Damgeen High School Musical (Double Trouble Series #2)

Chapter 25

Chapter 25

Where I Stand

"Since all of you are under strings section, you must have known the basic percussive technique on guitar. It may sound ironic since guitar is mainly under strings, but it's used for percussion, too. Sometimes, to add versatile touch."

It's Thursday. Last class na namin ng specialization at ngayon, MUS12081 kami, Strings 102.

Nakahalumbaba lang ako habang nakikinig kay Maestro Gibs. Animo'y mga tutang nakikinig ang buong klase dahil ito ang tinitingala sa Strings Department dahil ang Maestrong nasa harapan ay ang Head ng departamentong iyon.

I was drumming my fingers on the table when the extroverted girl beside me crouched to whisper something.

"When talking about percussive guitar, you know Cruz is the monster. He's the Eddie van der Meer of Damgeen," she said.

Faye Achelois gestured at the guy named Kris Cruz beside Maestro Gibs to inform me, or more like, to persuade me over again.

I rolled my eyes when it sounded like another episode of How to Recruit Michaela Singh to SoundCheque.

Ang lalaking nakatayo at may hawak na acoustic sa tabi ni Maestro ay kabanda niya, niyayabang na naman kung gaano kagaling ang kanilang grupo.

SoundCheque is actually an acoustic band and they've been following me for almost a week, persuading me to join their band.

Isang taon pa lang kasi simula raw nang foundation ng banda nila kaya hanggang ngayon, open for recruits pa rin kuno. But I doubted that. They're not looking for a new member; they just wanted to enlist me.

Inignora ko na lang muna ang madaldal na katabi at medyo kinunot pa ang noo para ipakitang hindi ako interesado sa mga kinukwento niya sa kalagitnaan ng discussion.

"Sabi ni Cruz, kapag hindi ka pa raw um-oo, duel kayo ngayon sa practical," she mocked.

Napailing na lang ako at tinuon na lang ang pansin sa harapan.

Hindi ko ba alam. Pero pagkatapos ng September kickoff kung saan nag-ride o guitar solo ako, may iilan nang lumalapit sa akin. Karamihan sa kanila ay trio o quartet na naghahanap pa ng dagdag sa grupo.

Sa kaso naman ng SoundCheque, kompleto na naman sila sa pagkakaalam ko kaya hindi ko pa rin maintindihan kung bakit kinukuha pa rin nila ako. Idagdag pa na sa lahat ng nag-alok at tinanggihan ko, sila ang pinakapursigido.

Bukod pa roon, kahit papaano, mas umayos na ang tungo sa akin ng mga tao. I think showcasing your talent and flaunting your skills add an extra respect you gain from the people.

Weird pero mukhang iyon ang prinsipyo nila rito. Mas magaling ka, mas mataas ang respeto na makukuha mo. Medyo naiintindihan ko na kung bakit noon, halos basura na ang turing nila sa akin dahil lang hindi pa nila ako nakikitang mag-perform.

Hindi ko tuloy alam kung ikakasiya ko ba iyon o ano. Sayang, gusto ko pa sanang mang-asar. Ang sarap kayang makakita ng violent reactions minsan. Nakakasawa rin kasi na puro papuri. New school, new life sana.

Natawa ako nang palihim sa sariling naiisip.

Pucha. Ang yabang mo, Michaela. Dumaan na ang bagyo at tagbisi, wala ka pa ring kupas!

"Slap strum."

Meanwhile, Cruz demonstrated that basic percussive technique on his Gibson, Maestro Gibs' favorite brand, probably to gain extra merits. Pansin ko nga na halos lahat ng narito, Gibson ang dala. Mga sipsip.