Damgeen High School Musical (Double Trouble Series #2)

Chapter 3

Chapter 3

Sweet Goodbye

"Ugh! Wait!" inis na sigaw ko.

Napalingon sina Natasha sa akin. Tinaas ko ang palad ko para isenyas na sandali lang, saka ko ulit tinignan ang punyetang dress ko.

"Damn. Get off," sambit ko roon.

Ilan pang malulutong na mura ang naisigaw ko sa nasabit na laylayan ng black dress ko sa may bukana ng Range Rover ni Emmanuel. Damn it!

"Matagal pa ba 'yan?" maarteng tanong ni Emman nang makabalik ulit sila rito, parang hindi pa nakikita kung bakit ako natagalan.

"What happened?" untag naman ni Natasha habang nakakunot ang noo.

Sumilip silang dalawa ni Emman at sabay silang humagalpak sa tawa nang natanaw ang sitwasyon ko.

"Oh, my gosh! I told you not to wear that dress, shortie," Emman said in between his laughs. Damn this gay.

"I hate you." Inikot ko ang aking mata sa kanya at nilipat ulit ang tingin sa suot ko.

Umiling-iling naman si Nat at yumuko para tulungan na ako sa pagtanggal. Pero mayamaya pa, sabay-sabay kaming napatili nang nakarinig ng punit pagkahila ni Emman nang nainip na.

"I didn't bring extra shirts for Pete's sake!"

Humalinghing sa tawa ang dalawa nang pumanhik na kami papasok ng bar samantalang nako-conscious na ako sa hitsura ko.

May kaunting punit sa laylayan ng black sequined spaghetti strap dress ko. I tried pulling the hem of it lower. Maliit lang naman iyon at nagmumukhang slit, exposing some of my left leg's skin.

"Your cleavage's bothering me, Michaela. Cover up!" bulalas ni Emman nang nagtama ang aming mga paningin, biglang iritado.

Inilingan ko na lang ito habang tinatali ang kalahati ng buhok sa tuktok ng ulo. Dahil kasi maikli na, hindi na kayang talian nang buo tulad ng dati. Abala naman sa pag-aapply ng makeup si Natasha sa gilid namin, pakiramdam niya kasi ay nasira ang makeup niya sa pagtulong sa'kin kanina.

"Who's your flavor of the night, Ems?" utas ni Natasha habang paikot-ikot ang tingin sa paligid ng club.

Nagkibit-balikat lang si Emman at hinigit na kami ni Natasha. Sa ganitong mga lamyerda talaga ay laging nakaplano ang listahan ng bakla.

May ilan kaming nakakasalubong na kakilala tulad ng mga batchmates at iilang random acquaintances na ikinagulat namin. Karamihan pa sa kanila ay lalaki at mga may hitsura kaya pigil na pigil ang dalawa.

I groaned in disbelief. Pinilig ko ang aking ulo at pinagmasdang mabuti ang bar. Paminsan-minsa'y tumatama sa aking mukha ang makukulay na laser lights habang naglalakad kaming tatlo. Umaalingawngaw naman ang kantang Blurred Lines sa buong bar na sinasabayan ng indak ng mga tao.

It's already our last day of class earlier. Kaya napagpasyahan na mag-hang out para ipagdiwang ang opisyal na bakasyon namin. Nauna kaming tatlo nina Nat at Emman. Alam ko kasi parating pa lang ang ibang kaibigan namin.

Kahit na medyo puno na ang bar, nagawa pa rin kaming kaladkarin patungong counter ni Natasha. We heard that the bar is going to have a hydro party when the clock strike at 11 o'clock. Hindi naman ako interesado sa ganoon. Nandito lang ako para i-spoil ang sarili at...

Napanguso ako sa naiisip. Napalingon ulit ako kay Natasha.

Sinabi niya na sandali lang at kakausapin muna niya ang mukhang bagong barista. Umupo siya sa isang high stool at kinalampag ang counter habang ako, nakahalukipkip lang dito sa kanyang gilid. Samantalang nakahilig naman ang kaliwang siko ni Emman sa countertop ngunit magkahawak ang parehong kamay, pinapanuod ang eksena ng kaibigan namin.