الحلقة10
فجنينة القصر الكبيرة ...الطوابل موزعين فكل بلاصة مزينين بطريقة حلوة
بداو الضيوف يجو ...بشرى و حنين قاعدين يستقبلوا فالضيوف
قاعدة قدام المرايا تخزر لروحها و دمعة متحجرة على طرف عينها
دورت وجهها تشوف فصورة أختها محطوطة فوق تابل دو نوي ...تنهدت تتذكر فأوقاتهم مع بعض و هوما صغار
ميسان: شحال كنا فرحانين ياريت مزالنا صغار
حطت الروج فشفافها و ناضت نازلة للتحت
لتحت فالقبو وين كان إيفان و حاتم
حاطين واحد مربوط على الحيط رابطينو من يديه و رجليه
حاتم شاد تركينة يلعب بالسكين لي بين يديه
جاب إيفان بيدون ماء بارد فرغو عليه
شهق الراجل و فتح عينيه
إيفان: صحا النوم و أخيرا طحت بين يدي
ضحك على جنب ...عذبني كيما تحب ما راحش نحكي
قعد إيفان يخزر فيه شفتو مفلوقة و نيفو مكسر و رضوض فكامل جسمو
إيفان : راح نسقسيك لآخر مرة شكون بعثك تقتل ريما أنطق
إيفان: راني معاك أما لي مفهمتوش علاه مخبي روحو و حسب واش قال هذا يعرف معلومات كثيرة علينا و حتى عرف بصفقة السلاح الكبيرة و راح سرقها و إذا استمر الوضع هك راح يخلينا على الحديدة
حاتم: ولا يخلينا نلجأو لطرق أخرى كي طيح بينا مثل تجارة المخدرات لي ماشي من أولوياتنا
دار لعند سعد
إيفان : وين حطيتو السلاح لي سرقتوه أحكي
سعد: حطيناه فباخرة قاللنا نحطوه تم و تخلاص مهمتنا بعد ما عطانا أجورنا و حنا الباقي مكانش هاممنا واش حا يصرا بعدها
نفخ إيفان و هز رجلو للحيط يضرب فيه
فهاديك الدقيقة صدم عليهم أيمن و فتح الباب
أيمن: هااي شكون توحشني
قلب إيفان عينيه و حاتم تبسملو
إيفان : #### خصني غير ### نتا
أيمن: أعصابك ولد العم خير؟؟ ..غمزو بطرف عينو السيد شكون ؟؟،
قرب منو يتفحص فيه
أيمن: أوووو ما خليتو ولا عظم صحيح فيه ...رمى عينو للجرح لي فجنبو ...رجعت نظرتو جدية ..دار يخزر فيهم
أيمن: شكون هذا ؟؟
حاتم : لي قتل ريما و عرفنا بلي هو تان لي سرق شحنة السلاح و فوق هذا الكل ظهر واحد مأجرو و ماشي حاب يكشف روحو الخلاصة حاب يقضي علينا بسكات و بلا ما يبين روحو
إيفان : جبان و ماشي راجل أكيد و لا كان ظهر روحو قدامنا و تحدانا و حط عيونو فعيوننا بكل جرأة ماشي يتخبى كي النساء و يخلي كلابو تفري شغالاتو أما هذا الشخص يعرف كل كبيرة و صغيرة علينا أنا شاك أنو قريب منا بزاف
دار أيمن يخزر فسعد...و عوج شفافو يحكي
أيمن: واش ناويين ديرو بيه ؟؟
حاتم : نتخلصو منو أكيد رصاصة فنص راسو تفري كلش
أيمن: برك !!! شاف فيهم و نطق و إبتسامة غبية على وجهو
أيمن : بما أني هنا لازم نحط لمساتي المعروفة عليه
قلبو عينيهم للزوج منو
إيفان : واش حكاية صوفيا سمعت قتلتها البارح ماشي كنت واثق فيها و كانت يدك اليمين ؟؟
نفخ على جنب و رجعو عينيه حمورا
أيمن : خانتي ل #### و حسابتلها مراحش نفيق بيها وجه الهم ...كانت كل هاذ المدة جاسوسة تطبخ فيا على نار هادية باه تصفيني
احزروا بنت شكون ؟؟
حاتم :ماشي قالت بلي يتيمة
أيمن: شكون؟؟
أيمن: سوربرايز بنت عدونا المكسيكي لي صفيناه عندنا سنتين و هاذي تكون بنتو الغير شرعية لي حتى واحد ما يعرفها
إيفان: باولو ***
أيمن : هو بالذات ...
