أشخاص سيؤون

حلقه..40

اشخاص..سيوؤن

لايك قبل تقرو😉😘

#بعد_تلاته_ايام.....

قعده ف حوش كمال نفسيتي اكثر مازادت تعبت .. لانومي نوم ولا ناكل ولا نحكي حتي حمزه خلاني ع راحتي من لما جيت ماحكيناش ف الموضوع حتي لما يضبحلي يسلم ويسألني لو شن نبي ويمشي .. نكلم ف سلفتي قريب كل ساعه نطمن ع حمودا ..

انا : صليت المغرب وقعده ع الصلايه ندعي ربي يفرجها عليا ويبرد ناري

ولاء : عمتي سحر يبيك عمي حمزه برا ف المربوعه

انا نرفع ف الصلايه : به هاني جايه .. من معاه

ولاء : ماما وبابا

انا : بستها ع خدها وطلعت ..

خلي نعرفكم ع كمال وعيلته ..( كمال هذا قريبنا من بعيد شبه ولد عمي مواليد78 .. زوجته رحاب مراء تحطها ع الجرح يبرا اكبر منه .. عنده زوز ولاد وتلات بناويت .. وزوجته كانت واخده قبله وعندها بنت ف عمري تقريبا متزوجه ) ..

انا خشيت عليهم المربوعه : السلام عليكم

كلهم : عليكم السلام

رحاب : خشي قعمزي

حمزه : تعالي هني .وحط يده ع الفرش جنبه

انا : ابتسمت وخشيت قعمزة بحداه وبجنبه كمال ومرته

حمزه : شن حالك

انا بأبتسامه باهته : الحمدلله

كمال يشوفلي : شني سحر ان شاءالله مرتاحه عندنا

انا شفتله وطبست راسي : بارك الله فيكم اللي استقبلتوني .. سامحوني كان تقلت عليكم

كمال ومرته : عيب عاد شن هالكلام ..

رحاب : والله انتي زي وحده من البنات خفيفه ماحسيناش بيك بكل

حمزه : تكلمي ف حمودا

انا خنقتني العبره : اها قبل المغرب كلمت سلفتي اطمنت عليه .. شفت لحمزه . ماكلمكش هوا

حمزه : كلمني اليوم قتله زيد خليها

انا : شن قالك

حمزه : يتأسف ع مدة يده وع اساس سمعك تتكلمي

انا : يعني مُصٍر .. به يا سيدي بما انه سمعني شن مازل يبي فيا

حمزه : شن تبي انتي

انا : حمزه معادش نبيه والله تعبت نفسيا وجسديا وعقليا وكل شي بالله عليك خطاني منه . و واحد خير من زوز

كمال : اسمحلي ياحمزه بنتكلم

حمزه : تكلم يا راجل زي اختك هذي

كمال : سلمك .. وتلفتلي شوفي ياسحر انا قتله حمزه احسم معاه الموضوع و وقفه عند حده ومايردكش توا حتي لو ولدك بعيد و بتتعدبي لكن تحملي .. هاك تطمني عليه كل يوم وخليه هوا يعرف قيمتك لان لو رجعتي هك و خلاص رح يتمادا