أشخاص سيؤون

اشخاص.سيوؤن.حلقه.28

لايك قبل تقرو😉😘

#العشيه

ركبت وركبت بضاعتي اللي شريتها ف 12 يوم اللي قعدتهم وركبت معانا امي وروحت لحوشي .. ااااه استاحشته الله يسامحك ويهديك يا خالد مش عارفه علاش ادير ف هذ كله .. شن المشكله لو شاده حوشي زي الناس ومستقرين علاش هالمشاكل وهالجفا والبعد اللي صاير💔

حطوني امي وحسن وروحو .. لقيت الحوش حايس وحالته حاله شمرت درعاني وبديت ف الصاله وانا خاطري ضاايق وخايفه علاش مش عارفه قعدة نرفع ف الصالون الارضي بالطرف ونحط فيه ف الدار باش نسيق رفعت الصالون اللي نص نسمع ف صوت حاجه طاحت من وراء الصالون ع الارض حسيت قلبي طاح معاها ....

...
.....

خالد : مانسيتي شي ف الحوش ولالا

ابتسام وهيا تفتش ف شنطتها :.. هأه

خالد : يسوق ويشوفلها .. شن ادوري

ابتسام : ندور ف سوارتي مالقيتهاش

خالد : وين كنتي حاطتها

ابتسام :كنت لابستها بعدين مش عارفه وين حطيتها نحسابها ف الشنطه لكن اهي مش باينه ..

خالد ضعف السرعه : زيدي شوفيها غير راك تكوني ناسيتها ف الاستراحه بس

ابتسام فتحت عيونها😳 وشبحت لخالد : تصدق شكلها طاحت مني غادي

خالد شافلها وهو معصب :.. ياعن 🤬 طروح اديري ف امهم حطيتيها بلعاني باش تلقاها

ابتسام خافت : والله مش بلعاني شكلها طاحت مني وماحسيتش بيها

خالد : الشر ف عيونه مسكها من وشاحها وشعرها.. والله يا ابتسام لو اطيح ف يدين سحر تشوفي مني شي عمرك ماشفتيه ولوحها ع الفودره

ابتسام شافتله : حقير شن تحساب روحك تمد ف يدك عليا والله اندمك عليها يا وسخ

خالد : وقف السياره وشافلها اعلي ماف خيلك اركبيه .. وهيا انزلي من السياره

ابتسام شافتله بمكر : والله تشوف يا خالد الاما نخليها تسيبك  وترجعلي زي الكلب ونزلت وسكرت باب السياره بالقووه لين قريب لحم ف بعضه

خالد : شلش عليها بالسياره ومشي ... افكر لو لقتها سحر شن بقوللها امتع شكون ....

" خالد كان خايف انه سحر تمسك عليه حاجه ثانيه وتوريها لخوها والمره هذي ماتتفوتش لان الحاجه لقتها ف وسط حوشها فأكيد مش رح يسكتو عليها زي المره اللي فاتت .. وبهكي تقعد ماسكه عليه حاجتين وهوا حاجه حتي تفكيره خبيث وخامر كيفه🤦‍♀️"

••
••
•
•

انا : جسمي كله يرعش رفعت الصالون اللي طاحت وراه الحاجه لقيت سواره من خزف رفعتها قعدة نشوفلها امتع شكون هذي .. استغفرالله ياربي معقوله كل مانغيب ع حوشي نرجع نلقا حاجات مش ليا زودتها ياخالد زودتها ع ماوصوك هلبا هلبااا لين مسطتها .. حطيتها ع المدخل بلعاني ورجعت نكمل ف باقي حوستي ...