أشخاص سيؤون

حلقه..73

الأخيره الجزء الاول

..
اولا بجد ااااسفه ع التأخير بس والله غصبن عني تليفوني كان مايشحنش والله قعد يومين بلا شحن لعند اليوم باش صلحته اسفه مره تانيه وان شاءالله تعجبكم الحلقه🥰😘 ....

قيموها عاد اخر حلقه و في النهايه فيه مفاجاءه لبعض الناس بخصوص الروايه طبعا 😁 ماتنسوش لايك و نبي رايكم الكللل 😘

...
..
.

#بعد_3اسابيع....

فات رمضان وايام العيد ع خير ومستقرين والحمدلله مشيت للدكتوره قاتلي اني ف بداية الثالت🙈 بس ما درتش صوره للبيبي .. وبيرم فرحان يبي ولد تقول باش نحطه اني ولد ولا بنت😑 ..

ف البطحه ف وسط لبلاد ملتمين (البطحه زي الساحه ولا الجردينه خليط)

بيرم : مانجيبش لبنات اني نبي ولد

امه : وهيا شدخلها .. لمراء حماله ف النازله نسلك هو اللي احدد بنت ولا ولد

بيرم : وانا باش نجيب ولد ان شاءالله

خالته : المهم الصحه لاباس يا بيرم بنت ولا ولد

انا : كرهتني ف حاجه اسمها ولد

بيرم شافلي : شن دخلني تكرهي ولا تحبي المهم انا نحب ولد ولي العهد باش نسميه ع اسم بابا

صفاء طبست ع ودني : هذا علاش احب ولد باش يمشي لبابا ف قبره واقوله جبت ولد سميته ع سمك

انا ضحكت وتكلمت بشويه : حسسني ان بدخله للجنه الولد

بيرم : شتحكو يا شقافي انتي وياها

انا : معادش نحكو حتي بيناتنا كل شي تبي تعرفه

بيرم : ما عارفكم شتحكو بدات انتي ياشقفه

صفاء ضحكت : ماعملت شي اني

امه : امتي بتمشي تعملي صوره

انا : غدوا ان شاءالله

بيرم ابتسم : ااه باش نشوف ولدي ف الصوره

امه ضحكت : كالا انت واحد مهبول

انا : لكن ياعمتي نحس ف نخسات مرات بشويه وي الضربات

امه : بلكي تتحركي برشا لان نورمال مو(مفروض) مازال مايتحركش الصغير

خالته : شكله ولد لان يتحرك قبل البنت

بيرم فرحه و صوت عالي : ينصر دينك ياخالتي والله كان جا ولد الا ما نشييخك

كلنا قعدنا نضحكو ......

صفاء تضحك : شعامل فيك ف الدار

انا : كان تشوفيه ف الدار تقول مش نفسه توا فرحان واقول اللي اجي عادي بنت و لا ولد المهم منك ولما نطلعو يصدم فيا

صفاء : ماتعدليش عليه احب اوري روحه قدام لعباد ديما طفيه انتي خليه يحكي وماتعدليش عليه لان حسيته يحب اعصبك يقعد شايخ