أشخاص سيؤون

اشخاص سيؤون ..حلقه 1

......ترن ترن ترن......

أُمي: يابنت شوفي شكون يتكلم

أنا: به ياأمي هذي سوسو.. الوو حبيبتي استاحشتك.بالحق ينا عليا توصلي طيبه ان شااءلله غلاتي..سلام

أُمي: خيرها اختك سكرة ماعطيتيني نكلمها

نا: باش تستاحشيها هههه نبصر قالت بكرا جايه ان شااءلله

أُمي: شني العطله جت امالا..ربي يوصلها سالمه بنيتي

انا: قالت عندهم صيانه اسبوعين ف الداخلي وماعندهاش قرايه ضروريه باش تقعد ع خاطرها عند خالتي

أُمي: به بنيتي مافيش حاجه حليوه فمي ماسط

انا: حتي ناخاطري ف حاجه حلوه انوض ندير كيك

قبل كل شي خلي نعرفكم عليا وع عيلتي والشخصيات الثانيه كل ماتطلع شخصيه رح نعرفكم عليها..انا اسمي سحر م94 مصاصة الكرشه ف الحوش نقراء شهاده ثانويه عندي اخت وحده سلمي م84 تقراء ف منطقه خارج طرابلس وخوتي حمزه م83 كبير الحوش مهندس و حاتم م86 محقق ف الامن الداخلي و حسن م 90 صيدله وأنس م92 يقراء هندسه حتي هوا الصغير ف الشباب وديما انا وياه ناقر ونقير وأُمي فاطمه م57 وبابا متوفي ربي يرحمه... و الاحداث هذي صايره ف 2012 ...حقيقه

_________❤روايات هبوو❤_________

أُمي: ماديريهاش حلوه ياسر باش ناخد منها طريف باهي

انا: ههه حاضر ياعيووني اني تو مانحطلكش عليها شكلاته

أُمي: لا نبي هذي اللي عليها نقصي السكر ف الكيك اصلا مش كويس هوا

أنا: هههههههه يعني الشكلاته هي اللي كويسه

امي: ياسرك دوه ونوضي كان بديريها وحطي معاك العشاء يافالحه..

انا: وين تليفوني نكسد عليه..ندير ف الكيك ونحوس ف الكوجينه خطرة عليا أسماء تقراء معايا ايييه لمعفنه وينها من قبل العطله ماكلمتها خلي نديرلها تشرينه 📱طووط طوووط وسكرة🤭
وشويه وعاودة عليا شكلها مبحبحه الحلوفه

انا: الو سومه

الشخص: الو من معاي

انا: 😳 انت من هذا رقم صاحبتي

الشخص: لا يأاختي هذا رقمي

انا: انا مش غالطه خوي لان انا مكلمتها عليه من قبل قداش مره انت خوها

الشخص: لالا مانعرفهاش صاحبتك

انا مسكره راسي قولي سكري وشوفي وحده من البنات اسأليها ولا استني المدرسه هاليومين
انا: تي انا متأكده هذا رقمها ومخزنته عندي

الشخص: نقولك حاجه انا الحق شفرتي هذي كانت ضايعه مني قداش ليها واليوم بس كيف حرقتها وطلعتها وانتي اول وحده تكلميني عليها

انا: ضايعه منك اهاااااا😏 بلكي صاحبتك وتعاركت معاها سكرة عليها الشفره

الشخص: لا والله ماصارة كان نعرفها وسكرتها عليها علاش فاتحها كان هذا حرقتها وخلاص

انا: به معليش خوي امالا نستأذنك

الشخص: نتعرفو عادي لو مافيهاش ازعاج صدفه خير من الف ميعاد

انا: همم به عادي..الحق هوا صوته يهبببلل حتي كان ماقاليش نتعرفو راه رنيت عليه مره ثانيه ع اساس غالطه🤪
به نتعرفو اسمك عمرك بلادك حالتك الاجتماعيه

الشخص: ههههههههه بنتعرفو ولا بنتعين هههه

انا: 😐

الشخص: به ياستي نجاوبُ ع التحقيق انتعك حضرتي خالد م81 نخدم عمل حر من جنزور ومطلق وندور ف بنت الحلال تحبي تعرفي حاجه ثانيه

انا: اها به بالجوده بيك وربي يوفقك ويطيحك ف بنت الحلال

خالد: وانتي ماتبيش تعرفينا عليك ولا غيرتي رايك فيا٠

انا: لاعلاش بس نستي ف سُألك😁المهم اسمي سحر م94 مازلت نقراء شهاده ثانويه ادعيلي ننجح

خالد: اووووه صغيرونه هلبا هوا صح واضح من صوتك صغيره بس مانحسابكش هكي طلعت مانعرفش نحسب هههه لكن شكلك شوطينه ولسانك متبري منك

انا: لا والله ماصارةضلمتني بالعكس انا هاديه وع روحي لكن مره مره لساني يزلق🙊

خالد: هههههه اييييييوه نحكي ع الزلقه اهيا اللي مره مره

أُمي: شن صار ف كيكتك يابنت ياك ماحرقتيها نشم ف ريحه

انا: ريحة شني يا أُمي وانا مازال حتي ماحطيتها

أمي: امالا شن هالريحه

خالد: هههههه قولي الحق شكلك حرقتيها ومتحشمه تقولي اجري اجري لحقي ع الطاجين خير من يذوب

انا: والله لا مازال ماحطيتها اصلا كله منك وانت تحكي خلي نمشي نشوف امي

خالد: ههه صار مني انا تمام اوكي وديري بالك ع كيكتك قصدي روحك هههه

انا: هههه بااااي..وينها الريحه يا أمي حتي ولعة الكوشه ماشفت شن شفيها هييييي..