لايك قبل تقرو😉😘
#بعد_اسبوع....
قعدنا مع سلمى يومين درنالها التالت غادي ورحنا ف نص الاسبوع وضعي انا خالد مستتب زي العاده نمشي لحوش عمي الصباح نروح ف الليل وانا فعلااا بديت نفد مافديتش من حوش عمي ولا منهم لا والله بالعكس هما اللي مهونين عليا لكن ماحسيتش بستقلاليه ف حوشي بكل تخايلو انوض الصبح والله مرات نخلي ف فرشي حايس ونحط فطوري ف شنطتي حتي الصلاه نصليها غادي تقول دوام رسمي لو ما مشيتش بيفصلوني ونا ساكته ونفوت ونقول تو سيوري نشد حوشي خالد اليوم جايب عمال بيبدا يبني ف الارض هيا ف نفس صور العيله
خالد : تي هيا ساعه توتي ف روحك
انا طايرتلي : مش عارفه علاش مانطيبش ف حوشي و ارفع للخدامه من هني شني ماعنديش غاز ولا مانعرفش نطيب .. جاب ربي حتي غادي نطيب
خالد : بدينا ف نفس الاسطوانه قتلك معادش نقدر نجي هني تقعدي بروحك لعند الليل
انا شبحتله ع جنب : خالد فكنا من الجو من بُعده الحوش هوا . وقفت حطيت يدي ف نصي بعدين راه عارفاتك تجي لهني وحدك ف القايله ولما تحطني ترجع مره ثانيه يعني انا مش عيله يا خالد راه وساكته بمزاجي يعني ماديرليش روحك ع اساس خدمه24 ساعه وخشيت عنه للدار وخليته
خالد تبكش : معادش عرف شن يقول كيف عرفت وشكون قاللها سكت وماباش يزيد يناقش .. وهوا ينفخ ومش طايب عليه تلقيني ف السياره وطلع
انا : نلبس ف وشاحي .. حقير يحسابني غافله والله تشوف ف الجديد كان ساكتتلك ع حاجه وان اللي مقدره ونقول تو يتصلح يحاسبني غبيه و مانعرفش .. طلعت لقيته قاعد ف السياره ويدخن سكرت الباب وركبت ف السياره ومشي بدون مايحكي ..قبل مانوصلو لحوش العيله
انا : جيب مكرونه مافيش راه وجيب معاك مشروب شاني
خالد : وقف السياره ونزل للمحل
انا :قعده نشوف للمحل رن تليفونه شفته لقيته ابتسام رديت عليها
ابتسام بدلع يكسر الرقبه : الووو
انا : اهلين ابتسام 😒
ابتسام بستغراب : سحرر الحمدلله ع السلامه امتي جيتي
انا : استغربت وتفاجاءت لان انا ماقتلهاش اني مسافره ولا قتلها ع عرس اختي اصلا كل اللي بينا تقولي لو خالد كلمها ولا مشالها .. بس رديت عليها عادي الله يسلمك
ابتسام : شن حالك ومبروك ع اختك ان شاءالله ربي يهنيها
انا : ان شااءالله شكرا .. خيرك متصله هذا غير ع اساس هوا اللي يجري وارك
ابتسام انكشفت وتبي تلايم الموضوع : اها لقيته هوا متصل استغربت قلت نشوف خيره
انا : اهاااا هوا صار .. به تبي شي توا
أنت تقرأ
أشخاص سيؤون
Детектив / Триллерقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
