أشخاص سيؤون

اشخاص سيوؤن..حلقه5

____________❤رويات هبوو❤___________

خالد: ولا يهمك صحتين ع قلبك الحق انا قلت شكلها معادش تبي تكلمني من بكري وانا متكدر  فرحت لما كلمتيني توا لكن الحق ماتوقعتكش هكي طلعتي من لاخير من بكري وانا نفكر فيك

انا: تسلم احرجتني هذا من ذوقك حتي نا ماتوقعتكش هكي حسيتك..
ونسمع سلمي تقولي سحر مديلي المنشف  نسيته مادخلتاش معايا

خالد: اختك اضبحلك بري شوفيها وانا تو نكلمك بكرا لما ناخد شفره تونسيه تصبحي ع خير

انا: تمام ع خير سكرة منه وعطيت سلمي المنشف وطلعتلها حوايج طلعت من الدوش ولبست ودخلنا ف فرش واحد انا وهيا وقعدنا نهدرزو انا وياها ونضحكو لين خدانا النوم😴...

انا: رااااقده نضت مخلوعه ع رنت تليفوني شفته لقيته رقم خارجي عرفته هوا وووه مش موقته بكل رديت عليه ونا نص واعيه
أنا: صباح الخير

خالد: صباح الورد تي وين هذا كله نوم ياخميره الساعه10

انا: والله رقدة موخر امبارح قعدة نهدرز انا واختي وأمي مانوضتنيش

خالد: به صحه النوم نوضي صحصحي وافطري تو نكلمك بعدين قلت خلي نصبح عليك ونقولك وصلت

انا: ف خاطري شن دخلني توصل ولا تتخد
به الحمدلله ع سلامتك خلي انوض حتي انا

خالد: تمام ياحلو نحكو بعدين سلام

انا: سكرة منه وانا بنلف للجيهه الثانيه لقيت سلمي قعده ع الصلايه وتشبحلي ف خااطري اووه وقعتي ياسحر

سلمي: هذا من اللي يكلم فيك ع الصباح

انا: الناس تقول صباح خير يا أختي العزيزه وانتي مستلمتني اسأله

سلمي: هههه كيف ما استلمتي مكالمه قبل شويه قوليلي هذا من يا معفنه

انا: هذا حصله ياوخيتي طاح عليا من السماء

سلمي: ههههه وشن طيحه عليك بسم الله حسيتك تتكلمي معاه بلا نيه

انا: عدلت تقعميزتي وقعدة نحكيلها كيف طاح عليا قصدي تعرفت عليه من الاول

سلمي: يعطيك الصحه يا سحر ماخفتيش كيف تقوليله من الاول وين تسكني وعطيتيه معلوماتك ينقنك هبله ودرويشه يا وخيتي

انا: اييه بالله عليك ماتزيديهاش عليا تو فكري معايا كيف نفوته بعد عرف حتي حوشنا

سلمي: مشي معاه توا كان تمادا ولا فتحلك اي موضوع تعاركي معاه وسكري عليه مع اني متأكده انه يحاول مايزعلكش ويكسبك بما انك عجبتيه المهم ديري بالك منه وكان طيرهالك هاتيه نسخسخه ف التليفون

انا: هههههه ووه عليك خاطرك ف عركه شكلك

سلمي: ههههه لا ماتخافيش واخده جرعة عركه قبل مانجي تكفيني لشهر القدام😂😂نوضي صلي باش نحكيهالك