أشخاص سيؤون

اشخاص سيوؤن..حلقه4

___________❤روايات هبوو❤___________

انا: به بسرعه وقعدة نكلم فيه ها خالد شني الشارع برا

خالد: تمام انا بجنب قابينة الضي انتي وين

انا: لحظه ها ساره شني

ساره: فاضي الشارع قوليله يجي توا

انا: اسمع خالد ثاني حوش بعد القابينه تو نفتح الباب وانت دير روحك تسأل ع حوش

خالد: به تمام افتحي الباب شويه بنحذفلك كيس

انا: واقفه ع الباب ونرعش مع بعضي نشوف ف سياره بيضاء وقفت وشفته  ونصدمت...
شفته وصدمني كان كبير شويه وشعره كله شيب شعراااات شووويه سود وكان شكله مايوحيش انه م81 لكن مش خايب عينيه صغار ونقشه صغير اكيد بتقولو كيف ركزت فيه لكن من الخوف ولما شفت الشيب ف شعره قعدة مركزه ف ملامحه وهوا قعد يشوفلي وابتسملي وانا رجعتله الابتسامه وحذف كيسه ومشي حتي بالكذب ماسألش ع اي حوش

ساره: سحر شكله كبير مش عارفه علاش ماتريحتلاش

انا: حتي نا ماتوقعتاش هكي صدمني لما شفته قال مواليد81

ساره: مواليد عينه تي واضح مواليد السبعينات وهوا قعد مسبوه فيك شن بيفكك منه توا ياريت ماشافك

انا: والله رجليا مزالو يرعشو من الخوف لا يا وخيتي تو ندور اي سبله ونفوته وانتي شن تسمسمي قعده

ساره: وهيا تاكل والله الشكلاطه اللي جايبها تهبل وحده احلي من الثانيه يالله حصلنا منه حاجه خير من وجهه

انا: ضحكتني هههه هذا فاش تفكري انتي عطيني طرف خلي نشوفو ذوقه ومدلتي طرف شكلاطه الفيل هذا شني اول مره نشوفها ونا ناكل الله محلاااها تهبل عطك حبه يعرف يشري الشكاليط
كان لقيتيني مازال نحكي معاه وكبدة عليه اعرفي انه مغرقني بالشكلاطه

ساره: خزي غير راك تنسيني عاد ماني صاحبتك انا

انا: ولا يهمك حبي خودي شتحبي وهاتي عقابهم وجيبيلي البوريكات خلي نمشي نروح سلمي قريب توصل

ساره: وهيا جايبتلي البوريك سوسو جايه الحمدلله ع سلامتها تو بكرا نجيكم وانتي شن يصير معاك قوليلي وديري بالك حبيبتي

انا: خديت حاجتي ومروحه طلعت من الباب ونشوف خالد واقف هوا و ولد عم ساره جت عيني ف عينه نزلتها طول و قلبي طااح ف رجليا حسيت روحي قريب نطيح من الرعشه قريب قعدة نمرد ع الارض من الخوف خفت يقول حاجه ونا نمشي وندعي ربي يسترني ونحس فيه يشوفلي ويراقب فيا وماحبيتش يعرف حوشنا وين بالزبط لكن زهري الحلو خلاه يعرف عليا كل شي من اول مقابله🤦‍♀️
انا: دخلت للحوش وانا فاشله وقلت لامي ادير معاها البوريك بندخل ندوش قبل ماتجي سوسو خديت حوايجي ودخلت تحت الدوش وانا نرعش...