لايك قبل تقرو😉😘
........ثاني يوم .......
انا : نضت مخلوعه ع صوت تليفوني لقيته حمزه تفكرت روحي اني باعتتله مسج امبارح شفت خالد مالقيتاش رديت طول ... صباح الخير
حمزه : اهلين . صباح النور .. شن حالك
انا : الحمدلله .. وانت
حمزه : الحمدلله .. شني الرساله اللي باعتتهالي امبارح
انا توثرة : اءء هذي رساله باعتتهاله صاحبته امبارح نفسها اللي كلاماتك قبل
حمزه : وعلاش اللي كلمتني قبل مش صاحبتك
انا :لا مش صاحبتي هذي وحده تعرفه وهيا هذاكا اليوم بلعاني قاتلك هكي غير انا خفت نقولك
حمزه : لاحول ولاقوة الابالله ..تو شن تبيني نديرلك
انا : 😥 صدمني رد حمزه قلت ياريتني بعتتها لحاتم 🤦♀️ .. نبيك تحكي معاه وتعرف شن قصته معاها
حمزه : ماتجيش يا سحر تو معقوله بنكلم الراجل وبنقوله من هذي اللي تكلم فيها .. هوا عارف انك بعتيهالي
انا : مش عارفه شاف اني بعتهالك ولا لا مامسحتهاش اني
حمزه : شن بنقولك خليه توا وكان زادت كلاماته ولا كلاماتك انتي ودارتلك مشاكل كلميني وماتقوليش لخالد اني كلمتك وانا مش مكلمه خلينا بالقدر معاه
انا : جتني خيبة امل حسيته انتصر عليا بيا ع اساس بندور سبله شوي لقيت روحي نعطي فيه فرصه .. تمام حمزه ان شاءالله خير
حمزه : خيره صوتك تغير زعلتي
انا : الدمعه ف عيني لا عادي علاش بنزعل .. كان شن صار تو نكلمك
حمزه : تمام وخيتي وديري بالك ع روحك
انا : ان شاءالله .. سكرت منه وانا مُحبطه فشلني برود حمزه .. حطيت تليفوني ونضت باش نصلي ونفطر ..
...
.....
ابتسام : نافخه خشمها وتتكلم بلوم .. ها
خالد : مروح من السوق .. الناس تقول صباح الورد وينك حبيبي مش ها
ابتسام : هه ع اي اساس حبيبي طلعت صاحبك مش حبيبتك ولا فوقها تسكر عليا قبل ماتستنى حتي ردي
خالد : معليش حبيبتي والله جت وقفت فوق راسي زي لعقاب معادش عرفت كيف نحكي وترتني
ابتسام بخبث : مادخليش بيك المهم ماتسكرش عليا .. به اخترت ولا شني
خالد بستغراب : شن بنختار
ابتسام : ايييه علينا خالد فكنا من الاستعباط امتعك مش بعتلك امبارح مسج وقتلك يا انا يا هيا
خالد : وقف السياره بعتي مسج امتي ف اي وقت
ابتسام تنفخ : لما سكرت مني طيرتهالي بعتلك مسج
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
