الحلقة 20:
حبست حنين سيارتها على جنب ...تخزر للقدام عينيها مضببين بالدموع ...حكمت رقبتها بزوج يدين كأنها مخنوقة ...قعدت تتنفس بالسيف صدرها طالع هابط ...هزت يدها حطتها داخل فمها تعض فيها ...نزلو دموعها يحرقوا على خدها فلحظة مقدرتش تشد كثر و طرطقت بالبكا ... تبكي و تشهق بكل ما عندها ضربت الفولون بيدها شحال من خطرة تفش فيه غلها و الحرقة لي في قلبها ..فلحظة مسحت دموعها تحكي بقهر و غل حاطة يدها على كرشها
حنين : راح ندمك صدقني ...
حكمت طريق رايحة لعند أدهم حبست وين يسكن و نزلت من السيارة
طلعت لشقتو و فتحت الباب بالمفتاح ودخلت تمشي بالشوية ...جاها صوتو من الصالون دخلت لعندو تخزر فيه قاعد على الفوتاي حاط رجل على رجل ...غير شافها ناض مستغرب من حالتها الأكحل سايح على وجهها و شعرها داخل بعضو و وجهها صفر و تاعب و عينيها حمر من كثر البكا ...قرب منها و حاوط وجهها بيديه يحكي
أدهم : حنين و شبيها حالتك هك ؟؟؟ احكي
زمت شفافها و عينيها تعباو دموع تخزر فيه أما ماشي قادرة تحكي
أدهم : احكي متخوفينيش كاش مدارولك خاوتك ؟؟
هزتلو راسها بلا
أدهم : أيمن ؟؟
طلعت راسها شافت فيه عاضة على شفتها تحكي بنبرة موجوعة
حنين : شفتو ليوم
أدهم : ايه منبعد ؟؟
حنين : خبرتو بعلاقتنا و كذبت عليه خبرتو بلي راني حامل منك
عقد حواجبو يحكي
أدهم : كذبتي عليه ايه و علاه راكي تبكي؟؟؟ ضربك كاش ما دارلك احكي دوك ما تهبلينيش تنقطي بالكلمة
حنين : لا مايسترجيش يحط يدو عليا أما ...غصت فالكلام
حنين : أنا منجيبش ولاد من آخر مرة جهضت فيها رحمي تضرر كي رحت لعند الطبيبة علاجال الكونترول خبرتني أني إذا حملت مرة ثانية راح تكون معجزة
أدهم : علاه مقلتيش من قبل يعني بسبتو مراحش تجيبي ولاد
حنين : صدقني تحرق قلبي حبيت نوجعو ما علاباليش كيفاه خرجت هاذ الكذبة مني أما وجعتني أنا أكثر و حرقتني من داخل ...حكمها من كتافها مقعدها على الفوتاي
أدهم : خلاص أهداي ...حكم ذقنها بيدو و طلعلها راسها لي مهبطاتو ...صدقيني راح نخليه يندم ...أما علاه أنقذتي حياتو هاذيك الخطرة
حنين : كيفاه ؟؟ أنت لي بعثت القناص يقتلو
شاف في فيها بنظرة ترعب ..بلعت ريقها من خزرتو
أدهم : ايه أما مكنتش ناوي نقتلو أما ماعليش فالإعادة إفادة ..ناض من بلاصتو عاطيها بظهرو
حنين : متأذيهش مرانيش حابة نشوفو يتوجع متنساش أنت محتاجني حتى تنفذ واش حاب ... أيمن خط أحمر متقربش منو
أدهم : أنتي لهاذ الدرجة مذلولة بعد واش دارلك مزال تحبيه و تجري وراه كنت حاسبك وحدة قوية أما غلطت فيك
حنين : مراحش تعرف واش نحس بيه أما الحاجة لي نعرفها أني مستحيل نكون سبة بموتو
أدهم : و أنا الحاجة لي نعرفها أنو راني نشوف فوحدة مذلولة قدامي هذا مستحيل يكون حب هذا يسموه جنون هوس انتي مريضة بيه و على حساب ما راني نشوف نهايتك راح تكون إما على يدو و لا بسبتو
أدهم : ميهمش دوك ...جبدها لعندو خبطت في صدرو ...تخلطت أنفاسهم يخزر فيها بعينين معمرة خبث و هي كي البوهالية معمية مراهيش قادرة تشوف أنو يستغل فيها و يمشيها كيما يحب في نظرها راهي تفوت فالوقت حتى تنسى أيمن شوية و تقهرو و تحاول تغير فيه بسبة حبها الكبير ليه مراهيش عارفة أنو راهي بين يدين جهنم في بالها هي راهي تستغل فيه أما العكس هو لي راهو يستغل فيها و فحالة الضعف لي راهي فيها بسبة أيمن لصالحو و هك راح تجيب آخرتها و تدمر كلش بغبائها
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
