ملخص بسيط عن اخر بارت 34
وصلنا في البارت الاخير ان حلا وقصي اتعرضوا لهجوم من قبل عصابة وحلا اتصابت في رجلها وقصي في كتفه وراسه ووصلنا ان قصي حاول يفتح مع حلا موضوع الجواز ويقنعها وحاول يخليها تفتحله قلبها من خلال انها تحكيله اللي حصل معاها من عشر سنين ومرت بإيه وإيه السبب اللي مخليها بعيدة عن حبيبها وقتها حلا اتهربت منه من خلال انها خليته يكلم سته فاطمة واخته انجلي وتركته يتكلم معهم لوحده وبعدين كلمت انجلي وفاطمة وبعدين قعدت مع فارس ابن عمها ولوئي اخو قصي وفهد ابن عم قصي وسمير اخو قصي واتفقت مع فارس انه ميسبهمش وينقل العيلة على بيت تاني آمن وانه يخلي عينه على عيلة قصي وعلى حازم وميسبهمش لحظة وطلبت من لوئي انه يتنكر ويحاول يكسب ثقة سناء اليد اليمنى لجورج رئيس العصابة والذي اجتمع مع قصي بخصوص الصفقة ومعجب بحلا وحلا قالت للوئي انها هي كمان هتحاول تعرف حاجة من جورج ومن هنا بدأت غيرة قصي وشدوا مع بعض هو عارض انها تحاول توقع جورج في حبها وهي مصرة تعمل ده لمصلحته وليس لمصلحتها ولكن قصي مش مقتنع ومش عايز ده حتى لو لمصلحته وانزعج كثيرا واتعصب وده كان هيخليه يقع بالكلام ويقول لحلا الحقيقة ويعترف بكل حاجة
__________________________________
الحلقة 1
قصي بعصبية: انا قولت لا يبقى هي لا مش هتروحي وتحاولي توقعي جورج في حبك وده اخر كلام ولو حاولتي تعملي ده ساعتها هروح واقوله الحقيقة وتبقى خراب مالطا وهفتح ابواب جهنم بحق وحقيقي
حلا اتعصبت: اظن ان ده شئ ميخصكش ومش انا يا استاذ قصي اللي يتلوي دراعها اللي انا شايفاه صح هعمله وملكش انك تقولي تلت التلاتة كام لان ده شغلي ومش من حقك تقولي اعمل ايه ومعملش ايه واقولك على حاجة تانية لو مش عجبك ارقع راسك في الحيط ولما ابقى اجي اشتكيلك او اخد رأيك يبقى ساعتها ليك الحق انك تتكلم وبعدين انت مش من بقيت عيلتي ولا تقربلي علشان توافق او متوافقش وده شغلي وانا مبدخلش في شغلك ولا بقولك اتعامل مع ده ومتتعملش مع ده وطالاما انا في حالي ومبدخلش في شغلك يبقى تلزم حدودك معايا ومتدخلش في شغلي وسواء عجبك مش عجبك انا هعمل ده لو لزم الامر
لوئي: طب اهدي يا حلا اهدى يا قصي استهدوا بالله وصلوا على النبي براحة وبعدين مين قال ان ده اكيد احنا بنقول لو انا معرفتش اوصل لحاجة مع سناء ان شاء الله هعرف اوصل وحلا مش هتتعامل مع جورج
قصي حاول يمسك اعصابه ومتكلمش لان لو اتكلم هيقول كل حاجة لانه مش طايقها
فهد: طب وبخصوص الشغل اللي في الشركة
حلا: ماله وبعدين ما انت موجود ومعاك حازم وسمير وكمال اكيد الشغل مش هيتعطل على قصي يعني
فهد: لا هيتعطل لان فيه صفقات وعقود وملفات لازم قصي هو اللي يوقع عليها
حلا: بس اظن انها لو اتعطلت يومين ده مش هيأثر
فهد: اممم يعنيي
