اشخاص سيوؤن
لايك قبل تقرو😉😘
...ثاني يوم ف العشيه ....
انا : نهدرز انا ولمرا اتصل بيا حمزه
حمزه : ها سحر .. كلمك خالد
انا : لالا حتي نتصل بيه خارج التغطيه
حمزه : به قتلك كان كلمك وقال بيجيك ما تمشيش معاه وانا يومين ونجي نروح بيك ونردك لأمي غادي .. تو نوري امه
انا : استغربت حمزه ف كلامه : علاش كلمك هوا
حمزه : كلمني امس قتله انا مشيت للعجيلات قالي انه بيمشيلك ويبي نعتة الحوش قعدة نستني فيه ماتكلمش ولما كلمته يا خارج التغطيه يا مايردش
انا : اها .. ان شاءالله خير .. وانت امتي جاي
حمزه : هاني توا ماشي لغريان بنجيب السياره انا و كمال ولد عمي وان شاءالله نجيك بعد بكرا ونردو ل ....
انا : تمام ربي يسهلك .. سكرت من حمزه ورفعت راسي وتنفست بكل جهدي كأني نطلع ف روحي معا النفس .. شكله مكتوب عليا الشقي والتمرميد.. قعدة زي الكوره بينهم واللي عنده الكوره يشوط ع طول رجله من دون رحمه💔 .. حسيت دمعتي بتنزل مسحتها وخشيت للمراء نحاول نتناسى ....
...
....
حمزه : سكر من سحر و ولع دخانه وزاد ف السرعه
كمال : وسع بالك يا راجل مش قتلي قريبكم اللي قعده معاهم ومطمن عليها عندهم
حمزه منرفز : والله واجعتني ليين خلاص بدات يومتها وحني جايين والسياره وقفت والله قريب بكيت من كثر ما سخفتني هيا و ولدها .. وهذاكا🤬 فاتنا لا اتصل سأل وصلتي شن صار فيكم لا شي حتي بالكذب حتي لما كلمني امس بعد مالقاء مكالماتي
كمال شاف لحمزه : مش عارف امتي كبرت سحر اللي عرستولها .. انا نعرف انها اصغيره يمكن نديت بنت رحاب (زوجته) .. لكن مش شايفها حتي قبل ماتجيش معاكم لما تجو مع بوكم
حمزه : النصيب مسكينه عرست بكري وياريت حتي جاء نصيب مسقم .. هيا زي امي ماعندهاش ع لطلوع هلبا كان مع امي تمشي بنت امها
كمال : به فوت عليها واحني مروحين خلتمشي معانا لعجيلات وامتي ماتروحو تروحو خير من تقعد غادي وتنشغل عليها
حمزه : حتي هوا راي .. نشوفو موضوع السياره توا قبل واحني مروحين بكرا ان شاءالله نفوتو عليها
••
••
•
•
#ضواحي_طرابلس
ف حوش وسط لحوايز ملتمين العيله سلفي الشيخ وعيلته و عمي و عمتي وخالد ..
عمتي : مامشيتش جبت مرتك
خالد مقعمز ع العتبه : مالحقتش بالك الصبح نمشيلها .. حتي اتصل خوها بكري ماسمعتاش عاودت عليه ماشدش الخط
أنت تقرأ
أشخاص سيؤون
Gizem / Gerilimقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
