغطا بيض ...نزل الغطا من على وجهها يتأمل فيها لآخر مرة ...حط شفافو على جبهتها و باسها منها
إيفان : سامحيني
كور قبضة يدو .. ورجعوا  عينيه حمورا من الزعاف يتنفس بالجهد... لاز على سنانو ...خرج البرا يجري كي الثور الهايج
واقف فالجنينة يعيط بأقوى جهدوا على الحراس لي لتم
تلموا الحراس قدامو و ريوسهم فالأرض يرعشوا من الخوف غلطة صغيرة ممكن تكلفهم حياتهم فما بالك مرتو لي تذبحت فوق رغم الحراس لي معمرين القصر ..مع أنهم طول و عرض أما يخافو منو و يترعبو و يهابوه و يحترموه فنفس الوقت
إيفان : اجبدولي لي دار هك من السماء و لا من اللأرض ميهمنيش دبروا ريسانكم بعدها راح يكون حسابي معاكم عسير هياااا تحركوا
على كلمتو اللخرة انتشروا فكل بلاصة ...يحوسوا على مول العملة

بعد أسبوع
واقفة قدام المرايا تقيس فالروبة لي شراتها اليوم قررت ميسان و فارس أنو يخرجوا كيفكيف يتعشاو برا على قدهم طبعا
دقدقت يماها على باب بيتها بعدها دخلت
قعدت على السرير بوجه عابس و حزين عندها أسبوع و يماها على هاذ الحالة و كل ما تسقسيها   تغير الموضوع
ميسان : ماما راكي مليحة شوفي وجهك صفر كي الليمون ..
مريم: اقعدي جنبي عندي هدرة معاك
ميسان: أكيد خير ماما ؟؟؟
مريم : أختك ريما ماتت
بلعت ريقها و حكات بصدمة
ميسان: كيفاه ؟؟؟ منين عرفتي ؟؟ ووو...ناضت من على السرير و حكات كأنو ميهمهاش و داخلها يغلي و قلبها يتمزق من داخل أما ما ظهرتش
ميسان: ايه و منبعد هي أصلا عندها خمس سنين ميتة في نظرنا مايهمنيش مسحتها من زمان من حياتي و ميهمنيش إذا ماتت
مريم: ميسان حابة تتزوجي براجل ختك