حاتم : اوف الليلة عندنا حفلة و نتوما صرعتوني صراحة ....هيا خلونا نطلعو و نجهزو رواحتينا
أيمن: إيه صح عندك حق هيا أما بالأول راح نطبع لمستي عليه
إيفان و حاتم خرجوا طالعين للفوق ..أما أيمن جبد خنجرو لي موجود ورا خصرو و قرب يخزر فيه بخبث من الحادثة لي صراتلو من عامين صار متعطش للدم كثر و يقتل كثر ما يتنفس و يتفنن بتعذيبهم و صراخهم لي يطن فوذنيه
كان سعد غايب على الوعي بسبب التعذيب لي تعرضلو
أيمن: بما انو خذيت حصتك من التعذيب على يد غيري ...هز كتافو معليه المهم خنجري راح يكون مسرور أنو تمدلو شرف يقضي عليك
هز يدو لي فيها الخنجر و طعنو شحال من خطرة فمختلف أنحاء جسمو و كمل عليه بضربة أخيرة كي غرسو فنص قلبو و قعد يمعس فيه داخل بعدها جبدو ...
دار رايح أما قبل ما يخرج رجع لعندو و بزق عليه
أيمن : أوبس تحمست زيادة 😂😂 ...طلع حتى هو ديراكت لفوق وين كاين الحفلة
تف الراجل على وجهو و ضحك
جن جنون إيفان راح خطف السكين من يد حاتم
حاتم : هاي سكينتي متوسخهاش بدمو
غرز السكين فجنبو ...قعد الراجل يتوجع و العرق نازل من جبينو
جبد السكين و رماها على الأرض راح جاب الملح و حطو على جرحو قعد الراجل يعيط من الوجع
دار إشارة لحاتم و جبد تلفونو مدهولو
حطلو التلفون قدام وجهو
بدا الراجل يخبط فالسلاسل لي مربوط منهم
يا #### إذا تمس شعرة منها نمحيك
إيفان : إذا متحبش نجيبها لهنا و نقتلها قدام عينيك راك تفتح فمك و تخبرني بكل شي تعرفو
قرب منو و جبدو من شعرو
إيفان : هيا أبدا تحكي
بلع ريقو لي حسو بح من العياط و بدا يحكي وهو يتوجع من جنبو
سعد: أنا قاتل مأجور كي يحب زبون نتخلصلو من شخص يبعتلي صورتو و المعلومات لي تخصو و انا نتكفل بالباقي
إيفان: نعرف هاذ الشي كمل و ادخل فالمفيد بلا ما تلف والدور
غمض عينيه و تنهد
سعد: الزبون لي طلب أنو نقتل مرتك مصرحش بهويتو شخص غامض حتى أني حاولت نخترق حاسوبو و نعرف معلومات كثر عليه أما بلا فايدة و بعد يومين عاود بعثلي رسالة طلب مني أني نجمع مجموعة رجال مختصين و نسرقو الأسلحة تاعك لي محملها استنتجت منو أنو حاب يقضي عليك عن طريق تكتيك بشوية شوية و فنفس الوقت يخفي هويتو و يبقى غامض و حتى واحد ما راح يعرفو
دور إيفان وجهو لعند حاتم لي كان عاقد حواجبو
حاتم : نهنيك خويا لعزيز ظهر و اخيرا عدو جديد و باين ذكي حاب يصفي ### سلالتنا قاع و يمحيها
أنت تقرأ
زوجي المزيف {من تأليف و كتابة Macilia Ch}
Romanceزوجي المزيف 《مكتملة 》 تتمحور أحداث القصة عن بنت عشرينية إسمها ميسان تتزوج بزوج أختها المتوفية رغما عنها و تتوالى الأحداث داخل إطار تشويقي مزيج بين الغموض و الرومانسية باللهجة الجزائرية❤️ {من تأليفي Macilia Ch} ...