حلا: تمام طيب بص هقولك حل لو في عقود مهمة جدا ومينفعش غير قصي هو اللي يوقعها ادي الملفات والعقود لفارس وانا هبقى اقابله واخد منه الملفات واجبها لقصي يوقعها وابقى اديهالكوا تاني ها
فهد: تمام كدة فيه كام عقد هسيبهم مع فارس وانتوا اتقابلوا بمعرفتكم
حلا: تمام كدة فارس لوئي اعملوا حسابكم اني عايزاكم في موضوع ضروري بس مش دلوقتي على بليل لان فارس عنده شغل هكلمكم على الساعة ١٠ بليل اظن ده وقت كويس اوي تكون يا فارس خلصت شغلك
فارس: تمام
حلا: تمام هسيبكوا مع قصي وهدخل اشتغل يلا عايزين حاجة
فارس: عايزنكوا ترجعوا لنا بالسلامة
حلا بخبث: قصدك قصي ولا انا
فارس باستغراب: ليه بتقولي كدة
حلا: ابدا اصلي عارفاك روحك في قصي بتحبه اكتر مني وبتخاف عليه وتقلق عليه اكتر مني
فارس ضحك وبخبث: واعتبر ديه غيرة مني على قصي ولا غيرة من قصي عليا
حلا رفعت احد حاجبيها: لا ده ولا ده واغير عليك ليه ناقصة رجل ولا ايد ولا كنت تقربلي حاجة
فارس: بقى كدة لما اشوفك يا كلبة البرك
حلا ضحكت: والله ما فيه هنا كلب البرك غيرك انت وبعدين بلاش انت بالذات بدل ما اسيحلك ولا نسيت اللقب اللي انا مطلعاه عليك
فارس: حلول قلبي يا خلاثي يا ناس على العسل انا اخوكي ايه هتبيعي اخوكي بسهولة
حلا: لو معاك انت اه عموما سلملي على عمي محمد ومرات عمي
فارس بمرح: قصدك فوفا
حلا ضحكت: اه والله وحشاني اوي يلا سلام
ومشيت دخلت المكتب وقعدت تشتغل وتكلم امان مساعدها وايديها اليمين في المركز وبتعامله زي اخوها وبيكون صديقها
في الصالون برا قصي كان قاعد لسة بيتكلم مع فهد ولوئي وفارس وسمير
فهد: براحة يا قصي فيه ايه يعني افترض اني ملحقتكش ووقعت بلسانك وقولتلها كل حاجة انت غبي
فارس: براحة عليها يا قصي وعايز اقولك حاجة بحكم ان حلا بنت عمي واعرفها كويس لانها زي اختي ندى بالظبط حلا مبتجيش بالعند هتعند معاها هي هتعند اكتر وممكن العند يخليك تخسرها حلا مبتحبش حد يتحكم فيها ما عدا شخص واحد انت بس لو حاولت تتحكم فيها دلوقتي مش هتستفيد حاجة وعلى فكرة اللي قالي الكلام ده حلا بذات نفسها قالتلي لو قصي يطلب اي طلب مهما ان كان هنفذه لاني مبعرفش ارفضله طلب يعني ممكن تلاقيها اتعصبت وبينتلك انها مش هتعمل ده ويمكن جرحتك بالكلام هي لما هتقعد مع نفسها هتعرف انها غلطت ومكنش ينفع تتكلم معاك بالطريقة ديه قصي حاول تكسبها بلاش تبعدها عنك بلاش تعند معاها او تستفزها لان حلا لو اتعصبت ممكن تجرحك او تقولك كلام هي مكنتش عايزة تقوله وبعدين تندم حلا لو ندمت يا قصي هتبعد عنك وصدقني لا انا ولا انت ولا اريان او ادم هنقدر نعمل حاجة او نرجعها لما تطلب منها طلب وتحس انها هتعند وهترفض سبها متعندش معاها بس بينلها انك وراها وراها وحواليها وحسسها ان الموضوع ده ممكن يجرحك ساعتها صدقني من غير متتكلم معاها او تقولها هتلاقيها من نفسها مبتعملش ده بس بلاش العند ولوي الدراع انا مرة اتخانقت معاها وزعلنا من بعض وكان الموضوع بصراحة بخصوصك وفي كلامي