أشخاص سيؤون

حلقه..50

لايك قبل تقرو😉😘

انا كيف نايضه من نوم وقعده ف فراشي فتحت نت بفوني الجديد لقيت طلب مراسله من وحده اسمها مها المبروك لقيتها باعتتلي

" ياريت تكلميني ضروري "

انا بعتلها : السلام عليكم من معايا

مها : عليكم السلام .. سحر

انا : اها ان شاءالله . شكون انتي

مها : انا اخت معاد

انا فرحت طول جاء ف بالي ان معاد حكى معاهم ف موضوعنا : اها اهلين بيك مها ولا لا

مها : اها مها ..

انا : حسيتها تتكلم بلا نيه معادش عرفت شن نكتب شوي و ردة عليا بمسج

........
.....

أمي تقراء ف القرأن : صدق الله العظيم .. مازال ماناضت اختك

سلمى اطيب ف لفطور : لالا خليها نكمل لفطور ونوضها

امي : شن صار معا هذاكا لوليد اللي يبيها

سلمى شافت لباب المربوعه بسرعه وردة شافت لأمي : أمي تو يسمعوك خوتي

أمي : شن تحسابيني بكل امالا مهناك حد طلعو

سلمى تنفست براحه : ااه نحسابك ناسيتهم .. معاد هله مسافرين لتركيا يستنى فيهم يروحو باش يحكي معاهم

امي : ان شاءالله خير المهم تكون امه راضيه مش مستغنيه عليها انا

سلمى : يستر الله قالت امه واعره شويه لكن هوا ولد واحد اكيد يبو كان رضاه وراحته

امي : الخوف كان من الولد الواحد يقعد زي لميه الشويه و امه تبي تحكم من جيهه و الخوات من جيهه

سلمى : كان عندهم نصيب ف بعض والله حتي وقفت الدنيا كلها ف وجههم

امي : ايه والله ربي يكتبلها اللي فيه خير بنيتي ان شاءالله

سلمى : ان شاءالله

......
....
..

مها : اسمعي راه انتي باش تفرقي عائله من بعضها واحني مانبوكش وامي مش راضيه ع معاد لو خداك فلذلك اسحبي روحك وخليه ف حاله

انا : نقراء ومصدوومه ونبضات قلبي تخبط بقوووه قعدة نرعش مع بعضي تجموعو الدموع ف عيوني .. عدلت تقعميزتي وخديت نفس واستجمعت قوتي ورديت عليها ... انا مافرقت حد ولا نفرق ومعاد ماقاليش اصلا ان حكى معاكم ف الموضوع لان مشيتو لتركيا ام اني نخليه ف حاله قولوله هوا يفوتني علاش جايه تقوليلي فيها

مها : هوا حكى مع امي من قبل مانسافرو وامي عطاته قلت السماح وامبارح كلمه بابا سأله قاله ماتحكوليش فيه الموضوع نبيها و واخد قراري