هددتها ونرفزتها نزلت فيا ضرب وقالتلي انا محدش يلوي دراعي هتحاول تلوي دراعي يا فارس هكسرلك دراعك واخلعلك كتف كمان والله يا قصي بالحرف ده اللي قالته ليا بس معاك انت هي مش هترفع ايديها لان قلبها مش هيطاوعها حتى لو هي مش طايقاك مستحيل ترفع ايديها في وشك بس هتعمل تصرف تاني وهو هتبعد عنك نهائي ونهائي يا قصي بمعنى متحلمش انك تشوفها لان ده من سبع المستحيلات حلا لو قررت تبعد مستعدة تبعد ومتعرفش حد عنها حاجةلا بقى مكانها ولا حتى اذا كانت عايشة ولا ميتة ولو مش مصدقني اسأل امي واسأل عمك محمد وهو هيجاوبك لان قبل كدة حلا سابتلهم البيت وبصراحة اللي كان السبب في الموضوع امي وهتستغرب اكتر كان بخصوص ايه
قصي باستغراب: بخصوص ايه
فارس بابتسامة: موضوع الجواز امي كانت كل اما تجيب لحلا عريس حلا تطفشه كلمت ماما مرة واتنين وعشرة وقالتلها انا مش عايزة اتجوز بس ماما مكنتش بتسمع الكلام وكانت بتجبلها العريس وتقعدها معاه من غير متقولها ان ده عريس وجاي يتقدملك وفيه مرة حلا هزأت شاب وامه كانوا جايين يتقدموا لحلا وام العريس كانت صديقة امي فحلا مسحت بكرامة الواد قدام امه وهزأت امه وبعدين اتخانقت مع امي وسابتلها الببت لمدة ثلاثة شهور او اربعة مش فاكر ساعتها كنت مسافر وامي هي اللي كلمتني وكانت بتعيط علشان مش عارفين يوصلوا لحلا ولا عارفين عنها حاجة معرفوش يوصلولها غير لما نزلت البلد تاني علشان كان فيه شغل ونزلت ومكنتش قايلة لحد وكانت ناوية تسافر تاني لولا ان بابا جابها وحلفها بغلاوتك انت وعمي يحي ( والد حلا ) وعمي احمد ( والد قصي ) مكنتش هترضى تفضل في البلد وكل ده علشان ايه موضوع الجواز من ساعتها بقى وامي مبتجبلهاش عرسان بس مش سايباها في حالها بتفتح معاها الموضوع برضه
فهد باستغراب: بقى كل ده علشان عريس وعلشان الجواز ايه البت ديه جبروت
قصي بعصبية: فهد اتلم انت بالذات مسمعش منك حرف واحد في حق حلا
سمير ولوئي: ايوة يا عم الحب ولع في الدرة
فارس بحزن ووجع: حلا مش جبروت يا فهد ولا قاسية لا بالعكس ديه اطيب واحن انسانة على وش الارض ممكن تشوفها افشى او جامدة او شديدة بس ده لانها اتخانت من اقرب الناس طعم الخيانة وان حد يخدعك مش سهل وياااه بقى لو الشخص ده نفسه عايز موتك بيبقى شعور صعب اوي متفتكروش ان لما حلا قالت لقصي انها تكون صديقة حلا حبيبة قصي وانها ماتت ده كان شئ سهل ولا انها لما تقسى على قصي ده شئ سهل لا هي بتموت بس علشان تخليك بعيد عنها واحب اقولك حلا قبل اما تقسى عليك بتقسى على نفسها قبل منك بمراحل انت عمرك متتصور هي بتحبك اد ايه يا قصي فاكر اليوم اللي قالتلك فيه الكلام ده ان حلا حبيبتك ماتت يوميها انا روحت اتخانقت معاها ساعتها هي قالتلي ان ده مش سهل عليها ويوميها مشيت وراك لانها خافت انك تعمل حاجة بنفسك ومرجعتش غير لما اطمنت انك رجعت البيت ولما هي رجعت البيت انا كنت مستنيها واتخانقت معاها وجرحتها بالكلام من غير ما اقصد وقتها حصل معاها انهيار عصبي وكان هيحصل معاها جلطة بس ده مكنش من اللي حصل ما بينا انا وهي كان من الخوف عليك والندم على اللي قالتهولك تخيل انها لما جرحتك وزورت خبر زي ده كانت ممكن تموت اومال لو جرحتك هتعمل ايه هتنتحر حلا بتحبك جدا يا قصي ومستعدة تفديك بحياتها وعمرها كله بس انت حاول تكسبها وتجذبها ليك اقولك امتى هيبان حبها ليك وانت ذات نفسك هتحس بده لما تحس انها هتخسرك حلا متستحملش خسارتك عندها هي تموت وتتعذب من وجع الفراق وتسمع منك كلام قاسي وجارح بس متخسركش ومقصدش هنا خسارة يعني تبعد عنها او تكرهها لا اقصد انك تفارق الحياة بعيد الشر زي اهلها ويمكن الخوف الاول والاخير من انها تقرب منك هو اللي حصل بأهلها لان زي ما انت عارف كانت متعلقة بعمي يحي وعمي احمد جدا ولا انا غلطان
قصي: اه عارف ده هي قالتلي بنفسها الكلام ده
فارس باستغراب: حلا هي اللي قالتلك ازاي
قصي حكالهم الحديث اللي حصل ما بينهم على الشط وساعة اما كانوا رايحين للاسطبل
قصي بانزعاج: بس لسة قافلة قلبها ومش عايزة تصارحني
فارس ابتسم: بس احب اقولك انها كدة بدأت تفتح قلبها
قصي: ازاي بقى اما هي لسة بتتهرب مني ومن اسئلتي
فارس: بص يا قصي اللي انت عاوزه مش هيحصل وحلا مستحيل تيجي تقولك انا حلا بنت يحي الدالي حبيبتك من عشر سنين وانا بحبك اوي ده مش هيحصل نهائي لان لو كان هيحصل مكنش زمانك دلوقتي بتحاول تكسبها من تاني احنا علشان نخليها تعترف هنجبرها ونحطها قدام الامر الواقع وممكن نضطر اننا نخليها تدوق نفس اللي داقته ساعة حادثة عمي يحي بس مش هيكون حقيقي بمعني هنخليها تحس انها خسرتك بس علشان تعترف وعلى الاغلب حلا مش هتعترف غير بالطريقة ديه بس احنا هنخليها للاخر عارف انه هيكون صعب عليك انك تعمل كدة فيها بس بقول لو مفضلش قدامنا غير الحل ده عموما حاول تخليها تحكيلك عن حياتها وهاجمها في نفس الوقت وهقولك على حاجة تفيدك بس علشان انا مستعجل مش عارف اقعد اتكلم معاك حلا لما تتهرب من انها تبص في عنيك وهتلاقي ده بيحصل كتير وهي مبتبصش في عنيك غير لما تكون متعصب بس لو نظرتك اتحولت لحب او اشتياق هتلاقيها بتتهرب من عنيك ومش بعيد تختفي من قدامك لانها لو شافت النظرة ديه هتضعف ابقى ركز وهتعرف اني كلامي صح واديني بديك فرص اهو عد الجمايل بس متستغلش الظروف اوي وتاخد راحتك ها راعي انها مش مراتك لسة ها يعني علشان انا عارف الشيطان اللي بيقعد جنبك وانت بتبصلها بشوق وحب ها
قصي بهيام: يعني بذمتك حد يشوف الفراولة او الكرز ويقدر يمنع نفسه من انه ياكل حتة
فارس ضحك: قصي انا بتكلم جد مش بهزر عارف انك بتموت في حلا وبالاخص لما تلاقيها زابدة حلاوة في نظرك بس ده علشان هي وحشاك مش اكتر ولانك نفسك تحضنها فاهمك انا وفاهم شعورك كويس ومقدر ده بس هي لسة مش مراتك لما ها لما تبقى مراتك لو حبستها في اوضتك ولا هفتح بوقي بس يا قصي لو حاولت تقرب من حلا ولا تعمل حاجة كدة ولا كدة هتشوف مني تصرف مش هتتخيله وزي ما بساعدك تكسب حبها وتخليها تضعف وتعترف ساعتها انا اللي هساعدها تبعد عنك وابقى وريني عرض كتافك يلا سلام
فارس مشي وقصي قعد يتكلم مع فهد وسمير بخصوص الشغل وخلص معاهم وقفل اللاب توب كان ناوي يدخل لحلا بس رجع عن قراره وقال يسبها تكمل شغلها ولما تخلص هتبقى تخرج فتح التليفزيون وحاول يشوف حاجة تسليه بس ملقاش حاجة فضل قاعد يقلب في التليفزيون مر ساعتين تلات اربع خمس ساعات وحلا مخرجتش قلق عليها فقام يشوفها يطمن عليها لحسن يكون جرالها حاجة خبط على الباب مسمعش اي رد فدخل لقاها ساندة على المكتب وراسها ما بين ايديها ومغمضة عنيها قصي قلق عليها وركض لعندها
قصي بخوف وقلق: حلا انتي كويسة
مسك وشها وبدأ يفحصها بعنيه من فوق لتحت يشوف اذا كان فيه جرح مفتوح ولا بتنزف ولا اذا كان قلبها وجعها
قصي بخوف: في حاجة تعباكي طب في حاجة وجعاكي ها ردي عليا انت كويسة
حلا بأطمئنان: اهدى انا كويسة بس راسي بيوجعتي شوية من كتر التفكير مش اكتر انا كويسة مفيش حاجة اهدى
قصي ببعض الاطمئنان: متأكدة
حلا هزت راسها بالموافقة وبعدين بعدت عنه شوية وقامت
حلا: انا هروح احضر الغدا تحب تاكل ايه
قصي: اي حاجة مش فارقة كتير
حلا ذهبت للمطبخ تحضر الغدا وهو راح يساعدها
حلا: قصي روح ارتاح انت مجروح في راسك ودراعك وجروحك محتاجة راحة
قصي: مش اكتر منك على فكرة انتي مجروحة في رجليكي اصعب من جروحي وبعدين انا مش هعمل غير حاجات بسيطة
بدأوا يعملوا الاكل سوى وبعدين اكلوا وحلا اديت لقصي المسكن وبعدين قعدوا في الصالة
قصي: حلا متتكلمي في اي حاجة بدل الملل اللي احنا فيه
حلا لفتله وبصتله: يعني هنتكلم على ايه
قصي: في اي حاجة مثلا خلينا نقضيها سؤال وجواب اسأليني وانا اجاوبك
حلا بتفكير: اسألك امممم لسة بتحب البنت اللي حبيتها من عشر سنين
قصي بصلها وعجبه السؤال: اه
حلا: ايه اللي خلاك تحب البنت ديه بالذات قصي وليه لسة بتحبها لحد دلوقتي برغم كل اللي عملته فيك انها رفضت تكلمك او تشوفك وممكن تكون جرحتك بتصرفتها معقولة بعد كل ده واللي هي عملته لسة بتحبها
قصي: هتصدقي لو قولتلك ان بالرغم اللي هي عملته انا حبيتها اكتر واكتر
حلا بصتله باستغراب: ازاي
قصي ابتسم: طب قبل ما اجاوبك عندك سؤال تاني بخصوص الموضوع ده علشان اجاوبك مرة واحدة
حلا: اه
قصي: ايه هو
حلا: لو عرفت ان البنت ديه قصادك او شوفتها وعرفت ان هي ديه حبيبتك ردت فعلك ايه يعني هتعمل ايه هو فيه اسئلة كتير بس واحدة واحدة جاوبني على الثلاثة اسئلة دول وبعدين الباقي لان كله مرتبط ببعضه ومش هسيبك غير لما تجاوبني بكل صراحة
قصي ابتسم: وانا موافق
حلا: ها سمعاك
قصي: ..….................…
_________________________________
يا ترى قصي هيجاوب حلا بإيه؟!
